Yohane 3:11 - Xitsonga (Bibele)

¹¹ Ndzi vurisile ndzi ri eka wena: Hi vula leswi hi swi tivaka, kutani hi vula vumbhoni bya leswi hi swi voneke; kambe a mi amukeri vumbhoni bya hina.

BIBELE Mahungu Lamanene

¹¹ Ndzi tiyisisile ndzi ri ka wena, hi vulavula hi leswi hi swi tivaka, naswona hi veka vumbhoni bya leswi hi swi voneke; kambe a mi amukeri vumbhoni bya hina.

Testamente Leyimpsha Xichangana

¹¹ Nitiyisile nili ka wena, hina hivulavula lesvi hisvitivaka nasvona hiveka vumboni bza lesvi hisvivoneke; kambe amipfumeli vumboni bza hina.

Yohane 3:11 Iomraidhean Croise

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Esaya 55:4

Waswivo, ndzi n'wi vekile mbhoni exikarhi ka matiko, hosi, ni mufambisi wa matiko.

Esaya 65:2

Ndzi tshambulutile mavoko ya mina siku hinkwaro eka tiko leri tiarisaka, eka lava fambaka hi ndlela yo homboloka, va ri karhi va landzelela miehleketo ya vona;

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Yohane 1:11

Ri tile ekaya ka rona, kambe varikwavo a va ri amukelanga.

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Yohane 12:49

Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 14:24

La nga ndzi rhandziki, a nga hlayisi marito ya mina; kutani rito leri mi ri twaka, a hi ra mina, kambe i ra Tatana la ndzi rhumeke.

Yohane 3:12

“Kungakuloko ndzi mi byela swa laha emisaveni, kutani mi nga pfumeri, xana mi ta pfumerisa ku yini loko ndzi mi byela swa le tilweni?

Yohane 3:13

A ku na munhu la tshamaka a tlhandlukela etilweni, loko a nga ri la xikeke etilweni, a nga N'wana wa Munhu la nga etilweni.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Yohane 5:43

Ndzi tile hi vito ra Tatana, kutani a mi ndzi amukeri; kungakuloko un'wana a ta hi vito ra yena, mi ta n'wi amukela.

Yohane 7:16

Yesu a va hlamula, a ku: “Dyondzo ya mina, a hi ya mina, kambe i ya la ndzi rhumeke.

Yohane 8:14

Yesu a hlamula a ku eka vona: “Hambi ndzi tivulela vumbhoni, vumbhoni bya mina byi tiyile, hikuva ndzi tiva laha ndzi humaka kona, ni laha ndzi yaka kona; kambe n'wina a mi tivi laha ndzi humaka kona, ni laha ndzi yaka kona.

Yohane 8:26

Ndzi ni timhaka leto tala ku ti vula hi n'wina ni ku avanyisa; kambe la ndzi rhumeke wa tshembeka; kutani timhaka leti ndzi ti tweke eka yena, ndzi ti byela vanhu.”

Yohane 8:38

Loko ndzi ri mina, ndzi mi byela lexi ndzi xi voneke eka Tatana, na n'wina mi endla lexi mi xi voneke eka tata wa n'wina.”

Timhaka 22:18

kutani ndzi n'wi vona, a ndzi byela, a ku: ‘Hatlisa u suka eYerusalema, hi ku angwetla, hikuva va nga ka va nga amukeri vumbhoni lebyi u ndzi vulaka ha byona.’

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Nhlavutelo 3:14

“Tsalela ni ntsumi ya kereke ya Lawodikiya, u ku: “ ‘Hi leti ti vuriwaka hi loyi a nga Amen, mbhoni leyi tshembekeke, ya ntiyiso, nhloko ya swivumbiwa swa Xikwembu: