Yohane 1:4 - Xitsonga (Bibele)

⁴ Vutomi a byi ri eka rona, kutani vutomi a byi ri ku vonakala ka vanhu.

BIBELE Mahungu Lamanene

⁴ swi kumile vutomi eka yena, kutani vutomi bya yena a byi ri ku vonakala eka vanhu.

Testamente Leyimpsha Xichangana

⁴ Vutomi abzili ka yena, kutani vutomi lebzo abzili kuvonakala ka vanhu.

Yohane 1:4 Iomraidhean Croise

Pisalema 49:6

Va tshemba rifuwo ra vona, Va tidzunisa hi vukulu bya ku fuwa ka vona.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Matewu 4:16

Tiko leri ngi ri tshame emunyameni, ri vonile ku vonakala lokukulu; volavo ingi va tshamile etikweni ra rifu ni le ndzhutini wa rona, ku vonakala ku va humelele.”

Luka 2:32

leswaku ku ve ku vonakala loku nga ta voninga matiko, ni ku kwetsima ka Israele, tiko ra wena.”

Yohane 11:25

Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya.

Yohane 12:35

Kutani Yesu a ku eka vona: “Ma ha ri ni ku vonakala hi nkarhi wu nga ri wungani; Fambani loko ma ha ri ni ku vonakala, leswaku munyama wu nga ti mi kuma; hikuva la fambaka emunyameni, a nga tivi laha a yaka kona.

Yohane 12:46

Mina, ndzi nga ku vonakala, ndzi tile emisaveni leswaku un'wana ni un'wana la pfumelaka eka mina, a nga tshuki a tshama emunyameni.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 3:19

Ku avanyisa hi kuloku: Ku vonakala ku tile emisaveni, kambe vanhu va rhandzile munyama ku tlurisa ku vonakala, hikuva mitirho ya vona a yi ri leyo biha.

Yohane 5:21

Hikuva, kukotisa leswi Tatana a pfuxaka vafi a va hanyisa, na yena N'wana u hanyisa lava a va rhandzaka.

Yohane 5:26

Hikuva kukotisa leswi Tatana a nga ni vutomi eka yena swakwe, u nyikile na yena N'wana, leswaku a va ni vutomi eka yena.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 9:5

Loko ndza ha ri la emisaveni, ndzi ku vonakala ka misava.”

Timhaka 26:23

hileswaku Kriste u ta dlawa, a va yena la rhangaka ku pfuka eku feni, u fanele ku vula ku vonakala eka tiko leri, ni ka matiko.”

1 Vakorinto 15:45

Miri wa nyama wu kona, ni miri wa moya wu kona, kukota leswi ku tsariweke va ku: “Munhu wo rhanga, Adamu, u endliwe moya lowu hanyaka,” Adamu wa le ndzhaku, u endliwile moya lowu hanyisaka.

Vaefesa 5:14

Hikwalaho-ke, va nge: “Pfuka, wena la etlelaka, pfuka exikarhi ka vafi; kutani: Kriste u ta ku voninga.”

Vakolosa 3:4

Kutani Kriste, loyi byi nga vutomi bya n'wina, siku a vuyaka, na n'wina mi ta humelela na yena eku vonakaleni.

1 Yohane 1:1

Lexi ngi xi ri kona eku sunguleni lexi hi xi tweke, lexi hi xi voneke hi mahlo ya hina, lexi hi xi languteke, lexi mavoko ya hina ma xi khumbeke, ri nga Rito ra vutomi;

1 Yohane 1:2

(hikuva vutomi byi kombisiwile, hi byi vonile, kambe hi timbhoni ta byona, kutani ha mi byela vutomi lebyi nga heriki, lebyi ngi byi ri eka Tatana, kambe byi kombisiwile hina)

1 Yohane 5:11

Kutani vumbhoni byebyo, hi lebyi nge: Xikwembu xi hi nyikile vutomi lebyi nga heriki; kutani vutomi byebyo byi le ka N'wana wa xona.

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”