Yohane 13:5 - Xitsonga (Bibele)

⁵ Kutani a chela mati enkambaneni, a sungula ku hlantswa milenge ya vadyondzisiwa va yena, a sula hi nceka lowu a titsimbeke ha wona.

BIBELE Mahungu Lamanene

⁵ Kutani a chela mati enkambaneni, a sungula ku hlambisa vadyondzisiwa emilenge, a yi sula hi nceka lowu a tikhameke ha wona.

Testamente Leyimpsha Xichangana

⁵ Kutani achela mati ka baziya, asungula kuhlambisa vajondzisiwa milenge, ayisula hi thawula leri atikhameke ha rona.

Yohane 13:5 Iomraidhean Croise

Genesa 18:4

Ha nga lava matinyana, mi hlamba milenge, mi wisa ehansi ka murhi.

Genesa 19:2

a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

Genesa 43:24

Munhu yeloyi a va heleketa endlwini ya Yosefa, a va nyika mati, va hlantswa milenge ya vona, a fihluta ni timbhongolo ta vona.

2 TIHOSI 3:11

Yoxafati a ku: “A ku na muprofeta wa Yehovha haleno, leswaku hi vutisa Yehovha ha yena-ke?” Kavaloko nandza un'wanyana wa hosi ya Israele a hlamula, a ku: “Ku na Elixa, n'wana Xafati la ngi a chela mati emavokweni ya Eliya.”

Pisalema 51:2

Ndzi hlantswe kunene, u susa ku homboloka ka mina, U ndzi basisa hi ku susa swivi swa mina,

Eksoda 29:4

Kutani u ta tshineta Aroni ni vana va yena enyangweni ya Tabernakela ya nhlengeletano, u va hlantswa hi mati.

Esaya 1:16

Hlambani, mi tibasisa; susani emahlweni ka mina mitirho leyo biha ya n'wina; tshikani ku endla swo biha.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Levhitika 14:8

La tibasisaka u ta hlantswa tinguvu ta yena, a byewula mavoya hinkwawo a va a hlamba, kutani u ta tenga, endzhaku ka swona, u ta nghena emixaxeni, kambe u ta tshama ehandle ka ntsonga wa yena hi masiku ya ntlhanu na mambirhi.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Luka 7:38

Kutani a khinsama endzhaku ka yena, emilengeni ya yena, a ri karhi a rila, a sungula ku n'wi tsakamisa milenge hi mihloti ya yena, a tlhela a hlangula hi misisi ya nhloko ya yena, a n'wi ntswontswa milenge, a yi tota hi mafurha.

Luka 7:44

Kutani a rhendzelekela ka wansati, a ku eka Simoni: “Nsati loyi, wa n'wi vona-ke? Ndzi nghene endlwini ya wena, a ku ndzi hanga mati ndzi hlamba milenge; yena u tsakamisile milenge yanga hi minyembeti, a hlangula hi misisi ya nhloko yakwe.

Yohane 13:10

Yesu a ku eka yena: “La hlantswiweke a nga na ku hlantswiwa loko yi nga ri milenge ntsena, kutani u ta basa hinkwako; loko mi ri n'wina, mi basile, kambe a hi hinkwenu.”

Yohane 13:6

A ta ni ka Simoni Petro; yeloyi a ku eka yena: “Hosi, xana wena u ta ndzi hlantswa milenge xana?”

Yohane 13:8

Petro a ku eka yena: “U nga ka u nga ndzi hlantswi milenge, ni siku ni rin'we!” Yesu a n'wi hlamula, a ku: “Loko ndzi nga ku hlantswi, a wu na mhaka na mina.”

Yohane 19:34

Kambe un'wana wa tinhenha a n'wi tlhava tsheve hi fumu kutani kan'we ku huma ngati ni mati.

Timhaka 22:16

Kutani sweswi, u hlwelela yini? Yima u khuvuriwa, u hlantswiwa ku dyoha ka wena hi ku khongela vito ra yena.’

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

1 Yohane 5:6

Yesu Kriste, hi yena la nga ta hi mati ni ngati; ku nga ri hi mati ntsena, kambe hi mati ni ngati; kutani moya, hi yona mbhoni, hikuva Moya i ntiyiso.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Nhlavutelo 7:14

Kutani ndzi ku eka yena: “Swo tiva hi wena, Hosi yanga!” A ku eka mina: “Hi lava humeke enhlomulweni lowukulu, va hlantswile tinguvu ta vona va ti basisile hi ngati ya Xinyimpfana.

Vaavanyisi 19:21

A n'wi yisa endlwini ya yena, a nyika timbhongolo byanyi, kutani va tihlantswa milenge va dya, va nwa.

1 SAMIELE 25:41

Kutani a pfuka, a khinsama, a ku: “Waswivo, nandza wa wena u ta va khumbi leri nga ta hlantswa milenge ya malandza ya hosi yanga.”