Yohane 11:25 - Xitsonga (Bibele)

²⁵ Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya.

BIBELE Mahungu Lamanene

²⁵ Yesu a ku ka yena: “Hi mina ku pfuka ni vutomi; la pfumelaka ka mina, hambi a nga fa, ú ta hanya,

Testamente Leyimpsha Xichangana

²⁵ Yesu aku ka yena: “Hi mina kupfuka ni vutomi; lweyi apfumelaka ka mina, hambi angafa, atahanya,

Yohane 11:25 Iomraidhean Croise

Pisalema 36:9

Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

Esaya 26:19

Vafi va wena a va tlhele va hanya! Mitsumbu ya mina a yi pfuke! Pfukani n'wina, tsakisisani, n'wina lava etleleke entshurini! Hikuva mberha ya wena i mberha ya vurhonga, kutani misava yi ta tlhela yi veleka lava feke!

Esaya 38:16

Hosi, vutomi byi kumeka evuneneni bya wena, moya wanga wu kuma ku hanya eka byona; u ta ndzi tiyisa, u va u ndzi hanyisa kambe.

Luka 23:43

Yesu a ku eka xona: “Kunene, ndzi ri eka wena: Namuntlha u ta va na mina eParadeyisini.”

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

Yohane 14:19

Ku nga ri kungani, kutani misava yi nga ha ndzi voni, kambe n'wina mi ta ndzi vona; hikuva ndza hanya, na n'wina mi ta hanya.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Yohane 5:21

Hikuva, kukotisa leswi Tatana a pfuxaka vafi a va hanyisa, na yena N'wana u hanyisa lava a va rhandzaka.

Yohane 5:26

Hikuva kukotisa leswi Tatana a nga ni vutomi eka yena swakwe, u nyikile na yena N'wana, leswaku a va ni vutomi eka yena.

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Yohane 6:44

A ku na munhu la nga taka eka mina, loko a nga kokiwi hi Tatana la ndzi rhumeke, kutani mina ndzi ta n'wi pfuxa hi siku ra makumu.

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Varhoma 4:17

kukota leswi ku tsariweke leswaku: “Ndzi ku vekile tata wa matiko layo tala”; u tano emahlweni ka Xikwembu lexi a pfumeleke eka xona, lexi hanyisaka lava feke, kutani xi vitana swilo leswi nga riki kona kukota loko ngi swi ri kona.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

1 Vakorinto 15:18

Loko swi ri tano, lava tietleleleke eka Kriste va lovile.

1 Vakorinto 15:29

Loko swi ri tano, lava nga khuvuleriwa vafi va ta endla yini loko kunene vafi va nga pfuki? Xana va ha khuvuleriwa yini vafi xana?

2 Vakorinto 4:14

hi ri karhi hi swi tiva leswaku la pfuxeke Hosi Yesu, u ta hi pfuxa, na hina, ha Yesu kambe u ta hi humelerisa na n'wina.

Vafilipiya 1:23

hikuva ndzi kokiwa hi matlhelo mambirhi, ndzi ni ku navela ku suka, leswaku ndzi va na Kriste, hikuva hi yona mhaka leyi sasekeke eka mina ku tlurisa;

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

1 Vatesalonika 4:14

Hikuva loko hi pfumela leswaku Yesu a file a tlhela a pfuka, na kona, hi fanele ku pfumela leswaku lava etleleke, Xikwembu xi ta va pfuxa ha Yesu, xi va vuyisa na yena.

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

Nhlavutelo 20:5

Loko va ri van'wana lava feke, a va pfukanga, malembe ya khume ra madzana ma nga si hela. Hi kona ku pfuka ka ku sungula!

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.