Yohane 17:2 - Xitsonga (Bibele)

² hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

BIBELE Mahungu Lamanene

² Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Testamente Leyimpsha Xichangana

² Hakunene, umunyikile vuhosi henhla ka vanhu hinkwavu, lesvaku hinkwavu lava umunyikeke vona, yena avanyika vutomi lebzingaheliki.

Yohane 17:2 Iomraidhean Croise

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yohane 17:6

“Vito ra wena ndzi ri tivisile vanhu lava u ndzi nyikeke vona emisaveni; a va ri va wena, kutani u ndzi nyikile vona, kutani va hlayisile rito ra wena.

Yohane 17:9

Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

Yohane 3:35

Tatana u rhandza N'wana, u vekile swilo hinkwaswo emavokweni ya yena.

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Yohane 6:37

Hinkwaswo leswi ndzi swi nyikiwaka hi Tatana, swi ta ta eka mina; la taka eka mina, ndzi nga ka ndzi nga n'wi cukumeteli ehandle.

Yohane 6:39

Kambe ku rhandza ka Tatana la ndzi rhumeke, hileswaku ndzi nga lahli nchumu wa hinkwaswo leswi a ndzi nyikeke swona, kambe ndzi n'wi pfuxa hi siku ra makumu.

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

1 Vakorinto 15:25

Hikuva u fanele ku fuma a kondza a veka valala hinkwavo ehansi ka mikondzo ya yena.

Vaefesa 1:20

lawa xi tirheke ha wona eka Kriste, loko xi n'wi pfuxa eku feni, xi vuya xi n'wi tshamisisa evokweni ra xinene ra xona ematilweni,

Vafilipiya 2:10

leswaku hi vito ra Yesu, matsolo ya hinkwavo lava nga ematilweni ni la emisaveni ni le hansi ka misava, ma n'wi khinsamela,

1 Timotiya 1:16

Kambe ndzi tsetseleriwile leswaku Yesu Kriste a ta kombisa ha mina lowo rhanga xivindzi xa yena hinkwaxo, yi ta va mitila ya hinkwavo lava nga ta pfumela eka yena, leswaku va va ni vutomi lebyi nga heriki.

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

1 Yohane 1:2

(hikuva vutomi byi kombisiwile, hi byi vonile, kambe hi timbhoni ta byona, kutani ha mi byela vutomi lebyi nga heriki, lebyi ngi byi ri eka Tatana, kambe byi kombisiwile hina)

1 Yohane 2:25

Kutani ku tshembisa loku a hi nyikeke kona, i vutomi lebyi nga heriki.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Yuda 1:21

mi tihlayisa erirhandzwini ra Xikwembu, mi ri karhi mi langutela tintswalo ta Hosi ya hina Yesu Kriste, leswaku mi ta hiwa vutomi lebyi nga heriki.