Yakobo 4:12 - Xitsonga (Bibele)

¹² Ku ni un'we a nga muveki wa nawu ni muavanyisi; hi yena la nga ni matimba ya ku hlayisa ni ku lovisa. Wena-ke, u mani la avanyisaka van'wana xana?

BIBELE Mahungu Lamanene

¹² Munyiki wa Nawu ni Muavanyisi i un'we ntsena, yena loyi a kotaka ku ponisa kumbe ku lovisa. Kambe, wo va mani wena, leswi u avanyisaka munhu-kuloni xana?

Testamente Leyimpsha Xichangana

¹² Munyiki wa Nawu ni Muyavanyisi i mun'we ntsena, yena lweyi akotaka kuponisa kumbe kulovisa. Kambe, wova mani wena, lesvi uyavanyisaka munhukuloni xana?

Yakobo 4:12 Iomraidhean Croise

Ntirho 38:2

“La nyamisaka makungu ya mina Hi marito lama kalaka ku twisisa, i mani xana?

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Luka 12:5

Kambe ndzi ta mi kombisa loyi mi faneleke ku n'wi chava: Chavani loyi, kutakuloko a dlele miri, a nga ni matimba ya ku susumetela munhu etiheleni. Ina, ndzi ri eka n'wina, yeloyi, n'wi chaveni.

Varhoma 14:13

Loko swi ri tano, a hi tshikeni ku avanyisana, kambe avanyisani leswaku mi nga vekeri vamakwenu xikhunguvanyiso ni ribye leri wisaka.

Varhoma 14:4

Xana u mani, wena la avanyisaka nandza wa un'wana? Hambi a yima, hambi a khunguvanyeka, swi tiviwa hi n'wini wa yena; kambe u ta yima, hikuva Hosi yi ni matimba ku n'wi yimisa.

Varhoma 2:1

Loko swi ri tano, wena munhu, hambi u ri mani na mani la avanyisaka van'wana, a ku na ku tilandzula; hikuva loko u ri karhi u avanyisa van'wana, wa tiavanyisa na wena, hikuva u endla leswi u avanyisaka van'wana ha swona.

Varhoma 9:20

Kambe wena munhu, u mani loko u tengisa Xikwembu? Xana mbita yi nga ku eka loyi a yi vumbeke: “U ndzi endlisele yini xileswi xana?”

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Yakobo 5:9

Vamakwerhu, mi nga tshuki mi vilerisana leswaku mi nga ti avanyisiwa; vonani, Muavanyisi u yimile enyangweni.

1 SAMIELE 25:10

Nabala a hlamula, a ku eka malandza ya Davhida: “Davhida i mani xana, ni n'wana Yese i mani? Emasikwini lawa, malandza ma tele lama balekelaka tihosi ta wona.