Yohane 18:13 - Xitsonga (Bibele)

¹³ Va n'wi yisa eka Anasi eku sunguleni hikuva a a ri mukon'wana wa Kayafasi, muprista lonkulu wa lembe rero.

BIBELE Mahungu Lamanene

¹³ Kutani va rhanga hi ku n'wi yisa eka Anasi. N'wana wa xisati wa Anasi a a tekiwile hi Kayafasi, Muprista lonkulu wa lembe rero.

Testamente Leyimpsha Xichangana

¹³ Kutani varhanga hi kumuyisa ka Anasi. N'wana waxisati wa Anasi aatekiwile hi Kayafasi, Muprista lwenkulu wa lembe lero.

Yohane 18:13 Iomraidhean Croise

Matewu 26:3

Enkarhini wolowo, vaprista lavakulu ni vatsari, ni vakulukumba va tiko, va hlengeletana ehubyeni ya muprista lonkulu la vuriwaka Kayafasi,

Matewu 26:57

Lava nga khoma Yesu va n'wi yisa eka Kayafasi, muprista lonkulu, laha vatsari ni vakulukumba a va hlengeletanile kona.

Luka 3:2

loko Anasi a ri muprista lonkulu na Kayafasi, rito ra Xikwembu ri fika eka Yohane, n'wana Zakariya, emananga.

Yohane 11:49

Un'wana wa vona, Kayafasi, loyi ngi a ri muprista lonkulu hi lembe rero, a ku eka vona:

Yohane 11:51

Kambe a nga vurisanga sweswo a tisungulela, kambe, hikuva a a ri muprista lonkulu hi lembe rero, a bvumbha leswaku Yesu u fanele ku fela tiko;

Yohane 18:24

Kutani Anasi a n'wi rhumela eka Kayafasi, muprista lonkulu, a bohiwile.

Yohane 18:28

Kutani va suka eka Kayafasi wa ha ri mixo, va yisa Yesu ehubyeni; kambe vona a va nghenanga ehubyeni, swi ri leswaku va nga tinyamisi, va nga tivi ni ku dya Paseka.

Yohane 19:11

Yesu a hlamula, a ku: “A wu nga ti va na matimba ehenhla ka mina ni switsongo, loko u nga ma nyikiwanga hi tilo; hikwalaho, la ndzi nyiketeke wena u ni nandzu lowu tlurisaka.”

Timhaka 4:6

va ri na Anasi muprista lonkulu, na Kayafasi, na Yohane, na Aleksandro, ni hinkwavo va rixaka ra vaprista lavakulu.