Yakobo 4:4 - Xitsonga (Bibele)

⁴ Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

BIBELE Mahungu Lamanene

⁴ Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Testamente Leyimpsha Xichangana

⁴ N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Yakobo 4:4 Iomraidhean Croise

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Pisalema 21:8

Voko ra wena ri ta khoma valala va wena hinkwavo, Voko ra wena ra xinene ri ta kuma lava ku vengaka.

Pisalema 50:18

Loko u vona muyivi, u rhandzana na yena, Kutani ku averiwa ka wena ku ni vaoswi.

Pisalema 73:27

Hikuva, waswivo lava tshinelaka ekule na wena va ta fa. U herisa hinkwavo lava ku fularhelaka.

Esaya 57:3

“Kambe n'wina tshinelani halenu, vana va mungoma wa wansati, rixaka ra muoswi ni ra wa mbiri!

Yeremiya 2:2

“Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Ezekiele 16:32

Kambe a wu ri nsati wa vuoswi la rhurhelaka vaendzi ematshan'weni ya ku khensela nuna wa yena.

Hosiya 3:1

Kutani Yehovha a ku eka mina: “Engeta u ya u rhandza nsati wa vuoswi la rhandziwaka hi xigangu xa yena hi laha Yehovha a rhandzaka vana va Israele, hambi vona va hundzukela eka swikwembu swin'wana, va va va rhandza swidzumba swa mihandzu ya vhinya.”

Matewu 12:39

Kambe a va hlamula, a ku: “Rixaka leri ra mona, ra vuoswi, ri lava mahlori, kambe va nga ka va nga nyikiwi mahlori, loko ma nga ri ya muprofeta Yonasi.

Matewu 16:4

Rixaka leri ra lunya, ni ra vuoswi, ri kombela masingita; kambe ri nga ka ri nga nyikiwi wona, loko xi nga ri xikombiso xa muprofeta Yonasi.” Kutani a va siya, a tifambela.

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Luka 19:27

Loko va ri valala va mina lava nga swi rhandziki leswaku ndzi va fuma, va tiseni kwala, mi va dlaya emahlweni ka mina.’ ”

Yohane 15:19

Loko ngi mi ri va misava, ingi misava yi rhandzile swa yona; kambe leswi mi nga riki va misava kambe leswi ndzi mi hlawuleke emisaveni, hikwalaho, misava ya mi venga.

Yohane 17:14

Ndzi va nyikile rito ra wena, kutani misava yi va vengile; hikuva a hi va misava, kukotisa mina ndzi nga riki wa misava.

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

1 Vakorinto 1:20

U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Vagalatiya 1:10

Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.