Yohane 8:29 - Xitsonga (Bibele)

²⁹ La ndzi rhumeke u na mina. Tatana a nga ndzi tshikanga ndzi ri swanga, hikuva ndzi endla hi masiku leswi n'wi tsakisaka.”

BIBELE Mahungu Lamanene

²⁹ Loyi a ndzi rhumeke, ú na mina; a nga ndzi tshikanga ndzi ri ndzexe, hikuva masiku hinkwawo ndzi endla leswi swi n'wi tsakisaka.”

Testamente Leyimpsha Xichangana

²⁹ Kutani lweyi anirhumeke, ana mina; Tatana anganitshikanga nili noxe, hikuva masiku hinkwawu niyendla lesvi svimutsakisaka.”

Yohane 8:29 Iomraidhean Croise

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Esaya 42:21

Yehovha u rhandzile ku katekisa Israele, kutani a va vekela nawu lowukulu ni lowu dzunekaka.

Esaya 42:6

“Mina Yehovha, ndzi ku vitanele vutomi, ndzi ta ku khoma hi voko, ndzi ku hlayisa, ndzi ku veka leswaku u endla xinakulobye ni tiko, hileswaku u ta va ku vonakala ka matiko,

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Matewu 3:15

Yesu a n'wi hlamula, a ku: “Ndzi pfumelele sweswi, hikuva hi fanele ku heta leswo lulama hinkwaswo.” Kutani Yohane a n'wi pfumelela.

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Yohane 14:31

Kambe misava yi fanele ku swi tiva leswaku ndzi rhandza Tatana, ni leswaku ndzi endla hilaha Tatana a ndzi leriseke hakona. Pfukani, a hi sukeni la!

Yohane 15:10

Loko mi hlayisa milawu ya mina, mi ta tshama erirhandzwini ra mina, hilaha na mina ndzi nga hlayisa milawu ya Tatana, kutani ndzi tshame erirhandzwini ra yena.

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Yohane 17:4

“Ndzi ku dzunisile la emisaveni, ndzi hetile ntirho lowu u ndzi nyikeke wona leswaku ndzi wu tirha.

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Yohane 5:30

“Ndzi nga ka ndzi nga endli nchumu ndzi ri swanga; ndza avanyisa hilaha ndzi yingisaka hakona, kutani ku avanyisa ka mina ku lulamile, hikuva a ndzi lavi lexi rhandziwaka hi mina, kambe ndzi lava lexi rhandziwaka hi Tatana la ndzi rhumeke.

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Yohane 8:16

Loko ndzi avanyisa, ku avanyisa ka mina hi lokunene; hikuva a ndzi tshami ndzi ri swanga, kambe ndzi na Tatana la ndzi rhumeke.

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

2 Timotiya 4:22

Hosi Yesu Kriste a yi ve ni moya wa wena! Tintswalo a ti ve na n'wina!

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

1 Yohane 2:1

Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.