Yohane 9:16 - Xitsonga (Bibele)

¹⁶ Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.

BIBELE Mahungu Lamanene

¹⁶ Vafarisi van'wana va ku: “La endleke swilo leswi a nga humi eka Xikwembu, hikuva a nga na mhaka ni siku ra Savata.” Van'wana va ku: “Xana munhu wa mudyohi a nga swi kotisa ku yini ku endla mahlori layo tano xana?” Kutani ku va ni ku hambana exikarhi ka vona.

Testamente Leyimpsha Xichangana

¹⁶ Van'wana xikarhi ka vafarisi vaku: “Lweyi ayendleke svilo lesvi angahumi ka Xikwembu, hikuva anga na mhaka ni siku ra Savata.” Van'wana vaku: “Xana munhu wa mujohi angasvikotisa kuyini kuyendla mahlori lawa yotanu ke?” Kutani kuva ni kuyavana xikarhi ka vona.

Yohane 9:16 Iomraidhean Croise

Matewu 12:10

Munhu a a ri kona kwalaho lowa voko ro khwanyala. Kutani va n'wi vutisa ku n'wi xiya, va ku: “Xana swa lulama ku hanyisa hi siku ra Savata xana?” A va lava laha va nga n'wi hehlaka hakona.

Matewu 12:2

Vafarisi loko va swi vona, va ku eka yena: “Vona, vadyondzisiwa va wena va endla leswi nga lulamelangiki siku ra Savata.”

Luka 13:14

Kambe hosi ya sinagoga yi hlunama, hikuva Yesu a a hanyisile munhu hi Savata, kutani yi byela vanhu, yi ku: “Ku ni masiku ya ntlhanu na rin'we, lawa ku fanelaka ku tirhiwa ha wona, tanani ha wona ku ta horisiwa, ku nga ri hi siku ra Savata.”

Yohane 10:19

Kutani ku hambana ku tlhela ku va kona exikarhi ka Vayuda hikwalaho ka marito walawo.

Yohane 14:11

Pfumelani ka mina leswaku ndzi le ka Tatana, ni leswaku Tatana u le ka mina; loko swi nga ri tano, pfumelani ka mina hi yona mitirho.

Yohane 15:24

Loko ngi ndzi nga tirhanga exikarhi ka vona mitirho leyi nga tirhiwangiki hi munhu un'wana, ingi va nga ri na nandzu; sweswi, va yi vonile, kutani va ndzi vengile, mina na Tatsana.

Yohane 2:11

Mahlori lawa hi wona lawa Yesu a nga sungula ha wona eKana wa Galeliya, a kombisa ku twala ka yena; kutani vadyondzisiwa va yena va pfumela eka yena.

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 5:10

Hikwalaho Vayuda va ku eka la hanyisiweke: “I siku ra Savata, a swi ku lulameri ku rhwala masangu ya wena.”

Yohane 5:36

Kambe mina ndzi ni vumbhoni lebyikulu ku tlula bya Yohane, hikuva mitirho leyi ndzi nga yi nyikiwa hi Tatana ku yi endla, mitirho leyi ndzi yi endlaka, hi yona leyi ndzi vulaka vumbhoni, leswaku ndzi rhumiwile hi Tatana.

Yohane 6:52

Vayuda va kanetana, va ku: “Xana yeloyi a nga hi nyikisa ku yini nyama ya yena, hi dya?”

Yohane 7:12

Kutani ku hambana a ku ri lokukulu ehenhla ka yena exikarhi ka ntshungu. Van'wana va ku: “I munhu lonene”; van'wana va ku: “E-e, kambe u xisa vanhu.”

Yohane 7:23

Xana leswi munhu a yimbisiwaka hi Savata, leswaku nawu wa Muxe wu nga tluriwi, mi ndzi karihelela yini loko ndzi hanyisile munhu miri wa yena hinkwawo hi Savata?

Yohane 7:43

Kutani mitshungu yi hambana hikwalaho ka yena.

Yohane 9:24

Va engeta va vitana ra vumbirhi munhu loyi ingi a file mahlo, va ku eka yena: “Dzunisa Xikwembu, ha swi tiva leswaku munhu loyi i mudyohi.”

Timhaka 14:4

Kambe vanhu va muti va hambana: Van'wana va yimela Vayuda, van'wana va yimela vaapostola.