Yohane 11:19 - Xitsonga (Bibele)

¹⁹ Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.

BIBELE Mahungu Lamanene

¹⁹ Kutani Vayuda lavo tala a va tile ka Marta na Mariya ku ta va chavelela hikwalaho ka rifu ra makwavo wa vona.

Testamente Leyimpsha Xichangana

¹⁹ Kutani Vayuda lavotala avayile ka Marta na Mariya kuyavachavelela hikolaho ka rifu ra makwavu wa vona.

Yohane 11:19 Iomraidhean Croise

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

2 SAMIELE 10:2

Kutani Davhida a ku: “Ndzi ta kombisa tintswalo eka Hanunu, n'wana Nahaxi, kukotisa leswi tata wa yena a ndzi kombiseke tintswalo.” Kavaloko Davhida a rhuma malandza ya yena ma ya n'wi chavelela hikwalaho ka tata wa yena; kutani malandza ya Davhida ma fika etikweni ra vana va Amoni.

1 TIKRONIKA 10:12

kutani vavanuna hinkwavo lava tiyeke va pfuka va ya teka ntsumbu wa Sawulo ni mitsumbu ya vana va yena, va yi tisa eYabexe. Va lahla marhambu ya vona ehansi ka nkanyi wa Yabexe; kutani va titsona swakudya hi masiku ya ntlhanu na mambirhi.

Ntirho 2:11

Vanakulobye va Yobo ha vanharhu, va twa khombo leri n'wi weleke, kutani un'wana ni un'wana a suka eka rikwavo, Elifasi wa ka Temani, Bilidada wa ka Xuwaka, na Sofara wa ka Naama, va hlangana marito, va ta swin'we ku ta tsetsa Yobo ni ku n'wi chavelela.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava a nga tivana na vona, va ta eka yena, va dya na yena endlwini ya yena, va hlangula mihloti ya yena va n'wi chavelela eku vavisekeni ka yena hinkwako loku Yehovha a ku tiseleke ehenhla ka yena; un'wana ni un'wana a n'wi nyika xiphemu xa silivhere ni sindza ra nsuku.

Eklesiasta 7:2

Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

Esaya 51:19

Maxangu ni ku lova, ndlala ni tlhari, xana ndzi ta ku chavelerisa ku yini?

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Swirilo 1:21

“Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.

Swirilo 1:9

Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Luka 10:39

A a ri ni makwavo loyi va nge i Mariya, la nga va a tshama emilengeni ya Yesu, a yingisa rito ra yena.

Luka 10:42

kasi xilo lexi pfumariwaka i xin'we ntsena, kutani Mariya u tihlawulele ku averiwa loko saseka, loku a nga tiki tekeriwaka kona.”

Yohane 1:19

Hi byo lebyi vumbhoni bya Yohane, siku Vayuda va rhumeke vaprista ni Valevhi, va huma eYerusalema, va ya n'wi vutisa, va ku: “Wena, u mani xana?”

Yohane 11:1

A ku ri ni munhu la vabyaka, a nga Lazaro wa Betaniya, wa muti wa Mariya na Marta makwavo.

Yohane 11:31

Kutani Vayuda lava ngi va ri endlwini na yena, va n'wi chavelela; loko va n'wi vona a suka hi ku hatlisa a humela ehandle, va n'wi landzela, va ku: “A ya esirheni ku ya rila kona.”

Yohane 11:33

Yesu loko a n'wi vona a ri karhi a rila, ni Vayuda lava nga n'wi heleketa va rila na vona, a tlhaveka emoyeni, a twa ku vaviseka, a ku: “Mi n'wi veke kwihi?”

Yohane 11:36

Kavaloko Vayuda va ku: “Vonani! A a n'wi rhandzisa ku yini!”

Yohane 11:45

Lavo tala eka Vayuda lava teke eka Mariya, loko va vona leswi Yesu a swi endleke, va pfumela eka yena.

Yohane 11:8

Vadyondzisiwa va ku eka yena: “Rabi, Vayuda va ha ku lava ku ku khandla hi maribye, kasi u engeta u tlhelela kona xana?”

Varhoma 12:15

Tsakani ni lava tsakeke, mi rila ni lava rilaka.

2 Vakorinto 1:4

lexi hi chavelelaka emakhombyeni hinkwawo ya hina, leswaku lava nga emakhombyeni, hambi ma ri wahi ni wahi, hi ta tiva ku va chavelela hi ku chavelela loku na hina hi chaveleriwaka hakona hi Xikwembu;

1 Vatesalonika 4:18

Hikwalaho-ke chavelelanani hi marito walawo.

1 Vatesalonika 5:11

Hikwalaho khongotelanani, mi akisana, kukotisa leswi mi swi endlaka.

1 SAMIELE 31:13

Kutani va teka marhambu ya vona, va ma yimbela ehansi ka nkanyi wa Yabexe; kutani va titsona swakudya masiku ya ntlhanu na mambirhi.