Yakobo 4:6 - Xitsonga (Bibele)

⁶ Kasi wu hi engetela tintswalo hikwalaho wu nge: “Xikwembu xi alela lava tikurisaka, kambe xi tsetselela lava titsongahataka.”

BIBELE Mahungu Lamanene

⁶ Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Testamente Leyimpsha Xichangana

⁶ Hambi svilitano, xihikomba timpsalu letinga tikulu kutlula svosvo, hikuva Tsalwa rili: “Xikwembu xiyalela vatikulisi, kambe xitsetselela lavatitsongahataka.”

Yakobo 4:6 Iomraidhean Croise

2 TIKRONIKA 32:26

Kambe kuteloko Hezekiya a titsongahatile hikwalaho ka ku tikurisa ka mbilu ya yena, swin'we ni vaaki va Yerusalema, vukari bya Yehovha a byi telanga vona emasikwini ya Hezekiya.

2 TIKRONIKA 33:12

Kuteloko a ri ekhombyeni, a khongela emahlweni ka Yehovha, Xikwembu xa yena, a titsongahata ngopfu emahlweni ka Xikwembu xa vatata wa yena.

2 TIKRONIKA 33:19

Ni xikhongelo, xa yena ni ku hlamuriwa ka xona ni swidyoho swa yena, ni ku homboloka ka yena, ni ndhawu leyi a akeke eka yona tindlu ta switsunga, ni laha a yimiseke kona swifaniso swa Axera, ni swifaniso leswi vatliweke loko a nga si titsongahata, swi tsariwile etimhakeni ta vavoni.

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

2 TIKRONIKA 34:27

Leswi mbilu ya wena yi oloveke, u va u titsongahata emahlweni ka Xikwembu siku u tweke marito ya xona henhla ka ndhawu leyi ni le henhla ka vaaki va xona, kutani u handzurile tinguvu ta wena, u va u rila emahlweni ka mina, ndzi swi yingisile, ku vula Yehovha.

Ntirho 22:29

Hambi u famba eku titsongahateni, u ta tikombelela matimba ya ku tipfuxa, Xikwembu xi ta pfuxa munhu la titsongahataka,

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Pisalema 9:12

Hikuva murihiseri wa ngati u anakanya lava nga ekhombyeni, A nga rivali ku huwelela ka lava nga ni nhlomulo.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Swivuriso 15:33

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

Swivuriso 18:12

Ku onhaka loko ku nga si humelela, mbilu ya munhu ya tidzunisa, Kambe ku titsongahata ku rhangela xidzumo emahlweni.

Swivuriso 22:4

Hakelo ya ku titsongahata ni ya ku chava Yehovha i rifuwo, ni ku kwetsima, ni vutomi.

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Swivuriso 3:34

Vasandzi, u va sandza ngopfu, Kambe u tsetselela lava titsongahataka;

Esaya 2:17

Ku kukumuka ka lowa ku fa ku ta tsongahatiwa, ku tlakuka ka tinhenha ku ta tsan'wisiwa, kutani Yehovha a ri swakwe u ta tlakusiwa esikwini rero.

Esaya 54:7

Ndzi ku tshikile nkarhinyana, kambe etintswalweni ta mina letikulu ndzi ta ku amukela.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Matewu 13:12

Hikuva la nga na swona, u ta nyikiwa a taleriwa; kambe la nga riki na nchumu, u ta tekeriwa ni leswi a nga na swona.

Matewu 23:12

Hikuva un'wana ni un'wana la tikurisaka u ta tsongahatiwa; kambe un'wana ni un'wana la titsongahataka u ta kurisiwa.

Luka 1:52

U wisile tihosi eswitshan'weni swa tona, u tlakusile lavatsongo;

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Yakobo 4:10

Titsongahateni emahlweni ka Hosi, kutani yi ta mi tlakusa.

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.