Yohane 4:23 - Xitsonga (Bibele)

²³ Kambe nkarhi wa ta, ni sweswi wu kona, lowu vagandzeri lavanene va nga ta gandzela Tatana hi moya ni ntiyiso, hikuva Tatana u lava lava n'wi gandzerisaka sweswo.

BIBELE Mahungu Lamanene

²³ Kambe nkarhi wa ta, ni sweswi wu tile, lowu vagandzeri va xiviri va nga ta gandzela Tatana hi moya ni ntiyiso, hikuva Tatana ú lava vagandzeri lavo tano.

Testamente Leyimpsha Xichangana

²³ Kambe nkarhi wata, ni svosvi se wutile, lowu vagandzeli va ntiyiso vangatagandzela Tatana hi moya ni ntiyiso, hikuva Tatana alava vagandzeli lavotano.

Yohane 4:23 Iomraidhean Croise

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Pisalema 147:11

Yehovha u tsakela lava n'wi chavaka, Lava tshembaka tintswalo ta yena.

Pisalema 17:1

Yehovha! Yingisa ku lulama, u yingisela ku huwelela ka mina; U ndzi twa loko ndzi khongela hi nomu lowu nga riki na ku xisa!

Pisalema 32:2

Ku katekile munhu loyi Yehovha a nga n'wi hlayeriki ku biha ka yena, Loyi ku nga riki na mano embilwini ya yena!

Pisalema 51:6

Kambe, u rhandza leswinene embilwini ya munhu, Ndzi dyondzise vutlhari exihundleni xa moya wa mina!

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Risimu ra Tinsimu 2:14

Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

Esaya 10:20

Enkarhini wolowo, masalela ya Israele ni lava poneke va yindlu ya Yakobo va nga ka va nga ha tshami va tshemba mubi wa vona, kambe va ta tshemba kunene Yehovha, Mukwetsimi wa Israele.

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

Esaya 43:21

Tiko leri ndzi tiendleleke rona ri ta vula ku dzuneka ka mina.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Yeremiya 3:10

Hambiswiritano, Yuda, makwavo la nga tshembekangiki, a nga ha vuyanga eka mina hi mbilu hinkwayo kambe byi va hi vunwa, ku vula Yehovha.”

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Ezekiele 22:30

Kutani ndzi lave munhu exikarhi ka vona leswaku xana a nga va kona la nga biyaka rihlampfu, a yima exivangweni emahlweni ka mina ku lwela tiko, leswaku ndzi nga ti ri lovisa, kambe a ndzi n'wi kumangi.

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Yohane 12:23

Yesu a va hlamula, a ku: “Nkarhi wu tile lowu N'wana wa Munhu a nga ta dzunisiwa ha wona.

Yohane 16:2

Va ta mi hlongola emasinagogeni; kambe nkarhi wa ta lowu un'wana ni un'wana la nga ta mi dlaya a nga ta ehleketa leswaku u tirhela Xikwembu.

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Yohane 4:21

Yesu a ku eka yena: “Wansati, ndzi pfumele; nkarhi wa ta, lowu mi nga taka mi nga gandzeri Tatana entshaveni leyi, hambi ku ri eYerusalema.

Yohane 5:25

“Ndzi vurisile ndzi ri eka n'wina, Nkarhi wa ta, ni sweswi wu tile, lowu vafi va nga ta yingisa rito ra N'wana wa Xikwembu, kutani lava nga ta ri yingisa va ta hanya.

Yohane 5:28

Mi nga hlamaleni hi swona, hikuva nkarhi wa ta, lowu hinkwavo lava nga emasirheni, va nga ta twa rito ra yena, kutani va ta huma:

Varhoma 1:9

Hikuva Xikwembu lexi ndzi xi tirhelaka emoyeni wa mina eEvhangelini ya N'wana wa xona, hi yona mbhoni ya mina loko ndzi ku: A ndzi tshiki ku mi anakanya,

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Varhoma 8:26

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Vagalatiya 4:6

Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”

Vaefesa 6:18

mi khongela hi Moya hi mikarhi hi mikhongelo hinkwayo ni ku chivirikela kona, mi hanyanya kona hi ku tiyisela hinkwako, mi ri karhi mi khongelela vakwetsimi hinkwavo.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Yoxuwa 24:14

“Sweswi, chavani Yehovha, mi n'wi tirhela hi ku hetiseka ni ntiyiso. Susani swikwembu leswi vatata wa n'wina va swi tirheleke ehase ka nambu, na Egipta, mi tirhela Yehovha.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

1 SAMIELE 12:24

Chavani ntsena Yehovha, mi n'wi tirhela hakunene hi timbilu hinkwato ta n'wina, hikuva langutani mitirho leyikulu leyi a yi endleke xikarhi ka n'wina!