Yohane 1:13 - Xitsonga (Bibele)

¹³ lava nga velekiwangiki hi ngati, ni loko ku ri hi ku rhandza ka nyama, kumbe hi ku rhandza ka munhu, kambe va velekiwile hi Xikwembu.

BIBELE Mahungu Lamanene

¹³ lava tswariweke, ku nga ri hi ndlela ya ntumbuluko, ku nga ri hi ku navela ka miri, ku nga ri hi ku rhandza ka wanuna, kambe ku ri hi Xikwembu.

Testamente Leyimpsha Xichangana

¹³ lava avapsaliwanga hi kurhandza ka ntumbuluku; kungali hi kunavela ka miri, kungali hi kurhandza ka wanuna, kambe hi kurhandza ka Xikwembu.

Yohane 1:13 Iomraidhean Croise

Genesa 25:22

Kambe vana a va susumetana endzeni ka yena, kutani a ku: “Loko swi ri tano, ndzi xurhele yini-ke nyimba leyi?” Kutani a ya vutisisa Yehovha.

Genesa 25:28

Isaka a a rhandza Esawu, hikuva a a n'wi hlotela tinyama, kambe Rhaveka a a rhandza Yakobo.

Genesa 27:33

Kavaloko Isaka a khomiwa hi ku tshuka lokukulu, a ku: “I mani-ke yeloyi a nga ndzi hlotela nyama a ndzi nehela yona? Ndzi dye hinkwaswo u nga si vuya, ndzi va ndzi n'wi katekisa; hakunene ku katekisiwa ku na yena.”

Genesa 27:4

U ta ndzi lunghisela murhu lowu ndzi wu rhandzaka, u ndzi nehela wona, ndzi dya, kutani moya wa mina wu ku katekisa ndzi nga si fa.”

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Matewu 3:9

Kutani mi nga tshuki mi tianakanyela mi ku: ‘Hi na Abrahama, a nga tata wa hina’; hikuva ndza mi byela leswaku Xikwembu xi nga pfuxela Abrahama vana hi maribye lawa.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

1 Vakorinto 3:6

Mina ndzi byarile, Apolosi u cheletile; kambe Xikwembu hi xona lexi mirisaka.

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

Tito 3:5

u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

1 Petro 1:23

mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

1 Yohane 3:9

Un'wana ni un'wana la tswariweke hi Xikwembu a nga tshami a dyoha, hikuva mbewu ya Xikwembu yi tshamile eka yena; kutani a nga swi koti ku dyoha, hikuva a tswariwe hi Xikwembu.

1 Yohane 4:7

Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.

1 Yohane 5:4

Hikuva hinkwaswo leswi tswariweke hi Xikwembu, swi hlula misava: kutani ku hlula loku hlulaka misava, i ku pfumela ka hina.