Yohane 4:22 - Xitsonga (Bibele)

²² N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku hlayiseka ku huma eka Vayuda.

BIBELE Mahungu Lamanene

²² N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku ponisiwa ku huma eka Vayuda.

Testamente Leyimpsha Xichangana

²² N'wina migandzela lexi mingaxitiviki; hina higandzela lexi hixitivaka; hikuva kuponisiwa kuhuma ka Vayuda.

Yohane 4:22 Iomraidhean Croise

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Ezra 4:2

va tshinelela Zerubabele ni tihosana ta vatata wa vona, va ku: “A hi akeni na n'wina, hikuva na hina hi lava Xikwembu xa n'wina kukotisa n'wina, kutani ha xi humesela gandzelo mpfhuka Esari-Hadoni, hosi ya Asiriya, a hi tlhandlukiseke halenu.”

Pisalema 147:19

U hlavutele Yakobo rito ra yena, Na Israele, milawu ya yena ni swileriso swa yena;

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Esaya 46:13

Ndzi tshinetile ku lulama ka mina, ku le kusuhi, kutani ku hlayiseka ka mina ku nga ka ku nga hlweri; ndzi ta veka ku hlayiseka le Siyoni, ni ku twala ka mina ehenhla ka Israele.”

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Timhaka 17:23

Hikuva loko ndzi famba ndzi languta magandzelo ya n'wina, ndzi kumile alitari laha ku tsariweke va ku: ‘Eka Xikwembu lexi nga tiviwiki!’ Sweswi, Xikwembu lexi mi xi gandzelaka mi nga xi tivi, hi lexi ndzi mi byelaka xona.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Varhoma 11:18

u nga tshuki u tikukumuxa, u sandza marhavi ya kona; hikuva hambi u tikukumuxisa xisweswo, a hi wena la rhwalaka rimitsu, kambe rimitsu, hi rona leri ku rhwalaka.

Vaheveru 7:14

Hikuva ku tiviwa leswaku Hosi ya hina yi hume erixakeni ra Yuda, ri nga leri Muxe a nga ri lerisangiki nchumu ehenhla ka magandzelo.