Yohane 20:1 - Xitsonga (Bibele)

¹ Hi siku ro sungula ra vhiki, Mariya wa Magadala a vindzuka a ya esirheni, bya ha ri vusiku, kutani a vona leswaku ribye a ri susiwile esirheni.

BIBELE Mahungu Lamanene

¹ Nimpundzu wa siku ra Sonto, loko ka ha phumile, Mariya wa Magadala a ya esirheni, kutani a ya kuma leswaku ribye ri susiwile enon'weni wa sirha.

Testamente Leyimpsha Xichangana

¹ Ni mpundzu wa siku ra Sonto, loko ka haphumile, Mariya wa Magadala aya sirheni, kutani ayakuma lesvaku ribze risusiwile non'weni wa sirha.

Yohane 20:1 Iomraidhean Croise

Matewu 27:56

exikarhi ka vona, a ku ri na Mariya wa Magadala, na Mariya, mana wa Yakobo na Yose, ni mana wa vana va Zebediya.

Matewu 27:60

a wu veka esirheni ra yena lerintshwa, leri a nga ri vatla eribyeni, kuteloko a vumbuluxile ribye lerikulu enyangweni ya sirha, a tifambela.

Matewu 27:64

Hikwalaho, u nga lerisa leswaku sirha ri languteriwa ku ko ku fika siku ra vunharhu, hikuva kumbe vadyondzisiwa va yena va nga n'wi yiva, va ta ku eka tiko: ‘U pfukile eku feni,’ kutani mavunwa walawo kunene ma ta tlurisa layo rhanga.”

Matewu 27:66

Kutani va ya, va tiyisa ribye hi mfungho wa vona, va veka ni valanguteri enyangweni ya sirha.

Matewu 28:1

Eku heteleleni ka Savata, hi siku ro sungula ra vhiki, loko ri tsuvuka, Mariya wa Magadala, na Mariya lo un'wana va ya languta sirha.

Matewu 28:2

Kutani ku tsekatseka lokukulu ka misava ku va kona, hikuva ntsumi ya Hosi a yi xikile hi le tilweni, yi ta vumbuluxa ribye enyangweni ya sirha, yi tshamisa ehenhla ka rona.

Marka 15:46

Yena a ya xava nguvu ya sirha, a ya hawula ntsumbu wa Yesu, a wu phutsela engubyeni, a wu veka esirheni leri vatliweke eribyeni, kutani a vumbuluxa ribye enyangweni ya sirha.

Marka 16:9

Kambe Yesu, kuteloko a pfukile empundzwini wa siku lero sungula ra vhiki a tikombisa eku sunguleni eka Mariya wa Magadala, loyi a hlongoleke mademona ya ntlhanu na mambirhi eka yena.

Yohane 11:38

Yesu a engeta a tlhaveka embilwini ya yena, a ya esirheni. Kambe sirha a ri ri bakwa, kutani ribye a ri pfarile nyangwa ya rona.

Yohane 11:41

Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile.

Yohane 19:25

Kambe mana wa Yesu ni makwa wa mana wa yena, Mariya, nsati wa Klopasi, na Mariya wa Magadala, a va yimile ekusuhi ni xihambano.

Yohane 20:26

Kuteloko ku hundzile masiku ya ntlhanu na manharhu, vadyondzisiwa a va ri kona endlwini, na yena Tomasi a a ri na vona. Yesu a ta, tinyangwa ti pfariwile, a yima exikarhi ka vona a ku: “Ku rhula a ku ve na n'wina!”

Timhaka 20:7

Hi siku ro rhanga ra vhiki, loko hi hlengeletene ku phema xinkwa, Pawulo a va dyondzisa ku ya fika exikarhi ka vusiku, hikuva a a ta famba nimixo.

1 Vakorinto 16:2

Hi siku ro rhanga ra vhiki, un'wana ni un'wana wa n'wina a a tivekele hitlhelo, leswi a swi hlengeletaka, hilaha a swi nyikiweke hakona, ku nga languteriwi ku ta ka mina ku humesa mihlengo.

Nhlavutelo 1:10

A ndzi tekiwile emoyeni hi siku ra Hosi, kutani ndzi twa endzhaku ka mina rito lerikulu kukotisa ra nanga,