Yohane 17:11 - Xitsonga (Bibele)

¹¹ A ndza ha ri la emisaveni, kambe vona va ha ri emisaveni; kutani mina ndzi ya eka wena. Tatana la kwetsimeke, hlayisa lava u ndzi nyikeke vona evitweni ra wena, va ta endla un'we kukotisa hina.

BIBELE Mahungu Lamanene

¹¹ A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Testamente Leyimpsha Xichangana

¹¹ Anahali misaveni, kambe vona va laha misaveni, kutani nita koseyo ka wena. Tatana lweyi akwetsimeke, vahlayise hi matimba ya vito ra wena, leri uninyikeke rona, lesvaku vava mun'we kufana na hina.

Yohane 17:11 Iomraidhean Croise

Pisalema 79:9

Oho Xikwembu xa ku hlayiseka ka hina, u hi pfuna, Hikwalaho ka ku kwetsima ka vito ra wena, U hi hlayisa, u hi rivalela vudyoho bya hina, Hikwalaho ka vito ra wena!

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Esaya 27:3

Hi mina Yehovha la yi hlayisaka; ndzi ta yi cheleta hi mikarhi hinkwayo ndzi yi hlayisa vusiku ni nhlekanhi leswaku munhu a nga ngheni eka yona.

Esaya 64:2

ku fana ni ku pfurha ka ndzilo wa tihunyi leti omeke, hilaha ndzilo wu virisaka mati; valala va wena va ta tiva vito ra wena, matiko ma ta rhurhumela emahlweni ka wena.

Yeremiya 14:21

Hikwalaho ka vito ra wena, u nga tshuki u sandzisa, hambi ku ri ku onha xiluvelo xa ku kwetsima ha wena. Anakanya, u nga tshuki u tshova ntwanano wa wena na hina!

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Ezekiele 20:22

Kambe ndzi tlherisile voko ra mina, ndzi endla hikwalaho ka vito ra mina, leswaku ri nga nyamisiwi emahlweni ka matiko lawa ingi ndzi va humese emahlweni ka wona.

Ezekiele 20:44

kutani mi ta swi tiva leswaku hi mina Yehovha, siku ndzi mi endlaka sweswo, hikwalaho ka vito ra mina, ku nga ri hi tindlela ta n'wina leto biha, ni loko ku ri hi swiendlo leswi boleke swa n'wina, va yindlu ya Israele, ku vula Hosi Yehovha.”

Ezekiele 20:9

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko lawa i ingi va ri eka wona, lawa ingi ndzi titivisile emahlweni ka wona, hi ku va humesa etikweni ra Egipta.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

Matewu 6:9

“N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Yohane 13:3

Yesu, hi ku tiva leswaku Tata wa yena u vekile hinkwaswo emavokweni ya yena, ni leswaku u humile eka Xikwembu, kutani u ya eka Xikwembu,

Yohane 14:20

Hi siku lero, mi ta tiva leswaku ndzi le ka Tatana, na n'wina mi le ka mina, na mina ndzi le ka n'wina.

Yohane 16:28

Ndzi humile eka Tatana, kutani ndzi tile emisaveni; sweswi, ndzi tlhela ndzi suka emisaveni ndzi ya eka Tatana.”

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Yohane 17:23

mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Yohane 17:25

Tatana la lulameke, misava a yi ku tivanga, kambe mina ndzi ku tivile; na vona lava, va swi tivile leswaku u ndzi rhumile.

Yohane 17:6

“Vito ra wena ndzi ri tivisile vanhu lava u ndzi nyikeke vona emisaveni; a va ri va wena, kutani u ndzi nyikile vona, kutani va hlayisile rito ra wena.

Yohane 7:33

Kutani Yesu a ku eka vona: “Ndza ha ri na n'wina nkarhinyana, kutani ndzi ya eka la ndzi rhumeke.

Timhaka 3:21

loyi tilo ri faneleke ku n'wi amukela, ku ko ku fika nguva ya ku vuyetela swilo hinkwaswo, leyi Xikwembu xi yi vuleke hi milomu ya vaprofeta lavo kwetsima hinkwavo va xona ka ha ri eku sunguleni.

Varhoma 12:5

hi mukhuva wolowo, na hina, hambi hi tele, hi miri wun'we eka Kriste, kutani un'wana ni un'wana i xirho xa van'wana.

Varhoma 9:17

Hikuva Tsalwa ri te eka Faro: “Leswi ndzi ku pfuxeleke swona, hileswaku ndzi kombisa matimba ya mina ha wena, ni leswaku vito ra mina ri twakala emisaveni hinkwayo.”

1 Vakorinto 1:10

Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Vaefesa 4:4

Ku ni miri wun'we ni Moya wun'we, kukotisa leswi mi vitaneriweke xitshembo xin'we eku vitiweni ka n'wina;

Vafilipiya 2:9

Hikwalaho, Xikwembu xi n'wi tlakusile hi ku tlurisa, xi n'wi nyikile vito leri nga ehenhla ka mavito hinkwawo,

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

1 Yohane 3:12

hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste:

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Nhlavutelo 19:12

Mahlo ya yena a ma fana ni langavi ra ndzilo; enhlokweni ya yena a rhwele tihari leto tala, a ri ni vito leri tsariweke ri nga tiviwi hi munhu, loko a nga ri yena ntsena.

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”