Yohane 5:44 - Xitsonga (Bibele)

⁴⁴ Mi nga pfumerisa ku yini kasi mi rhandza ku dzunisana, mi nga lavi ku dzunisiwa loku humaka eka Xikwembu ntsena?

BIBELE Mahungu Lamanene

⁴⁴ Mi nga pfumerisa ku yini ke, kasi mi tsakela ku dzunisana, mi nga lavi ku dzunisiwa loku humaka eka Xikwembu, lexi nga xin'we ntsena!

Testamente Leyimpsha Xichangana

⁴⁴ Mingapfumelisa kuyini ke, kasi mitsakela kudzunisana, mun'wana ka mun'wana mingalavi kudzunisiwa loku kuhumaka ntsena ka Xikwembu?

Yohane 5:44 Iomraidhean Croise

2 TIKRONIKA 6:8

kambe Yehovha a ku eka Davhida, tata wanga: ‘Leswi u rhandzeke ku akela vito ra mina yindlu, u endlile swona hi ku swi rhandza,

Yeremiya 13:23

“Xana Muetiyopiya a nga tihundzula nhlonge ya yena, kumbe yingwe yi nga tihundzula mavala ya yona-ke? Loko swi ri tano, mi nga swi tiva ku endla swinene, n'wina lava mi titoloveteke ku endla leswo biha.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Luka 19:17

Kutani a ku eka yena: ‘Hi swona, nandza lonene; leswi u tshembekeke hi xilo lexitsongo, u ta fuma miti ya khume.’

Yohane 12:43

Hikuva va rhandzile ku dzunisiwa loku humaka eka vanhu ku tlurisa ku dzunisiwa loku humaka eka Xikwembu.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 3:20

Hikuva un'wana ni un'wana la endlaka leswo biha, u venga ku vonakala, kutani a nga ti eku vonakaleni, mitirho ya yena yi nga ti tshuka yi tshinyiwa.

Yohane 5:41

A ndzi amukeri ku dzunisiwa loku humaka eka vanhu;

Yohane 8:43

A mi twi ha yini-ke, ku vulavula ka mina? Hikuva ma tsandzeka ku yingisa rito ra mina.

Varhoma 2:10

kambe ku kwetsima, ni ku twala, ni ku rhula, swi ta va eka munhu un'wana ni un'wana la endlaka leswo saseka, eka Muyuda eku sunguleni, ku yisa ni le ka Mugriki;

Varhoma 2:29

Kambe Muyuda hi loyi a nga yena embilwini, ni ku yimba, i ka mbilu, loku endliwaka emoyeni, ku nga ri erivaleni; kutani ku dzunisiwa ka yena a ku humi eka vanhu, kambe ku huma eka Xikwembu.

Varhoma 2:7

Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 10:18

Hikuva la dzunisiwaka, a hi la tiyimelaka, kambe hi loyi Hosi yi n'wi yimelaka.

Vafilipiya 2:3

Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

1 Vatesalonika 2:6

Na kona, a hi lavanga ku dzunisiwa loku humaka eka vanhu hambi ku ri ka n'wina, hambi ku ri ka van'wana; hambi leswi hi nga vaapostola va Yesu Kriste, a hi ta swi kota ku endla hi vukulukumba,

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Yakobo 2:1

Vamakwerhu, ku pfumela loku mi nga na kona eka Hosi ya hina Yesu Kriste, Hosi ya ku kwetsima, ku nga tshuki ku va ni ku hlawula vanhu hi nghohe ya vona;

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

1 SAMIELE 15:30

Kutani Sawulo a ku: “Ndzi dyohile! Wa nga ndzi dzunisa sweswi emahlweni ka vakulukumba va tiko ra mina, ni le mahlweni ka Israele, u ta tlhela na mina, kutani ndzi ta khinsama emahlweni ka Yehovha, Xikwembu xa wena!”

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.