Yohane 11:11 - Xitsonga (Bibele)

¹¹ Kuteloko a vulavule sweswo, a ku eka vona: “Lazaro, murhandziwa wa hina, u etlele, kambe ndzi ta ya n'wi pfuxa.”

BIBELE Mahungu Lamanene

¹¹ Loko a vurile sweswo, a engeta a ku ka vona: “Lazaro murhandziwa wa hina, ú etlele, kambe ndzi ya ku ya n'wi pfuxa.”

Testamente Leyimpsha Xichangana

¹¹ Loko avulile svosvo, atlhela aku ka vona: “Lazaru murhandziwa wa hina, ayetlele, kambe niya kuyamupfuxa.”

Yohane 11:11 Iomraidhean Croise

2 TIHOSI 4:31

Kavaloko Elixa a suka a n'wi landza. Gehazi a a hundzile emahlweni ka vona, a a vekile nhonga emombyeni wa n'wana; kambe a ku vanga na rito, hambi xi ri xikombiso xa ku yingisa. Kutani a tlhela a ya hlangana na Elixa, a n'wi tivisa mhaka, a ku: “Wandzisanyana a nga pfukanga.”

2 TIKRONIKA 20:7

Oho! Xikwembu xa hina, a hi wena la hlongoleke vaaki va tiko leri emahlweni ka tiko ra wena ra Israele, ku ri nyika hilaha ku nga heriki eka rixaka ra Abrahama, loyi a ku rhandzeke xana?

Eksoda 33:11

Yehovha a tshama a vulavula na Muxe va langutene, kukota munhu loko a vulavula ni nakulobye; kutani Muxe a tlhelela emixaxeni; kambe Yoxuwa, n'wana wa Nuni, nandza wa yena wa jaha, a a nga suki endlwini.

Esaya 41:8

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Daniele 12:2

Kutani lavo tala lava etleleke entshurini wa misava va ta pfuka, van'wana va ta pfukela vutomi lebyi nga heriki, van'wana va ta pfukela xisandzu ni tingana leti nga heriki.

Matewu 27:52

kutani mitsumbu ya lavo tala ya vakwetsimi lava etleleke va pfuka;

Matewu 9:24

a ku eka vona: “Sukani, hikuva wanhwanyana a nga fanga, u lo etlela,” kambe va n'wi hleka.

Marka 5:39

Kuteloko a nghenile, a ku eka vona: “Mi endlela yini pongo leri, mi rilela yini? Nhwanyana loyi, a nga fanga, kambe u etlele.”

Yohane 11:10

kambe loko munhu a famba nivusiku, a nga khunguvanyeka, hikuva a ku na ku vonakala eka yena.”

Yohane 11:12

Kutani vadyondzisiwa va ku eka yena: “Hosi, loko a etlele, u ta hanya.”

Yohane 11:13

Kasi Yesu a a vula ku fa ka yena; kambe vona a va anakanya leswaku u vula vurhongo byinene.

Yohane 11:3

Vamakwavo va rhuma eka Yesu va ku eka yena: “U nga vona, Hosi, loyi u n'wi rhandzaka wa vabya.”

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

1 Vakorinto 15:18

Loko swi ri tano, lava tietleleleke eka Kriste va lovile.

1 Vakorinto 15:34

Pfukani, mi hanya hi ku lulama, mi nga tshuki mi dyoha, hikuva van'wana a va na ku tiva ka Xikwembu; ndzi vula sweswo ku mi khomisa tingana.

1 Vakorinto 15:51

Maswivo, ndzi mi byela xihundla: Hi nga ka hi nga etleri hinkwerhu, kambe hi ta hundzuka hinkwerhu;

Vaefesa 5:14

Hikwalaho-ke, va nge: “Pfuka, wena la etlelaka, pfuka exikarhi ka vafi; kutani: Kriste u ta ku voninga.”

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

1 Vatesalonika 5:10

la hi feleke leswaku, hambi hi hanyanya, hambi hi etlele, hi hanya swin'we na yena.

Yakobo 2:23

Kutani ku endlakele Tsalwa leri nge: “Abrahama u pfumerile eka Xikwembu, kutani ku pfumela ka yena ku n'wi hundzukele ku lulama,” ku va kona a thyiwaka nakulobye wa Xikwembu.