Yohane 5:19 - Xitsonga (Bibele)

¹⁹ Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

BIBELE Mahungu Lamanene

¹⁹ Kutani Yesu a ku ka vona: “Ndzi tiyisisile ndzi ri ka n'wina, N'wana a nga ka a nga tisunguleli a endla xilo hi yexe; ú endla ntsena lexi a xi voneke xi endliwa hi Tata wa yena; hinkwaswo leswi Tatana a swi endlaka, na yena N'wana wa swi endla.

Testamente Leyimpsha Xichangana

¹⁹ Hi loko Yesu aku ka vona: “Nitiyisile nili ka n'wina. N'wana angakala angatisunguleli ayendla xilo hi yexe; ayendla ntsena lexi axivoneke xiyendliwa hi Tatana wa yena; hinkwasvu lesvi Tatana asviyendlaka, na yena N'wana wasviyendla.

Yohane 5:19 Iomraidhean Croise

Genesa 1:1

Eku sunguleni Xikwembu xi tumbuluxile tilo ni misava.

Genesa 1:26

Kutani Xikwembu xi ku: “A hi endleni munhu hi xifaniso xa hina a ta fana na hina; a ta fuma tinhlampfi ta lwandle, ni tinyanyana ta tilo, ni swifuwo, ni misava hinkwayo, ni swikokovi hinkwaswo leswi kokovaka emisaveni.”

Pisalema 138:3

Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

Pisalema 50:6

Kutani matilo ma ta vula ku lulama ka xona, Hikuva hi xona Xikwembu lexi avanyisaka.

Eksoda 4:11

Kutani Yehovha a ku eka yena: “I mani la endleke nomu wa munhu? Kumbe i mani la endlaka munhu mbheveve, kumbe lowo fa tindleve, kumbe la vonaka, kumbe lowo fa mahlo? Xana a hi mina Yehovha?

Swivuriso 2:6

Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

Esaya 44:24

U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

Esaya 45:24

Va ta ku: ‘Eka Yehovha ntsena ku kumiwa matimba ni ku lulama!’ ” Va ta ta eka yena va tele tingana, hinkwavo lava nga n'wi karihela.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Matewu 26:39

Kutani a ya kulenyana, a wela ehansi hi mombo, a khongela, a ku: “Tatana loko ingi swi nga endleka leswaku xinwelo lexi xi hundza ekule na mina! Kambe ku nga tshuki ku endliwa ku rhandza ka mina, a ku endliwe ku rhandza ka wena.”

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Yohane 10:18

A ku na munhu la ndzi tekelaka byona, hi mina ndzi byi nyikaka hi ku rhandza ka mina; ndzi ni matimba ya ku byi nyika ni matimba ya ku tlhela ndzi byi teka; ndzi lerisiwile sweswo hi Tatana.”

Yohane 12:49

Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 12:50

kambe ndza swi tiva leswaku nawu wa yena i vutomi lebyi nga heriki; kutani sweswi, leswi ndzi swi vulaka, ndzi swi vula hilaha Tatana a ndzi byeleke hakona.”

Yohane 14:10

Xana a ku pfumeri leswaku ndzi le ka Tatana ni leswaku Tatana u le ka mina? Marito lawa ndzi ma vulaka eka n'wina, a ndzi ma vuri ha swanga; Tatana la tshamaka ka mina, hi yena la tirhaka mitirho leyi ndzi yi tirhaka.

Yohane 2:19

Yesu a va hlamula, a ku: “Hahlulani tempele leyi, ndzi ta yi pfuxa hi masiku manharhu.”

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 5:21

Hikuva, kukotisa leswi Tatana a pfuxaka vafi a va hanyisa, na yena N'wana u hanyisa lava a va rhandzaka.

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Yohane 8:28

Yesu a ku eka vona: “Kutakuloko mi tlakusile N'wana wa Munhu, hi kona mi nga ta tiva leswaku ndzi mani, ni leswaku a ndzi endli nchumu ndzi ri swanga, kambe ndzi vulavula timhaka teto hilaha Tatana a ndzi dyondziseke hakona.

Yohane 9:4

Ndzi fanele ku tirha mitirho ya la ndzi rhumeke, dyambu ri nga si pela; vusiku bya ta lebyi munhu a nga tiki tirha ha byona.

Timhaka 2:24

loyi, Xikwembu xi n'wi pfuxile, xi n'wi tshunxile etinsingeni ta rifu, hikuva a ku nga ri na hilaha a nga bohiwaka hakona.

Varhoma 6:4

Hikwalaho hi yimberiwile swin'we na yena erifuni ra yena hi ku khuvuriwa, leswaku kukota leswi Kriste a pfuxiweke eku feni hi ku kwetsima ka Tatana, hi mukhuva wolowo, na hina, hi hanya hi mukhuva lowuntshwa.

Varhoma 8:11

Kutani Moya wa la nga pfuxa Yesu eku feni, loko wu akile eka n'wina, la pfuxeke Kriste eku feni u ta pfuxa ni miri wa n'wina lowu faka, hi Moya lowu akeke eka n'wina.

1 Vakorinto 15:12

Kungakuloko ku dyondzisiwa leswaku Kriste u pfukile eku feni, xana van'wana exikarhi ka n'wina va vurisa ku yini leswaku ku pfuka ka vafi a ku kona?

2 Vakorinto 4:14

hi ri karhi hi swi tiva leswaku la pfuxeke Hosi Yesu, u ta hi pfuxa, na hina, ha Yesu kambe u ta hi humelerisa na n'wina.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

Vaefesa 3:16

ndzi kombela leswaku a mi nyika hi rifuwo ra ku kwetsima ka yena, ku tiyisiwa hi matimba emunhwini la nga xikarhi, hi Moya wa yena,

Vafilipiya 3:21

la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.

Vafilipiya 4:13

Ndzi nga endla hinkwaswo ha Kriste la ndzi haka matimba.

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Vakolosa 1:16

Hikuva swilo hinkwaswo swi tumbuluxiwile ha yena, le matilweni ni la emisaveni, leswi voniwaka ni leswi nga voniwiki, ni xiluvelo, ni vuhosi, ni tindhuna, ni vafumi. Hinkwaswo swi tumbuluxiwe hi yena, kambe swi endleriwe yena.

1 Vatesalonika 4:14

Hikuva loko hi pfumela leswaku Yesu a file a tlhela a pfuka, na kona, hi fanele ku pfumela leswaku lava etleleke, Xikwembu xi ta va pfuxa ha Yesu, xi va vuyisa na yena.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.