Yakobo 4:11 - Xitsonga (Bibele)

¹¹ Mi nga tshuki mi hlevana, vamakwerhu; la hlevaka makwavo, kumbe la avanyisaka makwavo, u hleva nawu, kambe u avanyisa nawu; kutani loko u avanyisa nawu, a ku muhlayisi wa nawu, kambe u muavanyisi wa wona.

BIBELE Mahungu Lamanene

¹¹ Mi nga hlevani, vamakwerhu. Loyi a hlevaka makwavo, kumbe ku avanyisa makwavo, ú hleva ni ku avanyisa Nawu. Kutani loko munhu a avanyisa Nawu, a nga wu landzi, kambe i muavanyisi.

Testamente Leyimpsha Xichangana

¹¹ Vamakwerhu, Mingahlevaneni. Lweyi ahlevaka makwavu, kumbe kuyavanyisa makwavu, ahleva ni kuyavanyisa Nawu. Kutani loko munhu ayavanyisa Nawu, angawulandzi, i muyavanyisi.

Yakobo 4:11 Iomraidhean Croise

Pisalema 140:11

Munhu wa mavunwa a nga ka a nga tiyi emisaveni; Kutani munhu wa tihanyi u ta kokelwa emakhombyeni, a lahleka.

Luka 6:37

“Kambe mi nga avanyisi leswaku mi nga ti avanyisiwa; mi nga vekeli van'wana milandzu, leswaku na n'wina mi nga ti vekeriwa milandzu; tsetselelanani, kutani mi ta tsetseleriwa.

Varhoma 2:1

Loko swi ri tano, wena munhu, hambi u ri mani na mani la avanyisaka van'wana, a ku na ku tilandzula; hikuva loko u ri karhi u avanyisa van'wana, wa tiavanyisa na wena, hikuva u endla leswi u avanyisaka van'wana ha swona.

Varhoma 2:13

Kunene a hi vatwi va nawu lava lulameke emahlweni ka Xikwembu, kambe i vaendli va nawu, hi vona lava nga ta khanisiwa.

Varhoma 7:7

Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;

Vaefesa 4:31

Ku vilela hinkwako, ni ku hlundzuka hinkwako, ni ku kariha hinkwako, ni pongo hinkwaro, ni ku hlevana hinkwako, ni mona hinkwawo, a swi susiwe exikarhi ka n'wina,

1 Timotiya 3:11

Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

2 Timotiya 3:3

lava pfumalaka rirhandzu, lava nga tshembekiki, valumbeti; lava nga tiviki ku tikhoma, lava nga tiviki musa, lava vengaka lavanene,

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

Yakobo 1:16

Mi nga tshuki mi tixisa, vamakwerhu lava rhandziwaka;

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Yakobo 1:25

Kambe la xiyisaka nawu wa ku hetiseka, wu nga wa ku tshunxeka, a tiyisela kona, a nga ri mutwi la rivalaka, kambe a ri muendli la tirhaka, yeloyi u ta va munhu wo kateka eku endleni ka yena.

Yakobo 2:8

Hambiswiritano, loko mi heta nawu lowu nga hosi exikarhi ka milawu, hilaha ku tsariweke hakona leswaku: “Rhandza warikwenu kukota loko u tirhandza,” mi endla swinene;

Yakobo 5:10

Vamakwerhu, khomani ntila wa nhlomulo ni wa ku tiyisela ka vaprofeta lava vulavuleke hi vito ra Hosi.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Yakobo 5:9

Vamakwerhu, mi nga tshuki mi vilerisana leswaku mi nga ti avanyisiwa; vonani, Muavanyisi u yimile enyangweni.

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,