Yakobo 5:16 - Xitsonga (Bibele)

¹⁶ Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

BIBELE Mahungu Lamanene

¹⁶ Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Testamente Leyimpsha Xichangana

¹⁶ Hikolaho, tivuleni kujoha ka n'wina mun'we ka mun'wana, mikhongelelana mun'we ka mun'wana lesvaku mitahanya. Xikhongelo xa munhu wolulama xi ni matimba ngopfu, xatirha.

Yakobo 5:16 Iomraidhean Croise

Genesa 19:29

Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

Genesa 20:17

Kutani Abrahama a khongela Xikwembu, Xikwembu xi hanyisa Abimeleke, ni nsati wa yena, ni makhumbi ya yena, va ta tlhela va tiva ku veleka vana.

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

2 SAMIELE 19:19

“N'wini wanga a nga ndzi vekeli nandzu, a nga anakanyi lunya ra nandza wa wena siku hosi, n'wini wanga, a humeke eYerusalema, swi va leswaku hosi yi nga swi veki embilwini ya yona!

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

2 TIKRONIKA 30:20

Yehovha a yingisa Hezekiya, kutani a hanyisa tiko.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

Pisalema 34:15

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.

Eksoda 17:11

Kutani kakuloko Muxe a yimisa voko, Israele a va a hlula; kambe loko voko ra yena ri karhala Amaleke a hlula Vaisraele.

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Swivuriso 15:29

Yehovha u tshama ekule ni lavo biha, Kambe u yingisa mikhongelo ya lavo lulama.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Swivuriso 28:9

La pfalaka tindleve leswaku a nga twi milawu, Xikhongelo xa yena i manyala.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Tinhlayo 11:2

Kavaloko tiko ri huwelela eka Muxe; Muxe a khongela Yehovha, kutani ndzilo wu timeka,

Matewu 21:22

kutani xilo xin'wana ni xin'wana lexi mi nga xi kombelaka hi ku khongela, loko mi pfumela, mi ta nyikiwa.”

Matewu 3:6

kutani a va khuvuriwa hi yena eYordani, va ri karhi va tivula swidyoho swa vona.

Marka 1:5

Kutani vanhu va tiko ra Yudiya ni ra Yerusalema a va ta eka yena, a va khuvuriwa hinkwavo enambyeni wa Yordani, va ri karhi va tivula swidyoho swa vona.

Luka 9:6

Kwalaho va huma, va famba hi miti ni swimitana, va ri karhi va dyondzisa Evhangeli, va horisa vavabyi hinkwako.

Yohane 9:31

Ha swi tiva leswaku Xikwembu a xi yingisi vadyohi; kambe kungakuloko munhu a chava Xikwembu, a endla hi ku rhandza ka xona, xa n'wi yingisa.

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Timhaka 19:18

Kutani lava pfumeleke lavo tala va ta va tivula, va vula swiendlo swa vona.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

Varhoma 3:10

kukota leswi tsariweke leswaku: “A ku na la lulameke, hambi a ri un'we.

Varhoma 5:19

Hikuva kukotisa leswi lavo tala va endliweke vadyohi hi ku ka munhu un'we a nga yingisanga, hi mukhuva wolowo, lavo tala va ta vekiwa lava lulameke hi ku yingisa ka un'we.

Vakolosa 1:9

Hikwalaho, na hina, mpfhuka hi yingisa sweswo, a hi rhutelangi ku mi khongelela, ni ku mi kombelela leswaku mi tala hi ku tiva ku rhandza ka xona, hi vutlhari hinkwabyo, ni ku anakanya hinkwako ka Moya;

1 Vatesalonika 5:17

Mi nga rhuteli ku khongela.

1 Vatesalonika 5:23

Xikwembu xa ku rhula a xi mi basise swinene, xi mi endla lava hetisekeke hinkwenu, leswaku hinkwaswo leswi nga eka n'wina, moya, ni mbilu, ni miri, swi hlayiseriwa ku vuya ka Hosi ya hina, Yesu Kriste, swi basile.

1 Vatesalonika 5:25

Vamakwerhu, hi khongeleleni.

Vaheveru 11:4

Hi ku pfumela, Avele u humesele Xikwembu magandzelo lama tlulaka ya Kayini, kutani hakona u kumile vumbhoni leswaku u lulamile, Xikwembu xi ri karhi xi vula vumbhoni bya magandzelo ya yena; kambe hakona wa ha vulavula, hambi a file.

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Vaheveru 12:13

mi endlela milenge ya n'wina tindlela leti lulameke, leswaku leswi khwitaka swi nga tshuki swi hambuka ndlela, kambe swi hola.

Vaheveru 13:18

Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.

Yoxuwa 10:12

Kavaloko Yoxuwa a vulavula na Yehovha siku Yehovha a nyiketeke Vaamori eka vana va Israele, a ku: “Dyambu, yima ehenhla ka Gibiyoni, na wena n'weti enkoveni wa Ayaloni.”

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.

1 SAMIELE 1:12

Kakuloko a chivirika a khongela emahlweni ka Yehovha, Heli a langutisa nomu wa yena.

1 SAMIELE 12:17

Namuntlha a hi nkarhi wa ku tshovela ka koro xana? Ndzi ta huwelela eka Yehovha, kutani u ta pfumisa tilo, a nisa mpfula, mi ta tiva ni ku vona vukulu bya ku dyoha ka n'wina emahlweni ka Yehovha, loko mi tikombelele hosi.”

1 SAMIELE 12:18

Samiele a huwelela eka Yehovha, kutani Yehovha a pfumisa tilo, a nisa mpfula siku leri, kutani tiko hinkwaro ri chava ngopfu Yehovha na Samiele.