Yohane 19:4 - Xitsonga (Bibele)

⁴ Pilato a engeta a humela ehandle, a ku eka vona: “Vonani, ndzi n'wi humesile ehandle eka n'wina, mi ta tiva leswaku a ndzi kumi nandzu eka yena hambi wu ri wun'we.”

BIBELE Mahungu Lamanene

⁴ Pilato a engeta a huma, a ku ka Vayuda: “Vonani, ndzi mi humesela yena, mi ta tiva leswaku a ndzi kumi nandzu ni wun'we eka yena.”

Testamente Leyimpsha Xichangana

⁴ Pilato atlhela ahuma, aku ka Vayuda: “Vonani, nimihumesela yena, mitativa lesvaku anikumi nandzu niwun'we ka yena”

Yohane 19:4 Iomraidhean Croise

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Matewu 27:24

Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Luka 23:4

Kavaloko Pilato a ku eka vaprista lavakulu ni ka vunyingi: “A ndzi kumi nandzu eka munhu loyi.”

Luka 23:41

Kasi, loko hi ri hina, swi hi lulamele; hikuva hi amukela leswi fanekelaka leswi hi swi endleke; kambe loyi, a nga dyohanga nchumu.”

Luka 23:47

Ndhuna ya dzana, kuteloko yi vonile leswi humeleleke, yi dzunisa Xikwembu, yi ku: “Kunene munhu loyi a a lulamile.”

Yohane 18:33

Pilato a tlhela a nghena ehubyeni a vitana Yesu, a ku eka yena: “U hosi ya Vayuda xana?”

Yohane 18:38

Pilato a ku eka yena: “Ntiyiso i yini xana?” Kuteloko a vurise sweswo, a tlhela a humela eka Vayuda, a ku eka vona: “A ndzi voni nandzu eka yena, ni wun'we.

Yohane 19:6

Kambe vaprista lavakulu ni malandza kakuloko va n'wi vona, va huwelela, va ku: “N'wi vambe, n'wi vambe!” Pilato a ku eka vona: “N'wi tekeni, mi ri n'wina, mi ya n'wi vamba; hikuva mina a ndzi voni nandzu eka yena.”

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.