Yohane 7:39 - Xitsonga (Bibele)

³⁹ Hi rito lero, a a ringanisa Moya lowu lava pfumelaka eka yena va nga ta wu nyikiwa; hikuva Moya a wu nga si va kona, hikuva Yesu a a nga si dzunisiwa.

BIBELE Mahungu Lamanene

³⁹ Hi ku vula sweswo, a a ringanisa Moya lowu lava pfumeleke eka yena va nga ta nyikiwa wona. Ku fikela nkarhi wolowo, Moya lowo Kwetsima a wu nga si nyikiwa, hikuva Yesu a a nga si tlakusiwa.

Testamente Leyimpsha Xichangana

³⁹ Hi kuvula svosvo, aaringanisa Moya lowu lava vangatapfumela ka yena vangatanyikiwa wona. Hikuva kufika nkarhi wolowo, Moya Lowokwetsima awungasinyikiwa, hikuva Yesu aangasitlakusiwa.

Yohane 7:39 Iomraidhean Croise

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Esaya 12:3

“Mi ta tikela mati hi ku tsaka eswihlobyeni swa ku hlayiseka,” kutani hi siku rero mi ta ku:

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Matewu 16:14

Va ku eka yena: “Van'wana va ri: u Yohane Mukhuvuri; van'wana va ri: u Eliya; van'wana va ri: u Yeremiya kumbe un'wana wa vaprofeta.”

Matewu 21:11

Kutani mitshungu yi ku: “I muprofeta la humaka eNazareta wa Galeliya.”

Luka 24:49

Kambe tshamani emutini wa Yerusalema, ku fikela siku leri mi nga ta funengetiwa hi matimba ya le henhla.”

Luka 3:16

Yohane a va hlamula hinkwavo, a ku: “Mina ndzi mi khuvula hi mati ntsena, kambe un'wana wa ta, la ndzi tlulaka hi matimba, loyi ndzi nga lulameriki ku tshunxa tinghole ta tintanghu ta yena; hi yena la nga ta mi khuvula hi moya lowo kwetsima ni ndzilo.

Luka 7:16

Kutani va khomiwa hinkwavo hi ku chava, va dzunisa Xikwembu, va ku: “Muprofeta lonkulu u humelele exikarhi ka hina, Xikwembu xi endzele tiko ra xona.”

Yohane 1:21

Kutani va n'wi vutisa, va ku: “U mani-ke? U Eliya xana?” A ku: “A ndzi yena.” “Kumbe u muprofeta xana?” A hlamula, a ku: “E-e.”

Yohane 1:25

Va tlhela va n'wi vutisa, va ku: “Loko u nga ri Kriste, u nga ri Eliya, u nga ri muprofeta, u khuvulela yini-ke?” Yohane a va hlamula, a ku:

Yohane 1:33

Na mina a ndzi nga n'wi tivi, kambe la ndzi rhumeke ku khuvula hi mati u ndzi byerile, a ku: ‘Loyi u nga ta vona Moya wu xikela eka yena, wu tshamisa ehenhla ka yena, hi yena la khuvulaka hi Moya lowo Kwetsima.’

Yohane 12:16

Enkarhini wolowo, vadyondzisiwa va yena a va twisisangi mhaka yoleyo; kambe, kuteloko Yesu a dzunisiwile va anakanya leswaku timhaka teto a ti tsariwile ehenhla ka yena, ni leswaku va n'wi endlisile sweswo.

Yohane 12:23

Yesu a va hlamula, a ku: “Nkarhi wu tile lowu N'wana wa Munhu a nga ta dzunisiwa ha wona.

Yohane 14:13

Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

Yohane 14:26

Kambe Muyimeri, wu nga Moya lowo Kwetsima, lowu Tatana a nga ta wu rhuma hi vito ra mina, hi yena la nga ta mi dyondzisa hinkwaswo, u ta mi tsundzuxa ni hinkwaswo leswi ndzi mi byeleke swona.

Yohane 16:14

Wona wu ta ndzi dzunisa, hikuva wu ta teka leswi nga swa mina, wu mi tivisa swona.

Yohane 16:7

Hambiswiritano, ndza mi byela leswi tiyeke, ndzi ri: Swi sasekile eka n'wina loko ndzi famba; hikuva loko ndzi nga fambi, Muchaveleri a nga ka a nga ti eka n'wina; kambe loko ndzi famba, ndzi ta n'wi rhuma eka n'wina.

Yohane 17:1

Kuteloko Yesu u vurile timhaka leti, a tlakusela mahlo ya yena ehenhla, a ku: “Tatana, nkarhi wu tile, dzunisa N'wana wa wena, leswaku N'wana wa wena a ku dzunisa na yena;

Yohane 17:5

Sweswi, wena Tatana, ndzi dzunise eka wena hi ku dzunisiwa loku ngi ndzi ri na kona eka wena, misava yi nga si va kona.

Yohane 20:22

Kuteloko a vurise sweswo, a huhutela eka vona, a ku: “Amukelani Moya lowo Kwetsima.

Yohane 6:14

Vanhu valavo, kuteloko va vonile mahlori lama endliweke hi Yesu, va ku: “Kunene loyi, i muprofeta la faneleke ku ta emisaveni.”

Yohane 7:12

Kutani ku hambana a ku ri lokukulu ehenhla ka yena exikarhi ka ntshungu. Van'wana va ku: “I munhu lonene”; van'wana va ku: “E-e, kambe u xisa vanhu.”

Yohane 8:54

Yesu a hlamula, a ku: “Loko ndzi tidzunisa, ku tidzunisa ka mina a hi ka nchumu; la ndzi dzunisaka hi Tatana, loyi mi nge i Xikwembu xa n'wina,

Timhaka 19:2

kuteloko a kumile kona vadyondzisiwa van'wana, a ku eka vona: “Xana mi amukerile Moya lowo Kwetsima siku mi pfumeleke xana?” Va ku eka yena: “A hi si twa leswaku ku ni Moya lowo Kwetsima.”

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Timhaka 2:4

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Timhaka 4:31

Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

Varhoma 8:9

Kambe n'wina, a mi hanyi enyameni, kambe mi hanya eMoyeni, loko kunene Moya wa Xikwembu wu akile eka n'wina. Kungakuloko munhu a nga ri na Moya wa Kriste, a hi wa yena.

2 Vakorinto 3:8

ntirho wa Moya wu ni ku kwetsima loku tlurisaka ngopfu.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.