Yohane 7:23 - Xitsonga (Bibele)

²³ Xana leswi munhu a yimbisiwaka hi Savata, leswaku nawu wa Muxe wu nga tluriwi, mi ndzi karihelela yini loko ndzi hanyisile munhu miri wa yena hinkwawo hi Savata?

BIBELE Mahungu Lamanene

²³ Loko mi yimbisa munhu hi siku ra Savata, mi endlela ku hlayisa Nawu wa Muxe; kutani xana mi ndzi karihela yini, leswi mina ndzi nga hanyisa munhu emirini wa yena hinkwawo hi siku ra Savata xana?

Testamente Leyimpsha Xichangana

²³ Loko miyimbisa munhu hi siku ra Savata, miyendlela kuhlayisa Nawu wa Moxe; kutani xana minikarihelela yini, lesvi mina ningahanyisa munhu mirini wa yena hinkwawu hi siku ra Savata ke?

Yohane 7:23 Iomraidhean Croise

Eksoda 31:14

Mi ta hlayisa Savata, hikuva eka n'wina i siku leri hlawuriweke. Loyi a nga ri hlayisiki u ta dlawa; hikuva kungakuloko un'wana a tirha ntirho hi siku lero, u ta humesiwa exikarhi ka varikwavo.

Matewu 12:10

Munhu a a ri kona kwalaho lowa voko ro khwanyala. Kutani va n'wi vutisa ku n'wi xiya, va ku: “Xana swa lulama ku hanyisa hi siku ra Savata xana?” A va lava laha va nga n'wi hehlaka hakona.

Matewu 12:2

Vafarisi loko va swi vona, va ku eka yena: “Vona, vadyondzisiwa va wena va endla leswi nga lulamelangiki siku ra Savata.”

Matewu 12:5

Kumbe a mi hlayanga enawini leswaku hi masiku ya Savata, vaprista va tlula nawu wa Savata etempeleni, va nga ri na nandzu xana?

Yohane 5:10

Hikwalaho Vayuda va ku eka la hanyisiweke: “I siku ra Savata, a swi ku lulameri ku rhwala masangu ya wena.”

Yohane 7:21

Yesu a va hlamula, a ku: “Ndzi endlile ntirho wu ri wun'we, kutani mi hlamele hinkwenu ha wona.

Yohane 9:16

Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.