Yonasi 1:12 - Xitsonga (Bibele)

¹² A ku eka vona: “Ndzi tlakuleni mi ndzi hoxa lwandle, kutani lwandle ri ta mi miyelela, hikuva ndza swi tiva leswaku xihuhuri lexikulu lexi, xi mi humelele hikwalaho ka mina.”

BIBELE Mahungu Lamanene

¹² Yonasi a hlamula a ku: “Ndzi tlakuleni mi ndzi hoxa elwandle, ri ta rhula ri nga ha mi karhati, hikuva ndza swi tiva leswaku hi mina ndzi nga mi vangela xidzedze lexikulu lexi.”

Yonasi 1:12 Iomraidhean Croise

2 SAMIELE 24:17

Davhida kuteloko a vonile ntsumi ya Yehovha yi dlaya vanhu exikarhi ka tiko, a vulavula na Yehovha, a ku: “Waswivo, hi mina ndzi dyoheke, hi mina loyi a endleke leswo biha; kambe tinyimpfu leti ti onhile yini xana? Voko ra wena a ri ve ehenhla ka mina ni le henhla ka yindlu ya tatana!”

1 TIKRONIKA 21:17

Davhida a ku eka Xikwembu: “A hi mina loyi ndzi leriseke ku hlaya tiko Xana? Hi mina ndzi dyoheke ndzi endleke lexo biha lexikulu, kambe tinyimpfu leti ti endle yini xana? Yehovha, Xikwembu xanga, voko ra wena a ri ve ehenhla ka mina, ni le henhla ka yindlu ya tatana, ri nga tshuki ri va ehenhla ka tiko ra wena ku ri dlaya!”

Ntirho 35:8

Ku biha ka wena ku nga onha munhu wo kotisa wena, Ku lulama ka wena ku nga pfuna n'wana wa munhu ntsena.

Eklesiasta 9:18

Vutlhari byi sasekile ku tlula matlhari, kambe mudyohi a ri un'we u onha vunene lebyinyingi.

Yonasi 1:11

Kutani va ku eka yena: “Hi ta ku endla yini leswaku lwandle ri hi miyelela?” Hikuva lwandle a ri ri karhi ri engeta ku kariha.

Yonasi 1:13

Hambiswiritano, vavanuna volavo va tluta hi matimba ku ya fika eribuwini, kambe va tsandzeka, hikuva lwandle a ri ri karhi ri engeta ku va karihela.

Yohane 11:50

“N'wina, a mi tivi nchumu, a mi ehleketi leswaku swi nga saseka eka hina loko munhu a ri un'we a fela tiko, tiko hinkwaro ri nga tshuki ri lova.”

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Yoxuwa 7:12

Hikwalaho, vana va Israele va nga ka va nga tiyi emahlweni ka valala va vona, va ta fularhela valala va vona hikuva va yila. Ndzi nga ka ndzi nga ha vi na n'wina loko mi nga herisi leswo yila exikarhi ka n'wina.