Yohane 1:14 - Xitsonga (Bibele)

¹⁴ Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

BIBELE Mahungu Lamanene

¹⁴ Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Testamente Leyimpsha Xichangana

¹⁴ Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:14 Iomraidhean Croise

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

Pisalema 45:2

U tlula hi ku saseka vana va vanhu, Tintswalo ti halakile emilon'wini ya wena; Hikwalaho Xikwembu xi ku katekiseke hi laha ku nga heriki.

Pisalema 85:9

Kunene, ku hlayiseka ka yena ku le kusuhi ni lava n'wi chavaka, Leswaku ku kwetsima ku ta aka etikweni ra hina.

Esaya 40:5

Ku vonakala ka Yehovha ku ta humelela, kutani nyama yin'wana ni yin'wana yi ta ku vona, hikuva nomu wa Yehovha wu vurisile.”

Esaya 53:2

U mirile emahlweni ka yena tanihi hluke, tanihi rimitsu leri humaka emisaveni leyi omeke. A a nga ri na xivumbeko ni ku saseka loku kokaka mahlo ya hina; ni nghohe ya yena a yi nga ri na nchumu wa ku hi tsakisa.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Ezekiele 37:27

Vutshamo bya mina byi ta va kona exikarhi ka vona, ndzi va Xikwembu xa vona, na vona va va tiko ra mina.

Matewu 1:16

Yakobo a veleka Yosefa nuna wa Mariya, loyi Yesu, la vuriwaka Kriste, a velekiweke hi yena.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Luka 2:7

Kutani a veleka n'wana wa yena wa mativula, wa wandzisanyana; a n'wi phutsela hi nguvu, a n'wi lata exidyelweni, hikuva a va nga ri na byetlelo endlwini ya vaendzi.

Luka 9:32

Kambe Petro ni lava ngi a ri na vona, a va khomiwile hi vurhongo; kakuloko va pfuka, va vona ku vonakala ka yena, ni vavanuna lavambirhi, lava ngi va ri na yena.

Yohane 1:1

Eku sunguleni Rito a ri ri kona, Rito a ri ri ni Xikwembu, kutani Rito a xi ri Xikwembu.

Yohane 11:40

Yesu a ku eka yena: “Xana a ndzi ku byelanga leswaku loko u pfumela u ta vona ku kwetsima ka Xikwembu xana?”

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 14:9

Yesu a ku eka yena: “Ndzi tshamile na n'wina khale swonghasi, kasi a ku ndzi tivanga, Filipi? La ndzi voneke, u vonile Tatana, kwalaho u vurisa ku yini, loko u ku: ‘Hi kombe Tatana’?

Yohane 17:22

Ku kwetsima loku u ndzi nyikeke kona, ndzi va nyikile va ta endla un'we, kukotisa na hina hi nga un'we;

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yohane 18:37

Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

Yohane 2:11

Mahlori lawa hi wona lawa Yesu a nga sungula ha wona eKana wa Galeliya, a kombisa ku twala ka yena; kutani vadyondzisiwa va yena va pfumela eka yena.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Yohane 3:18

La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 8:32

kutani mi ta tiva ntiyiso, kutani ntiyiso wu ta mi tshunxa.”

Timhaka 13:33

vana va vona, hi ku pfuxa Yesu; hilaha ku tsariweke hakona ePisalemeni ya vumbirhi leswaku: ‘U n'wananga, ndzi ku velekile namuntlha.’

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Varhoma 9:5

hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

1 Vakorinto 15:47

Munhu lowo rhanga a a ri wa misava, u endliwile hi misava; kambe munhu wa vumbirhi, a nga Hosi, u huma etilweni.

2 Vakorinto 12:9

Kambe Hosi yi te eka mina: “Tintswalo ta mina ti ku ringene; hikuva matimba ya mina ma endlakala eku tsaneni.” Hikwalaho ndzi rhandza ku tidzunisa eku tsaneni ka mina, matimba ya Kriste ma ta tshama eka mina.

Vagalatiya 4:4

Kambe loko mikarhi yi herile, Xikwembu xi rhumile N'wana wa xona, la tswariweke hi wansati, a velekiwa a ri hansi ka nawu,

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Vakolosa 1:19

Hikuva swi tsakisile Xikwembu leswaku ku tala hinkwako ku tshama eka yena;

Vakolosa 2:3

yeloyi, ku fuwa hinkwako ka vunene ni vutivi swi fihliweke eka yena.

Vakolosa 2:9

Hikuva ku tala ka vukwembu hinkwabyo ku akile eka yena hi miri.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaheveru 1:5

Hikuva hi yihi exikarhi ka tintsumi Xikwembu xi yi byeleke, ni siku ni rin'we, xi ku: “N'wananga hi wena, ndzi ku velekile namuntlha.” Na kambe: “Ndzi ta va tatana eka yena, kutani yena a va n'wana eka mina.”

Vaheveru 10:5

Hikwalaho Kriste, siku a nga ta emisaveni, u te: “A ku rhandzanga magandzelo, hambi yi ri mihlengo, kambe u ndzi lunghisele miri.

Vaheveru 2:11

Hikuva, hambi a ri la basisaka, hambi va ri lava basisiweke, hinkwavo va huma eka un'we; hikwalaho a nga na tingana ku va vula vamakwavo,

Vaheveru 5:5

Hi mukhuva wolowo, Kriste, na yena, a nga tikurisanga ku tiendla muprista lonkulu, kambe u vekiwe hi loyi a nga te eka yena: “N'wananga hi wena, ndzi ku velekile namuntlha”;

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

1 Yohane 4:9

Rirhandzu ra Xikwembu eka hina ri vonakile hakona; hi leswi Xikwembu xi rhumeke N'wana wa xona, la nga tswariwa a ri swakwe emisaveni, leswaku hi hanya ha yena.

2 Yohane 1:7

Hikuva vaxisi lavo tala va tile emisaveni, lava landzulaka leswaku Yesu Kriste u tile hi nyama; la vulaka sweswo, hi yena muxisi ni Antikriste.

Nhlavutelo 19:13

A ambele nguvu leyi totiweke hi ngati, kutani vito ra yona, i Rito ra Xikwembu.

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.