Yohane 10:29 - Xitsonga (Bibele)

²⁹ Tatana la ndzi nyikeke tona, i nkulu eka hinkwavo; kutani a ku na munhu la nga ti vutlaka evokweni ra Tatana.

BIBELE Mahungu Lamanene

²⁹ Tata wa mina la ndzi nyikeke tona, ú nkulukumba ku tlula hinkwaswo; kutani a ku na munhu la kotaka ku vutla nchumu evokweni ra Tatana.

Testamente Leyimpsha Xichangana

²⁹ Tatana wa mina lweyi aninyikeke tona, i nkulu kutlula hinkwasvu; hi kolaho, aku na munhu ni mun'we lweyi angakotaka kutivutla vokweni ra Tatana wa mina.

Yohane 10:29 Iomraidhean Croise

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Yohane 10:28

mina ndzi ti nyika vutomi lebyi nga heriki; ti nga ka ti nga lovi, ni siku ni rin'we, kambe a ku na munhu la nga ti vutlaka evokweni ra mina.

Yohane 10:30

Mina na Tatana hi endla un'we.”

Yohane 14:28

“Mi swi twile loko ndzi te eka n'wina: ‘Ndza famba, kambe ndzi ta vuya eka n'wina.’ Loko ngi ma ndzi rhandza, ingi mi tsakile loko ndzi ya eka Tatana, hikuva Tatana i nkulukumba eka mina.

Yohane 17:11

A ndza ha ri la emisaveni, kambe vona va ha ri emisaveni; kutani mina ndzi ya eka wena. Tatana la kwetsimeke, hlayisa lava u ndzi nyikeke vona evitweni ra wena, va ta endla un'we kukotisa hina.

Yohane 17:2

hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Yohane 17:6

“Vito ra wena ndzi ri tivisile vanhu lava u ndzi nyikeke vona emisaveni; a va ri va wena, kutani u ndzi nyikile vona, kutani va hlayisile rito ra wena.

Yohane 17:9

Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

Yohane 6:37

Hinkwaswo leswi ndzi swi nyikiwaka hi Tatana, swi ta ta eka mina; la taka eka mina, ndzi nga ka ndzi nga n'wi cukumeteli ehandle.