Yeremiya 26:3 - Xitsonga (Bibele)

³ Kumbe va ta yingisa, va hundzuka un'wana ni un'wana emikhuveni leyo biha ya yena, leswaku ndzi ta hundzuka eku biheni kuloko mina ndzi anakanyeke ku va endla hikwalaho ka mitirho ya vona leyo biha.

BIBELE Mahungu Lamanene

³ Kumbexana va ta yingisa va hundzuka, hinkwavo va tshika mintirho ya vona leyo homboloka, kutani na mina ndzi ta tshika makungu ya mina ya ku va herisa, lama vangiweke hi mintirho ya vona leyo biha.

Yeremiya 26:3 Iomraidhean Croise

1 TIHOSI 21:27

Akabu, kuteloko a yingisile marito lawa, a handzula tinguvu ta yena, a ambala nguvu yo khwaxa a titsona swakudya; a tilata a ri ni nguvu yo khwaxa, a famba khwatsi.

1 TIHOSI 21:29

“Xana u swi vonile hilaha Akabu a titsongahateke hakona emahlweni ka mina xana? Leswi a titsongahateke emahlweni ka mina, ndzi nga ka ndzi nga tisi khombo eku hanyeni ka yena; ndzi ta tisela yindlu ya yena khombo hi masiku ya n'wana wa yena.”

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.

Yeremiya 26:19

Xana Hezekiya, hosi ya Yuda, ni tiko ra Yuda hinkwaro, va tshama va n'wi dlaya-ke? Xana a nga chavanga Yehovha, a khongela hi matimba emahlweni ka Yehovha, kutani Yehovha a hundzukile eka swo biha leswi a swi vuleke hikwalaho ka vona xana? Loko hi ri hina, a hi ta endlela mimoya ya hina leswo biha ngopfu.”

Yeremiya 36:3

Kumbe va yindlu ya Yuda va ta yingisa ku biha hinkwako loku ndzi ku anakanyeke ku va endlela kona, leswaku va ta hundzuka un'wana ni un'wana emikhuveni ya yena leyo biha, ndzi ta va tshikela ku homboloka ka vona ni swidyoho swa vona.”

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Ezekiele 12:3

Hikwalaho, n'wana wa munhu, u tilunghisela nhundzu ya ku rhurha, u rhurha ni nhlekanhi emahlweni ka vona; u ta suka halenu, u ya kun'wana emahlweni ka vona. Kumbe va ta swi vona leswaku i va yindlu ya ku tiarisa.

Ezekiele 18:21

“Loko mubihi a hundzuka eku dyoheni ka yena, loko a hlayisa milawu ya mina hinkwayo, a hanya hi nawu ni ku lulama, kunene u ta hanya, a nga ka a nga fi.

Hosiya 11:9

Ndzi nga ka ndzi nga endli hi ku pfurha ka vukari bya mina, ndzi nga ka ndzi nga tlheri ndzi lahla Efrayimi, hikuva mina ndzi Xikwembu, a ndzi munhu, hi mina la twalaka exikarhi ka wena; ndzi nga ka ndzi nga ti hi vukari.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.