Yohane 5:30 - Xitsonga (Bibele)

³⁰ “Ndzi nga ka ndzi nga endli nchumu ndzi ri swanga; ndza avanyisa hilaha ndzi yingisaka hakona, kutani ku avanyisa ka mina ku lulamile, hikuva a ndzi lavi lexi rhandziwaka hi mina, kambe ndzi lava lexi rhandziwaka hi Tatana la ndzi rhumeke.

BIBELE Mahungu Lamanene

³⁰ “Ndzi nga ka ndzi nga tisunguleli ndzi endla xilo hi ndzexe; ndzi avanyisa hilaha ndzi byeriwaka hakona; hikokwalaho, ku avanyisa ka mina ku lulamile, hikuva a ndzi lavi ku endla ku rhandza ka mina, kambe ku rhandza ka Loyi a ndzi rhumeke.

Testamente Leyimpsha Xichangana

³⁰ “Ningakala ningatisunguleli niyendla xilo hinoxe; niyavanyisa hilaha nibzeliwaka hakona; hi kolaho, kuyavanyisa ka mina kululamile, hikuva anilavi kuyendla kurhandza ka mina, kambe kurhandza ka lweyi anirhumeke.”

Yohane 5:30 Iomraidhean Croise

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Yohane 5:19

Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Yohane 14:10

Xana a ku pfumeri leswaku ndzi le ka Tatana ni leswaku Tatana u le ka mina? Marito lawa ndzi ma vulaka eka n'wina, a ndzi ma vuri ha swanga; Tatana la tshamaka ka mina, hi yena la tirhaka mitirho leyi ndzi yi tirhaka.

Matewu 26:39

Kutani a ya kulenyana, a wela ehansi hi mombo, a khongela, a ku: “Tatana loko ingi swi nga endleka leswaku xinwelo lexi xi hundza ekule na mina! Kambe ku nga tshuki ku endliwa ku rhandza ka mina, a ku endliwe ku rhandza ka wena.”

Yohane 8:28

Yesu a ku eka vona: “Kutakuloko mi tlakusile N'wana wa Munhu, hi kona mi nga ta tiva leswaku ndzi mani, ni leswaku a ndzi endli nchumu ndzi ri swanga, kambe ndzi vulavula timhaka teto hilaha Tatana a ndzi dyondziseke hakona.

Varhoma 15:3

Hikuva Kriste, na yena, a nga lavangi leswi n'wi tsakisaka, kambe u endle hilaha ku tsariweke hakona leswaku: “Ku rhuketela ka lava ku rhukanaka ku ndzi wele ehenhla.”

Yohane 8:50

A ndzi lavi ku dzunisiwa; u kona la ku lavaka ni la avanyisaka.

Yohane 8:42

Yesu a ku eka vona: “Loko ngi Xikwembu a ri tata wa n'wina, a mi ta ndzi rhandza, hikuva ndzi huma eka Xikwembu, ndzi pfa ka xona; hikuva a ndzi tanga ha mina, kambe hi xona lexi ndzi rhumeke.

Yohane 17:4

“Ndzi ku dzunisile la emisaveni, ndzi hetile ntirho lowu u ndzi nyikeke wona leswaku ndzi wu tirha.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Yohane 18:11

Kambe Yesu a ku eka Petro: “Tlherisela ripanga ra wena enkotlotweni; xana u ri ndzi nga nwi ndzheko lowu ndzi wu nyikiweke hi Tatana?”

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Varhoma 2:2

Hikuva ha tiva leswaku ku avanyisa ka Xikwembu ku lulamile eka lava endlaka leswo tano.

Esaya 28:6

a va moya wo lulamisa la tshamaka a avanyisa, ni matimba ya lava hlongorisaka valala ku yisa enyangweni ya muti wa vona.

Sofoniya 3:15

Yehovha u susile ku avanyisiwa ka wena, u hlule loyi a nga nala eka wena; hosi ya Israele, Yehovha, u le xikarhi ka wena: a ku nga ha tshami u vona makhombo.