Yohane 3:27 - Xitsonga (Bibele)

²⁷ Yohane a hlamula, a ku: “Munhu a nga ka a nga amukeri nchumu loko xi nga ri lexi a xi nyikiweke hi tilo.

BIBELE Mahungu Lamanene

²⁷ Yohane a hlamula, a ku: “Munhu a nga ka a nga kumi xa nchumu, loko a nga nyikiwanga xona hi Tilo.

Testamente Leyimpsha Xichangana

²⁷ Yohani, ahlamula aku: Amunhu angakala angakumi xanchumu loko anganyikiwanga xona hi le Tilweni.

Yohane 3:27 Iomraidhean Croise

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.

Amosi 7:15

kambe Yehovha u ndzi khomile ndzi ri karhi ndzi risa ntlhambi, kutani Yehovha a ku eka mina: ‘Famba u ya profeta etikweni ra mina ra Israele.’

Tinhlayo 17:5

Munhu loyi ndzi nga ta n'wi hlawula, nhonga ya yena yi ta hluka, kutani ndzi ta hetisa ku dzumadzuma ka vana va Israele ehenhla ka n'wina.”

Matewu 21:25

Xana ku khuvula ka Yohane a ku huma kwihi? Xana ku hume etilweni kumbe eka vanhu?” Kambe va anakanyisa swin'we va ku: “Loko hi ku: ‘Ku hume etilweni,’ u ta ku: ‘Loko swi ri tano, a mi pfumelanga ha yini?’

Matewu 25:15

A nyika un'wana titalenta ta ntlhanu, un'wana timbirhi, un'wana yin'we; un'wana ni un'wana a nyikiwa ku ringana matimba ya yena, kutani a hatlisa a famba.

Marka 13:34

Swi kotisa munhu loko a ya endza, a sukela yindlu ya yena a lerisile malandza ya yena un'wana ni un'wana ntirho wa yena, a lerisile ni mulanguteri wa nyangwa ku langutela.

Yohane 10:41

Lavo tala va ya eka yena, va ku: “Yohane, yena, a nga endlanga masingita, hambi ri ri rin'we, kambe timhaka hinkwato leti nga vuriwa hi Yohane ehenhla ka loyi, hi tona kunene.”

Yohane 6:65

Kutani a ku: “Hikwalaho ndzi nga mi byela, ndzi ku: A ku na munhu la nga taka eka mina, loko a nga nyikiwi hi Tatana.”

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

Varhoma 12:6

Kambe leswi hi nga ni tinyiko leti hambaneke, hilaha hi nyikiweke tintswalo hakona, a hi tirheni ha tona loko hi ri ni ku profeta, a hi profeteni hi mpimo wa ku pfumela;

1 Vakorinto 1:1

Pawulo, la vitaniweke muapostola wa Yesu Kriste, hi ku rhandza ka Xikwembu, na Sostena, makwerhu,

1 Vakorinto 12:11

Kambe Moya wolowo wu ri wun'we wu tirha leswo hinkwaswo, wu ri karhi wu avela un'wana ni un'wana hi laha wu rhandzaka hakona.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

1 Vakorinto 3:5

Pawulo i mani xana? Na Apolosi, i mani xana? Malandza lawa mi pfumeleke ha wona, hilaha un'wana ni un'wana a nyikiweke hakona hi Hosi.

1 Vakorinto 4:7

Hikuva i mani la ku hlawuleke eka un'wana? Xana u na yini lexi u nga xi nyikiwangiki xana? Kutani loko u xi nyikiwile, u tidzunisela yini kukota loko ngi u nga nyikiwanga xana?

Vagalatiya 1:1

Pawulo, muapostola, ku nga ri hi vanhu, hambi ku ri hi munhu ni un'we, kambe ku ri ha Yesu Kriste, ni Xikwembu, Tatana, la n'wi pfuxeke eku feni;

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;

1 Timotiya 2:7

lebyi ndzi vekiweke muvulavuri ni muapostola hikwalaho ka byona (ndzi vulavula hi ku tiyisa, a ndzi hembi), ndzi mufundhisi wa vamatiko eku pfumeleni ni le ntiyisweni.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.