Yeremiya 3:3 - Xitsonga (Bibele)

³ Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

BIBELE Mahungu Lamanene

³ Hikokwalaho ndzi ku tsonile mpfula yo sungula, ni leyi ya xirimo a yi nanga; hambiswiritano wa ha vonaka leswaku u nghwavava, kambe sweswo a swi ku khomisi tingana.

Yeremiya 3:3 Iomraidhean Croise

Genesa 19:34

Kuteloko ri xa, lowa hosi a byela ndzisana a ku: “Waswivo, ndzi etlele tolo na tatana, a hi n'wi nwiseni kambe ni vusiku lebyi, u ya etlela na yena; sweswo hi ta hanyisa rixaka ra tata wa hina.”

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Swivuriso 21:29

Munhu wo biha u onya mombo, a nga ri na tingana, Kambe lowo lulama u tiyisa ndlela ya yena.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Yeremiya 14:1

Hi rona rito ra Yehovha leri tshamaka ri ta eka Yeremiya hikwalaho ka dyandza.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Yeremiya 14:3

Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

Yeremiya 14:4

Varimi va khomisiwa tingana va tifunengetile tinhloko hikuva tiko ri ahlamele, hikuva mpfula a yi nga ni emisaveni.

Yeremiya 36:2

“U titekela buku u ta tsala eka yona marito hinkwawo lawa ndzi tshamaka ndzi ku byela wona hikwalaho ka Israele ni hikwalaho ka Yuda, ni hikwalaho ka tiko hinkwaro, ka ha ri mpfhuka ndzi vulavula na wena, enkarhini wa Yosiya, ku fika siku leri.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Yeremiya 5:25

Swidyoho swa n'wina swi hambukisile swilo leswo hinkwaswo; mi tsoniwa ku kateka kuloku hikwalaho ka swidyoho swa n'wina.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Yeremiya 6:15

Va ta khomisiwa tingana, hikuva va ri karhi va endla leswo biha. Yo! A va tivi ku khomisiwa hi tingana, a va twi ku vaviseka hi tingana, hikwalaho va ta wa ni lava waka: Siku ndzi va tshinyaka, va ta wisiwa,” ku vula Yehovha.

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Yeremiya 9:12

Munhu la tlhariheke i mani la nga twisisaka timhaka leti? Ni loyi nomu wa Yehovha wu vulavuleke na yena, a nga hi tivisa leswaku tiko ri onhiwile, ha yini, ni loko ri hisiwile kukotisa loko ma ri mananga, ku nga ri na loyi a hundzaka kona xana?

Ezekiele 3:7

Kambe yindlu ya Israele yi nga ka yi nga ku yingisi, hikuva a va rhandzi ku ndzi yingisa, yindlu hinkwayo ya Israele yi ni tinhamu leti tiarisaka.

Levhitika 26:19

Ndzi ta tshova ku tikukumuxa ka n'wina ni matimba ya n'wina ndzi endla tiko ra n'wina ri fana ni nsimbhi, ni misava ya n'wina, yi fana ni koporo.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

Amosi 4:8

va miti mimbirhi, kumbe minharhu va ya emutini wun'wana ku ya nwa mati kambe va nga kolwi; kambe, ni loko swi ri tano, a mi tlhelelanga eka mina,” ku vula Yehovha.

Sofoniya 2:1

Tiyingiseleni, tiyingiseleni, n'wina vanhu va tiko leri nga riki na tingana, makungu ya Yehovha ma nga si tswala,

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Hagayi 1:11

kambe ndzi vitane ku oma ehenhla ka tiko, ni le henhla ka tintshava, ni le henhla ka koro, ni le henhla ka vhinyo ni mafurha, ni le henhla ka hinkwaswo leswi vekiwaka hi tiko, ni le henhla ka vanhu, ni swiharhi ni le henhla ka ntirho hinkwawo wa mavoko.”

Duteronoma 28:23

“Tilo ri ta va ra koporo ehenhla ka nhloko ya wena, ni misava yi ta va ya nhumbu ehansi ka wena.

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;