Yakobo 5:9 - Xitsonga (Bibele)

⁹ Vamakwerhu, mi nga tshuki mi vilerisana leswaku mi nga ti avanyisiwa; vonani, Muavanyisi u yimile enyangweni.

BIBELE Mahungu Lamanene

⁹ Mi nga ngurangurisani, vamakwerhu, leswaku mi ta ka mi nga avanyisiwi. Vonani, muavanyisi ú yimile enyangweni.

Testamente Leyimpsha Xichangana

⁹ Vamakwerhu, mingamangalelaneni, lesvaku mitakala mingayavanyisiwi. Vonani, muyavanyisi ayimile nyangweni.

Yakobo 5:9 Iomraidhean Croise

Genesa 4:7

Loko u endla swinene, xana a u nga ti khensiwa xana? Kambe loko u nga endli swinene, vudyoho byi tshamile enyangweni; ku navela ka byona ku ta ku wonga; kambe wena, u fanele ku byi hlula.”

Pisalema 59:15

Va yingayinga, va lava swakudya swa vona, Kutani vusiku byi hundza, va nga si xurha.

Ezekiele 7:12

Nkarhi wu fikile, siku ri tshinelele, muxavi a nga tsaki; muxavisi a nga vileri; hikuva vukari byi le henhla ka vunyingi bya vona.

Levhitika 19:18

“ ‘U nga tshuki u tirihisela, u nga tshami u va ni rivengo ni vana va tiko ra wena; u ta rhandza warikwenu kukotisa loko u tirhandza: hi mina Yehovha.

Matewu 24:33

Na n'wina, kutakuloko mi vona hinkwaswo leswo, tivisisani leswaku N'wana wa Munhu u kusuhi, u le nyangweni.

Marka 13:29

Hi mukhuva wolowo, na n'wina loko mi vona sweswo swi humelela, tivani leswaku N'wana wa Munhu u kusuhi, u le nyangweni.

Marka 6:19

Herodiya a a venga Yohane hakona, a rhandza ku n'wi dlaya, kambe a a tsandzeka,

1 Vakorinto 10:11

Timhaka teto hinkwato ti va humelele leswaku xi va xitsundzuxo; kambe ti tsariwile leswaku hi dyondza ha tona, hina lava humeleleke emikarhini ya makumu.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 9:7

Un'wana ni un'wana a a humese hilaha a ringaniseke hakona embilwini ya yena; ku nga ri hi ku vilela ni ku sindzisiwa, hikuva Xikwembu xi rhandza la humesaka a tsakile.

Vagalatiya 5:14

Hikuva nawu hinkwawo wu hlangene emhakeni yin'we, leyi nge: “Rhandza warikwenu kukota loko u tirhandza.”

Vagalatiya 5:26

Hi nga tshuki hi tilavela ku tidzunisa ka hava, ni ku pfukana, ni ku vondzokana.

Yakobo 4:11

Mi nga tshuki mi hlevana, vamakwerhu; la hlevaka makwavo, kumbe la avanyisaka makwavo, u hleva nawu, kambe u avanyisa nawu; kutani loko u avanyisa nawu, a ku muhlayisi wa nawu, kambe u muavanyisi wa wona.

Yakobo 4:12

Ku ni un'we a nga muveki wa nawu ni muavanyisi; hi yena la nga ni matimba ya ku hlayisa ni ku lovisa. Wena-ke, u mani la avanyisaka van'wana xana?

Yakobo 5:10

Vamakwerhu, khomani ntila wa nhlomulo ni wa ku tiyisela ka vaprofeta lava vulavuleke hi vito ra Hosi.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

1 Petro 4:5

Va nga lava nga ta tihlamulela eka loyi a tilunghiseke ku ta avanyisa lava hanyaka ni lava feke.

1 Petro 4:9

Mi amukelana eku endzeni ka n'wina, mi nga dzumadzumi.

Nhlavutelo 3:20

Waswivo, ndzi yimile enyangweni, ndza gongondza; kungakuloko un'wana a yingisa rito ra mina, a pfula nyangwa, ndzi ta nghena eka yena, ndzi lalela na yena, na yena a dya na mina.