Yohane 3:34 - Xitsonga (Bibele)

³⁴ Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

BIBELE Mahungu Lamanene

³⁴ Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

Testamente Leyimpsha Xichangana

³⁴ Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

Yohane 3:34 Iomraidhean Croise

2 TIHOSI 2:9

Kuteloko va perile, Eliya a ku eka Elixa: “Kombela lexi u xi rhandzaka ku endleriwa hi mina, ndzi nga si tlakuriwa, ndzi hambana na wena.” Elixa a ku: “Ndzi kombela ku averiwa moya wa wena kambirhi.”

Pisalema 45:7

U rhandza ku lulama, u venga swo biha; Hikwalaho, Xikwembu, Xikwembu xa wena Xi ku chelele hi mafurha ya ku tsaka exikarhi ka vanakuloni.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Levhitika 7:35

Hi kona ku averiwa ka Aroni ni ka vana va yena ehenhla ka timhamba leti hiseriwaka Yehovha, hikwalaho ka ku hlawuriwa ka vona entirhweni wa vuprista.’ ”

Tinhlayo 11:25

Kutani Yehovha a xika epapeni, a vulavula na Muxe, kutani a pambula Moya lowu nga ehenhla ka yena, a wu veka ehenhla ka vakulukumba va 70. Kuteloko Moya wu tshamile ehenhla ka vona, va bvumbha, kambe a va tlhelanga va engeta.

Matewu 12:18

“Vonani nandza wa mina loyi ndzi tihlawuleleke yena, murhandziwa wa mina, yeloyi moya wa mina wu n'wi tsakelaka. Ndzi ta veka moya wa mina ehenhla ka yena, kutani u ta byela matiko leswaku ku avanyisa ku kona;

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Yohane 1:16

Kutani hi amukele hinkwerhu tintswalo ehenhla ka tintswalo, ti huma eku taleriweni ka yena.

Yohane 15:26

“Kutakuloko ku fika Muchaveleri, loyi ndzi nga ta n'wi rhuma eka n'wina, a huma eka Tatana, wu nga Moya wa ntiyiso, lowu humaka eka Tatana, hi yena la nga ta vula vumbhoni bya mina;

Yohane 16:7

Hambiswiritano, ndza mi byela leswi tiyeke, ndzi ri: Swi sasekile eka n'wina loko ndzi famba; hikuva loko ndzi nga fambi, Muchaveleri a nga ka a nga ti eka n'wina; kambe loko ndzi famba, ndzi ta n'wi rhuma eka n'wina.

Yohane 3:17

Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

Yohane 5:26

Hikuva kukotisa leswi Tatana a nga ni vutomi eka yena swakwe, u nyikile na yena N'wana, leswaku a va ni vutomi eka yena.

Yohane 7:16

Yesu a va hlamula, a ku: “Dyondzo ya mina, a hi ya mina, kambe i ya la ndzi rhumeke.

Yohane 8:40

Kasi sweswi, mi rhandza ku ndzi dlaya, mina ndzi nga munhu la mi byeleke leswi tiyeke, leswi ndzi swi tweke eka Xikwembu; Abrahama a nga endlanga sweswo.

Yohane 8:47

Loyi a nga wa Xikwembu u yingisa marito ya Xikwembu; n'wina, a mi yingisi, hikuva a mi va Xikwembu.”

Timhaka 1:2

ku ko ku fika siku leri a nga tlhandlukisiwa etilweni ha rona, loko a lerisile hi Moya lowo Kwetsima vaapostola lava a va hlawuleke,

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Vakolosa 1:19

Hikuva swi tsakisile Xikwembu leswaku ku tala hinkwako ku tshama eka yena;

Vakolosa 2:9

Hikuva ku tala ka vukwembu hinkwabyo ku akile eka yena hi miri.

Nhlavutelo 21:6

A engeta a ku eka mina: “Swi herile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika ntsena mati ya xihlovo xa vutomi.

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.