Yohane 1:29 - Xitsonga (Bibele)

²⁹ Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

BIBELE Mahungu Lamanene

²⁹ Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Testamente Leyimpsha Xichangana

²⁹ Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Yohane 1:29 Iomraidhean Croise

Eksoda 28:38

Kutani Aroni u ta rhwala swidyoho leswi endliweke hi vana va Israele, loko va tisa timhamba hinkwato leti hlawuriweke ta vona; xi ta va emombyeni wa yena hi masiku, leswaku va sasekisiwa emahlweni ka Yehovha.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Esaya 53:7

Va n'wi xanisa, va n'wi tsongahata, a nga pfuli nomu. Kukota xinyimpfana lexi yisiwaka eku tlhaviweni, ni nyimpfu leyi miyelaka emahlweni ka lava yi tsemelaka voya a nga pfulanga nomu.

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Levhitika 10:17

“A mi dyanga ha yini gandzelo ra nandzu evukwetsimelweni? Hikuva i xilo lexi kwetsimaka ngopfu; mi nyikiwile xona leswaku mi rhwala nandzu wa nhlengeletano mi va phahlela mhamba emahlweni ka Yehovha.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Tinhlayo 18:1

Yehovha a ku eka Aroni: “Wena ni vana va wena, ni yindlu ya tata wa wena, mi ta rhwala milandzu ya vukwetsimelo, kutani wena ni vana va wena, mi ta rhwala milandzu ya ntirho wa vuprista bya n'wina.

Tinhlayo 18:23

Valevhi va ta tirha ntirho wa tabernakela ya nhlengeletano, kutani va ta rhwala milandzu ya vona. I ku lerisa loku nga heriki etinxakeni ta tinxaka; va nga ka va nga vi na ndzhaka exikarhi ka vana va Israele.

Tinhlayo 21:9

Kutani Muxe a endla nyoka ya koporo a yi hayeka emhandzeni kutani kuteloko munhu a lumiwile hi nyoka, a a languta nyoka ya koporo, a hanya.

Tinhlayo 7:27

ni xinkuzana, ni khuna, ni xinyimpfana xa lembe swa holokosta;

Tinhlayo 7:39

ni xinkuzana, ni khuna, ni xinyimpfana xa lembe, swi va swa holokosta;

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Yohane 1:35

Siku leri tlhandlamaka, Yohane a a yimile kambe ni vadyondzisiwa va yena vambirhi.

Yohane 1:36

Kakuloko a vona Yesu a hundza, a ku: “Vonani Xinyimpfana xa Xikwembu.”

Yohane 1:43

Siku leri tlhandlamaka, a rhandza ku ya eGaleliya, kutani a kuma Filipi, a ku eka yena: “Ndzi landze.”

Yohane 2:1

Hi siku ra vunharhu, nkhuvo wa vukati wu va kona eKana wa Galeliya kutani mana wa Yesu a a ri kona.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Yohane 4:42

Kutani va ku eka wansati: “A ha ha pfumeri hikwalaho ka rito ra wena; hikuva na hina hi n'wi twile, kutani ha swi tiva leswaku loyi, hi yena Kriste kunene, mukutsuri wa misava.”

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Timhaka 13:39

ni leswaku un'wana ni un'wana la pfumelaka eka yena, u khanisiwa eka swilo hinkwaswo leswi a nga hluleka ku khanisiwa hi nawu wa Muxe.

Timhaka 8:32

Ndzimana ya buku leyi ingi a yi hlaya hi leyi: “U yisiwile ku tlhaviweni kukota nyimpfu, kambe a ri tanihi xinyimpfana xa mbheveve emahlweni ka la xi tsemelaka voya, kutani a xi ahlamisinga nomu wa xona.

1 Vakorinto 15:3

Hikuva emahlweni ka swilo hinkwaswo, ndzi mi nyikile lexi: ndzi xi amukeleke na mina, hileswaku Yesu u fele swidyoho swa hina hilaha Matsalwa ma vulaka hakona,

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Vagalatiya 1:4

la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

1 Timotiya 2:6

la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Yohane 2:2

Kutani hi yena, hi xiviri xa yena, a nga mhamba ya swidyoho swa hina; swi nga ri swa hina ntsena, kambe ni swa vanhu hinkwavo.

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.

1 Yohane 4:10

Laha rirhandzu ri nga rona, hi leswi ku nga riki hina lava rhandzeke Xikwembu, kambe hi xona xi hi rhandzeke, kutani xi rhumile N'wana wa xona, leswaku yi va mhamba ya swidyoho swa hina.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Nhlavutelo 14:1

Kutani ndzi languta, ndzi vona Xinyimpfana xi yimile entshaveni ya Siyoni, xi ri ni lava tsariweke vito ra xona emimombyeni ya vona, va ri 144 000.

Nhlavutelo 14:10

na yena u ta nwa vhinyo ya vukari bya Xikwembu, leyi cheriweke yi nga hlanganisiwanga exinwelweni xa ku kariha ka xona; kutani u ta xanisiwa endzilweni ni le xivavuleni, emahlweni ka tintsumi leto kwetsima, ni le mahlweni ka Xinyimpfana.

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Nhlavutelo 19:7

A hi tsakeni, hi tsakisisa, hi xi dzunisa, hikuva vukati bya Xinyimpfana byi fikile, nsati wa xona u tilunghisile,

Nhlavutelo 19:9

Kutani ntsumi yi ku eka mina: “Tsala: Ku katekile lava rhambiweke enkhubyeni wa vukati bya Xinyimpfana.” Yi engeta yi ku eka mina: “Hi wona marito ya xiviri ya Xikwembu.”

Nhlavutelo 21:14

Rirhangu ra muti ri ni masungulo ya khume na mambirhi, lawa ku tsariweke eka wona mavito ya khume na mambirhi ya vaapostola va khume na vambirhi va Xinyimpfana.

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Nhlavutelo 21:9

Kutani ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi, leswi teleke makhombo ya ntlhanu na mambirhi ya ku hetelela, yi ta yi vulavula na mina, yi ku: “Tana, ndzi ta ku kombisa mutekiwa, la nga nsati wa Xinyimpfana.”

Nhlavutelo 5:6

Kutani ndzi vona exikarhi ka xiluvelo ni swivumbiwa leswi hanyaka leswa mune, ni le xikarhi ka vakulukumba, xinyimpfana lexi ngi xi ri kona, lexi ngi xi tlhaviwile, xi ri ni timhondzo ta ntlhanu na timbirhi, ni mahlo ya ntlhanu na mambirhi, leyi nga mimoya ya ntlhanu na mimbirhi va Xikwembu, leyi rhumiweke hinkwako la emisaveni.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Nhlavutelo 6:1

Kutani ndzi languta Xinyimpfana loko xi lemula ku tiyisa kun'wana, kavaloko ndzi twa xin'wana xa swi vumbiwa leswi hanyaka leswa mune, xi vulavula hi rito leri fanaka ni ku pfuma ka tilo, xi ku: “Tana!”

Nhlavutelo 6:16

Kutani va ku eka tintshava ni le ka maribye: “Hi weleni ehenhla, mi hi fihla emahlweni ka mombo wa loyi a tshameke exiluvelweni, ni le mahlweni ka vukari bya Xinyimpfana,

Nhlavutelo 7:14

Kutani ndzi ku eka yena: “Swo tiva hi wena, Hosi yanga!” A ku eka mina: “Hi lava humeke enhlomulweni lowukulu, va hlantswile tinguvu ta vona va ti basisile hi ngati ya Xinyimpfana.

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”