Yohane 4:14 - Xitsonga (Bibele)

¹⁴ Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

BIBELE Mahungu Lamanene

¹⁴ Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Testamente Leyimpsha Xichangana

¹⁴ Kambe, mani na mani lweyi anwaka mati lawa ni munyikaka, angatatlhela atwa torha, hikuva mati lawa ningatamunyika wona, matayendla xihlovo xa mati lawa mapfelaka hi vutomi lebzingaheliki.

Yohane 4:14 Iomraidhean Croise

Esaya 49:10

va nga ka va nga vi na ndlala ni torha; mumu ni dyambu swi nga ka swi nga va hisi, hikuva loyi a va twelaka vusiwana u ta va fambisa, a va yisa ematini lama khulukaka.

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Yeremiya 31:25

Hikuva ndzi ta horisa moya lowu nga ni torha, ni moya wun'wana ni wun'wana lowu tsaneke, ndzi wu xurhisa.”

Ezekiele 47:9

Kutani swivumbiwa swin'wana ni swin'wana leswi andzeke swi ta hanya hinkwako laha ku nga ta fika milambu leyimbirhi, tinhlampfi, tona, ti ta tala; hikuva mati walawo ma ta ko ma fika kona, elwandle ri ta ntsantsuka leswi nga ta kumiwa hi nambu swi ta hanya.

Levhitika 11:36

Kambe seledyane, kumbe xihlovo laha mati ma teleke kona, swi ta sala swi tengile; kambe la khumbaka miri ya swona loko swi file, u ta va la nga tengangiki.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Yohane 10:10

Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

Yohane 11:26

Un'wana ni un'wana la hanyaka, a va a pfumela eka mina, a nga ka a nga fi, ni siku ni rin'we. Xana wa pfumela sweswo xana?”

Yohane 4:10

Yesu a hlamula, a ku eka yena: “Loko a wu tivile ku nyika ka Xikwembu, ni loyi a nge eka wena: ‘Ndzi siyele ndzi nwa,’ ingi u komberile eka yena, kutani a a ta va a ku nyikile mati lama pfelelaka.”

Yohane 4:11

Wansati a ku eka yena: “Hosi, a ku na xikelelo xa ku ka, naswona xihlovo xi entile; mati walawo lama pfelelaka, u nga ma kuma kwihi xana?

Yohane 4:13

Yesu a n'wi hlamula, a ku: “Un'wana ni un'wana la nwaka mati lawa, u ta tlhela a twa torha.

Yohane 4:36

Kambe la tshovelaka u teka hakelo, a hlengeletela vutomi lebyi nga heriki mavele, leswaku la byalaka a tsakisana ni la tshovelaka.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Yohane 6:58

Vuswa lebyi xikeke hi le tilweni, hi byo lebyi; ku nga ri kukota vatata wa n'wina lava nga dya manna, kutani va file; la dyaka vuswa lebyo, u ta hanya hi masiku hinkwawo.”

Yohane 7:37

Hi siku ra ku hetelela ka nkhuvo, ri nga lerikulu, Yesu a a yimile, kutani a huwelela, a ku: “Kungakuloko munhu a ri ni torha, a a te eka mina, a nwa.

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Nhlavutelo 7:16

Va nga ka va nga ha twi ndlala, hambi ku ri ku khomiwa hi torha; va nga ka va nga ha hisiwi hi dyambu, hambi ku ri ku hisa kun'wana,

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”