Yohane 10:10 - Xitsonga (Bibele)

¹⁰ Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

BIBELE Mahungu Lamanene

¹⁰ Muyivi ú tela ntsena ku yiva, ni ku tlhava, ni ku lovisa; mina ndzi tile leswaku tinyimpfu ti va ni vutomi, ti byi kuma hi ntalo.

Testamente Leyimpsha Xichangana

¹⁰ Muyivi atela ntsena kuyiva, ni kudlaya, ni kuhahlula; mina nitile lesvaku tinyempfu tiva ni vutomi, tibzikuma hi ntalu.

Yohane 10:10 Iomraidhean Croise

Esaya 56:11

O! I timbyana ta makolo, leti nga xurhiki; i varisi lava nga tiviki ku twisisa nchumu; hinkwavo va famba hi mitila ya vona, un'wana ni un'wana u lava bindzu ra yena.

Hosiya 7:1

Loko ndzi ku ndzi dyaha Israele, hilaha ku humelelaka vudyohi bya Efrayimi ni mona wa Samariya, Hikuva va endla swa mavunwa, ni khamba ri nghena etindlwini, ntlawa wa lava yivaka wu hangalaka ehandle.

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Matewu 18:11

Hikuva N'wana wa Munhu u tile ku ta hanyisa leswi loveke.

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Matewu 21:13

a ku eka vona: “Ku tsariwile va ku: ‘Yindlu ya mina yi ta vuriwa yindlu ya ku khongela,’ kasi n'wina mi yi endle bako ra makhamba.”

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Marka 11:17

Kutani a dyondzisa, a ku eka vona: “Xana a ku tsariwanga leswaku: ‘Yindlu ya mina yi ta vuriwa yindlu ya xikhongelo ya matiko hinkwawo!’ Kasi n'wina mi yi endlile bako ra makhamba.”

Luka 19:10

hikuva N'wana wa Munhu u tile ku lava ni ku hanyisa leswi loveke.”

Yohane 10:1

“Ndzi vurisile ndzi ri eka n'wina: La nga ngheniki hi nyangwa etshangeni ra tinyimpfu, kambe a tlulela hi kun'wana, i muyivi ni khamba.

Yohane 10:11

“Hi mina murisi lonene. Murisi lonene u nyiketa tinyimpfu ta yena vutomi bya yena.

Yohane 12:47

Kungakuloko un'wana a yingisile marito ya mina, kutani a nga ma hlayisi, a ndzi n'wi avanyisi, hikuva a ndzi telanga ku avanyisa misava, kambe ku hanyisa misava.

Yohane 12:6

A vurisa sweswo, ku nga ri ku hlayisa swisiwana, kambe hikuva a a ri khamba; kutani hi yena la tameleke xikwamana xa mali a teka leswi nghenisiwaka kona.

Yohane 3:17

Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

Yohane 5:40

Kutani a mi rhandzi ku ta eka mina ku kuma vutomi.

Yohane 6:33

Hikuva vuswa bya Xikwembu hi lebyi xikaka hi le tilweni, lebyi nyikaka misava vutomi.”

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Varhoma 2:21

Wena-ke, la dyondzisaka van'wana, a ku tidyondzisi-ke? Wena la vulaka u ku: “Ku nga tshuki ku yiviwa,” wa yiva.

1 Timotiya 1:15

Rito leri ri tiyile, ri fanele ku amukeriwa hi ku kholwa hinkwako, leswaku Yesu Kriste u tile emisaveni ku ponisa vadyohi, lava ndzi nga lowo rhanga exikarhi ka vona.

Vaheveru 6:17

Hi sweswo ni Xikwembu, loko xi rhandza ku kombisisa vadyandzhaka va ku tshembisa ku tiya ka makungu ya xona, xi nghenisa ku hlambanya,

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.