Yohane 2:11 - Xitsonga (Bibele)

¹¹ Mahlori lawa hi wona lawa Yesu a nga sungula ha wona eKana wa Galeliya, a kombisa ku twala ka yena; kutani vadyondzisiwa va yena va pfumela eka yena.

BIBELE Mahungu Lamanene

¹¹ Mahlori lawa, hi wona layo sungula lawa Yesu a nga ma endla, loko a ri emutini wa Kana eGaleliya, a komba ku twala ka yena; kutani vadyondzisiwa va yena va pfumela eka yena.

Testamente Leyimpsha Xichangana

¹¹ Yesu asungulisa xisvosvo amahlori ya yena Kana wa Galileya, akombisa kukwetsima ka yena; kutani vajondzisiwa va yena vapfumela ka yena.

Yohane 2:11 Iomraidhean Croise

1 TIHOSI 17:24

Kutani Eliya a ku: “Vona, n'wana wa wena wa hanya.” Wansati a ku eka Eliya: “Sweswi, ndzi tiva leswaku u munhu wa Xikwembu, ni leswaku rito ra Yehovha leri nga enon'wini wa wena ri tiyile.”

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

Pisalema 96:3

Mi twarisa ku kwetsima ka yena exikarhi ka matiko, Ni mahlori ya yena exikarhi ka matiko hinkwawo!

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Eksoda 4:9

Kutani loko va nga pfumeri swikombiso leswimbirhi, va nga yingisi ni rito ra wena, u ta ya u ka mati ya nambu, u ma halatela ehansi, mati lawa u ma keke enambyeni, ma ta hundzuka ngati emisaveni.”

Eklesiasta 9:7

Famba, u ya dya swakudya swa wena hi ku tsaka, u nwa vhinyo ya wena hi mbilu leyi titsakelaka hikuva Xikwembu xi tsakisiwile hi mitirho ya wena.

Esaya 40:5

Ku vonakala ka Yehovha ku ta humelela, kutani nyama yin'wana ni yin'wana yi ta ku vona, hikuva nomu wa Yehovha wu vurisile.”

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Yohane 1:43

Siku leri tlhandlamaka, a rhandza ku ya eGaleliya, kutani a kuma Filipi, a ku eka yena: “Ndzi landze.”

Yohane 1:50

Yesu a hlamula, a ku eka yena: “U pfumela hi leswi ndzi nga te eka wena: Ndzi ku vonile ehansi ka nkuwa; u ta vona leswikulu ku tlula leswi.”

Yohane 10:41

Lavo tala va ya eka yena, va ku: “Yohane, yena, a nga endlanga masingita, hambi ri ri rin'we, kambe timhaka hinkwato leti nga vuriwa hi Yohane ehenhla ka loyi, hi tona kunene.”

Yohane 11:15

kutani ndzi tsakile hikwalaho ka n'wina, leswi ngi a ndzi nga ri kona, leswaku mi pfumela; kambe a hi yeni eka yena.”

Yohane 11:47

Kutani vaprista lavakulu ni Vafarisi va hlengeleta huvo, va ku: “Hi ta endla yini leswi munhu loyi a endlaka masingita layo tala?

Yohane 12:18

Hikwalaho lavo tala a va yile va ya hlangana na yena hikuva a va twile mahlori lama endliweke hi yena.

Yohane 12:37

Kutani, hambi a endlile masingita layonghasi emahlweni ka vona, a va pfumelanga eka yena;

Yohane 12:41

Esaya u vurile timhaka teto loko a vona ku kwetsima ka yena, ni loko a vula ta yena.

Yohane 14:13

Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

Yohane 16:27

hikuva na yena Tatana wa mi rhandza, hikuva mi ndzi rhandzile, ni ku pfumela leswaku ndzi huma eka Xikwembu.

Yohane 16:30

Sweswi, ha swi tiva leswaku u tiva hinkwaswo, a ku faneri ku vutisiwa nchumu hi munhu; hikwalaho ha pfumela leswaku u huma eka Xikwembu.”

Yohane 2:1

Hi siku ra vunharhu, nkhuvo wa vukati wu va kona eKana wa Galeliya kutani mana wa Yesu a a ri kona.

Yohane 2:23

Kakuloko a ha ri eYerusalema, hi siku ra nkhuvo wa Paseka, vanhu lavo tala va pfumela vito ra yena, loko va vona mahlori lawa a ma endlaka.

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 4:3

a suka eYudiya a tlhelela eGaleliya.

Yohane 4:46

Kambe Yesu a tlhela a ya eKana wa Galeliya laha a nga hundzula mati vhinyo kona. Ndhuna ya hosi a yi ri kona, leyi n'wana wa yona a a vabya eKapernawume.

Yohane 4:54

Hi xona xikombiso xa vumbirhi lexi Yesu a xi endleke loko a fikile eGaleliya, a huma eYudiya.

Yohane 5:23

leswaku hinkwavo va ta chava N'wana hilaha va chavaka Tatana hakona. La nga chaviki N'wana, a nga chavi na Tatana la n'wi rhumeke.

Yohane 6:14

Vanhu valavo, kuteloko va vonile mahlori lama endliweke hi Yesu, va ku: “Kunene loyi, i muprofeta la faneleke ku ta emisaveni.”

Yohane 6:2

Kutani mitshungu leyikulu yi n'wi landza, hikuva a va vonile mahlori lawa a ma endleke eka lava vabyaka.

Yohane 6:26

Yesu a va hlamula, a ku: “Ndzi vurisile ndzi ri eka n'wina: Ma ndzi lava ku nga ri hi leswi mi nga vona masingita, kambe hi leswi mi nga dya xinkwa, mi va mi xurha.

Yohane 6:30

Va ku eka yena: “U endla mahlori wahi hi ta ma vona, kutani hi ta pfumela eka wena?

Yohane 7:31

Kambe lavo tala exikarhi ka vunyingi va pfumela eka yena, va ku: “Kutakuloko Kriste a ta, xana u ta endla masingita lama tlulaka lama endliwaka hi loyi xana?”

Yohane 9:16

Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

2 Vakorinto 4:17

Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Duteronoma 5:24

mi te: ‘Vonani, Yehovha, Xikwembu xa hina, xi hi kombisile ku kwetsima ka xona, ni vukulu bya xona, hi yingisile rito ra xona endzilweni, hi vonile namuntlha Xikwembu loko xi vulavula ni vanhu, kambe vanhu va ha hanya.

1 Yohane 5:13

Ndzi mi tsalerile timhaka teto, n'wina lava pfumelaka eka vito ra N'wana wa Xikwembu, mi ta tiva leswaku mi ni vutomi lebyi nga heriki.