Yohane 13:34 - Xitsonga (Bibele)

³⁴ Ndzi mi vekela nawu lowuntshwa, hileswaku mi rhandzana; kukotisa leswi ndzi mi rhandzeke, rhandzanani, na n'wina.

BIBELE Mahungu Lamanene

³⁴ Ndzi mi nyika nawu lowuntshwa ndzi ri: Rhandzanani! Kukotisa leswi mina ndzi mi rhandzeke, rhandzanani na n'wina.

Testamente Leyimpsha Xichangana

³⁴ Niminyika Nawu lowumpsha nili: Rhandzanani! Kukotisa lesvi mina nimirhandzeke, rhandzanani na n'wina.

Yohane 13:34 Iomraidhean Croise

Pisalema 119:63

Ndzi tolovela hinkwavo lava ku chavaka, Ni lava hlayisaka swileriso swa wena.

Pisalema 16:3

Vahlawuriwa lava nga emisaveni, Vanhu va vukhongeri, hi valavo ndzi va rhandzaka ngopfu.

Levhitika 19:18

“ ‘U nga tshuki u tirihisela, u nga tshami u va ni rivengo ni vana va tiko ra wena; u ta rhandza warikwenu kukotisa loko u tirhandza: hi mina Yehovha.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

Matewu 5:44

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka;

Yohane 15:17

Leswi ndzi mi lerisaka swona hileswaku mi rhandzana.

Yohane 17:21

swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Varhoma 12:10

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Varhoma 13:10

Rirhandzu a ri endli warikwavo swo biha hikwalaho rirhandzu i ku hetiseka ka nawu.

Varhoma 13:8

Mi nga tshuki mi va ni nandzu eka munhu, loko wu nga ri wa ku rhandzana hikuva la rhandzaka van'wana, hi yena la hetiseke nawu.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Vagalatiya 6:10

Hikwalaho, loko ha ha ri ni nkarhi, a hi endleleni hinkwavo leswinene, kambe ngopfungopfu va yindlu ya ku pfumela.

Vagalatiya 6:2

Rhwalelanani mirhwalo, mi ta hetisa sweswo nawu wa Kriste.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vakolosa 1:4

hi ri karhi hi byeriwa ku pfumela ka n'wina eka Yesu Kriste, ni rirhandzu ra n'wina eka vakwetsimi hinkwavo,

1 Vatesalonika 3:12

Kutani Hosi a yi mi kurise, yi mi tatisela rirhandzu ro rhandzana ni ro rhandza hinkwavo, tanihi leswi hi mi rhandzaka hakona na hina,

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

Vaheveru 13:1

A ku tiye ku rhandzana.

Yakobo 2:8

Hambiswiritano, loko mi heta nawu lowu nga hosi exikarhi ka milawu, hilaha ku tsariweke hakona leswaku: “Rhandza warikwenu kukota loko u tirhandza,” mi endla swinene;

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

2 Petro 1:7

ni le vukhongerini, ku rhandza vamakwenu; ni le ku rhandzeni ka vamakwenu, ku rhandza hinkwavo.

1 Yohane 3:11

Hikuva mhaka leyi mi yi tweke ka ha ri eku sunguleni, hileswaku hi rhandzana;

1 Yohane 3:23

Kutani ku lerisa ka xona hileswaku hi pfumela vito ra N'wana wa xona Yesu Kriste, ni leswaku hi rhandzana hilaha xi hi leriseke hakona.

1 Yohane 4:21

Kutani ku lerisa loku hi ku nyikiweke hi xona, hileswaku: “La rhandzaka Xikwembu, u rhandza ni makwavo.”

2 Yohane 1:5

Kutani sweswi, wena Kiria, ndza ku khongela, swi nga ri leswaku ndzi ku tsalela ku lerisa lokuntshwa, kambe hi loku ngi mi ri na kona ka ha ri eku sunguleni, hileswaku hi rhandzana.