Yohane 3:5 - Xitsonga (Bibele)

⁵ Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

BIBELE Mahungu Lamanene

⁵ Yesu a hlamula, a ku: “Ndzi tiyisisile ndzi ri ka wena, loko munhu a nga tswariwi hi mati ni Moya, a nga ka a nga ngheni eMfun'weni wa Xikwembu.

Testamente Leyimpsha Xichangana

⁵ Yesu amuhlamula aku: Kunene, nili ka wena: Loko munhu angapsaliwi hi mati ni Moya angakala angangheni kufumeni ka Xikwembu.

Yohane 3:5 Iomraidhean Croise

Matewu 18:3

“Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

Matewu 19:24

Ndzi engeta ndzi ku eka n'wina: Swi nga olova loko kamela yi nghena hi xuva ra neleta, ku tlula loko mufuwi a nghena eku fumeni ka Xikwembu.”

Matewu 21:31

Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Matewu 3:11

Loko ndzi ri mina, ndzi mi khuvula hi mati ntsena leswaku mi tshika swo biha, kambe loyi a taka endzhaku ka mina, wa ndzi tlula hi matimba, kutani a swi ndzi faneri ku n'wi rhwalela tintanghu; hi yena la nga ta mi khuvula hi moya lowo kwetsima ni ndzilo.

Matewu 5:20

Hikuva ndza mi byela, ndzi ri: Ku lulama ka n'wina loko ku nga tluri ka vatsari ni Vafarisi, mi nga ka mi nga ngheni eku fumeni ka matilo.

Marka 10:14

Yesu, loko a swi vona, a kariha, a ku eka vona: “Tshikani vana va ta eka mina, mi nga tshuki mi va sivela, hikuva ku fuma ka Xikwembu i ka lava fanaka na vona.

Marka 16:16

La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

Marka 9:47

Ni loko tihlo ra wena ri ku wisa, ri xokole, swi nga saseka eka wena loko u nghena eku fumeni ka Xikwembu, u fe tihlo, ku nga ri ku cukumetiwa etiheleni ta ndzilo, u ri ni mahlo mambirhi,

Luka 13:24

A ku eka vona: “Endlani hi matimba ku nghena hi nyangwa leyo khuma, hikuva ndzi ri eka n'wina: Lavo tala va ta rhandza ku nghena, kambe va ta tsandzeka.

Luka 13:3

E-e, kambe ndzi ri eka n'wina: Loko mi nga hundzuki, mi ta lovisa sweswo hinkwenu.

Luka 13:5

Ndzi ri eka n'wina: E-e, kambe loko mi nga hundzuki, mi ta lovisa sweswo hinkwenu.”

Yohane 1:13

lava nga velekiwangiki hi ngati, ni loko ku ri hi ku rhandza ka nyama, kumbe hi ku rhandza ka munhu, kambe va velekiwile hi Xikwembu.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:4

Nikodema a ku eka yena: “Xana munhu loko a dyuharile, a nga tswarisiwa ku yini? Xana a nga tlhela a vuyela ekhwirini ra mana wa yena, a tlhela a tswariwa xana?”

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Varhoma 14:17

Hikuva ku fuma ka Xikwembu a hi ku dya ni ku nwa; kambe i ku lulama, ni ku rhula, ni ku tsaka hi Moya lowo Kwetsima.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

1 Vakorinto 15:50

Sweswi, leswi ndzi swi vulaka, vamakwerhu, hileswaku: Nyama ni ngati swi nga ka swi nga dyi ndzhaka ya ku fuma ka Xikwembu, ni ku bola ku nga ka ku nga dyi ndzhaka ya leswi nga boriki.

1 Vakorinto 2:12

Loko hi ri hina, a hi amukelanga moya wa misava, kambe hi amukele Moya lowu humaka eka Xikwembu, leswaku hi tiva leswi hi swi nyikiweke hi Xikwembu hi tintswalo ta xona.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vagalatiya 6:15

Hikuva ku yimba, hambi byi ri vukhuna, a swi pfuni nchumu, kambe mhaka leyi nga yona, i ku vumbiwa lokuntshwa.

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

1 Yohane 2:29

Loko mi tiva leswaku u lulamile, tivani leswaku un'wana ni un'wana la endlaka leswi lulameke, u tswariwe hi yena.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.