Yeremiya 2:3 - Xitsonga (Bibele)

³ Israele a a hlaseriwile emahlweni ka Yehovha, a swi ri swirhangana swa rifuwo ra yena, hinkwavo lava n'wi dyaka a va ri na nandzu, a va humeleriwa hi khombo,” ’ ” ku vula Yehovha.

BIBELE Mahungu Lamanene

³ N'wina Vaisraele, a mi ri va mina ntsena, mi fana ni leswi rhangeke ku tshoveriwa. Hinkwavo lava a va mi xanisa, a va tivangela nandzu, va wela hi makhombo. Ndzi vula sweswo mina HOSI.’ ”

Yeremiya 2:3 Iomraidhean Croise

Eksoda 22:29

“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Esaya 41:11

Vonani! Va ta chava, va va ni tingana hinkwavo lava ku karihelaka, va ta herisiwa, va ta lova hinkwavo lava kanetanaka na wena;

Esaya 47:6

Ndzi karihele tiko ra mina, ndzi va ndzi sandza ndzhaka ya mina, kutani ndzi va nyiketa emavokweni ya wena. A ku va tsetselelanga; u tikisile joko ra wena hi ku nonon'hwa ehenhla ka swikoxa.

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 2:4

Yingisani rito ra Yehovha, n'wina yindlu ya Yakobo, na n'wina tinxaka hinkwato ta yindlu ya Israele.

Yeremiya 30:16

Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.

Yeremiya 50:7

Hinkwavo lava nga ti kuma va ti dya, lava ngi va ri valala eka tona a va ku: ‘A hi na nandzu, hikuva va dyohele Yehovha, vuako byo lulama, ni ku tshemba ka vatata wa vona, a nga Yehovha!’

Yuwele 1:3

Ambelani vana va n'wina, ni vana va n'wina eka vana va vona ni vana va vona eka rixaka rin'wana.

Amosi 6:1

“Mi ni khombo n'wina lava tsakeke eSiyoni, na n'wina lava tshembeke ntshava ya Samariya! N'wina tihosi ta tiko leri nga emahlweni ka man'wana, n'wina lavo va yindlu ya Israele va titisaka eka n'wina!

Habakuku 1:11

Kutani ri va ri hundza kukotisa moya, ri ya emahlweni, ri va ni nandzu, hikuva matimba walawo ya rona i xikwembu xa rona.

Zakariya 1:15

kutani ndzi karihela hi ku tlurisa matiko lama titsakeleke; hikuva a ndzi kariheli tiko ra mina switsanana, kasi wona ma engeta ku endla swo biha.

Zakariya 2:8

Hikuva Yehovha wa tinyimpi u te: Endzhaku ka ku kwetsima u ndzi rhumile eka matiko lama mi hlaseleke; hikuva loyi a mi khumbaka, u khumba ndzololo ya tihlo ra yena:

Tinhlayo 18:12

Ndzi ku nyika ni swirhangana leswi va nga ta swi tisa eka Yehovha, swi ri leswo saseka hinkwaswo swa mafurha, ni leswo saseka hinkwaswo swa vhinyo ni swa mavele.

Varhoma 11:16

Loko swirhangana swi kwetsimile, vunyingi, na byona, byi kwetsimile; kutani loko rimitsu ri kwetsimile, marhavi, na wona, ma tano.

Varhoma 16:5

Ndzi runguleleni ni Kereke leyi nga endlwini ya vona. Ndzi runguleleni na Epayineto, murhandziwa wanga, xi nga xirhangana xa Akaya eka Kriste.

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

Duteronoma 14:2

Hikuva u tiko leri hlawuleriweke Yehovha, Xikwembu xa wena, kambe Yehovha u ku hlawurile leswaku u va tiko ra yena ra xiviri, exikarhi ka matiko hinkwawo lama nga ehenhla ka misava.

Duteronoma 26:19

yena kambe u ta ku tlakusa ehenhla ka matiko hinkwawo lawa a ma endleke, a ku nyika ku dzuna, ni ku twala, ni ku kwetsima, u va tiko leri hlawuleriweke Yehovha, Xikwembu xa wena, hilaha a ku byeleke hakona.”

Duteronoma 7:6

Hikuva u tiko leri hlawuleriweke Yehovha, Xikwembu xa wena; Yehovha, Xikwembu xa wena, u ku hlawurile leswaku u va tiko ra yena hi xiviri exikarhi ka matiko hinkwawo lama nga emisaveni.

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.