Yakobo 3:6 - Xitsonga (Bibele)

⁶ Ririmi, na rona, i ndzilo, i tiko ra ku homboloka; ririmi ri vekiwile eswirhweni swa hina ri nyamisa miri hinkwawo, ri va ri tshivelela ndlela hinkwayo ya ku hanya ka munhu; kutani na rona ri kondleteriwile hi ndzilo wa tihele.

BIBELE Mahungu Lamanene

⁶ Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Testamente Leyimpsha Xichangana

⁶ Ririmi na rona i ndzilo, kuhomboloka ka rona kuringana ni tiko hi vukulu. Ri le xikarhi ka svirho sva hina, kutani rinyamisa miri hinkwawu, nasvona ritshivela ndlela hinkwayu ya ntumbuluku; kambe rona ritshiveliwa hi ndzilo wa le Tiheleni.

Yakobo 3:6 Iomraidhean Croise

2 SAMIELE 16:20

Abixalomu a ku eka Ahitofele: “Endlani makungu, mi kanela leswi hi nga ta swi endla!”

2 SAMIELE 19:43

Kutani vanhu hinkwavo va Israele va hlamula eka vanhu va Yuda, va ku: “Ndzi ni ku averiwa ka khume ka hosi, hambi ka yena Davhida ndza ku tlula; u ndzi ringanisele yini xilo lexitsongo xana? Rito ra mina a ri vanga ro sungula ku vuyisa hosi yanga xana?” Kambe rito ra vanhu va Yuda ri tlurisa rito ra vanhu va Israele hi ku nonon'hwa.

2 TIKRONIKA 13:17

Abiya ni tiko ra yena va va hlula ngopfu hikuva ku wile vavanuna va Israele lava hlawuriweke va 500 000, va tlhaveriwe ku fa.

Pisalema 140:3

Va karihisa tindzimi ta vona ku fana ni ta tinyoka, Vuxungu bya timhiri byi le hansi ka milomu ya vona.

Pisalema 64:3

Va lota tindzimi ta vona kukotisa banga; Va hoxa marito ya ku bava kukotisa miseve,

Swivuriso 15:1

Ku hlamula lokunene ka rheleta vukari, Kambe ku vulavula loku tlhavaka ku pfuxa timholovo.

Swivuriso 16:27

Munhu wa lunya u cela khele ra khombo, Kutani nomu wa yena wu ni langavi ro hisa.

Swivuriso 6:19

I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.

Swivuriso 7:5

Swi ta ku hambuxa ni nsati wa mbiri, Ni nghwavavana ya ririmi ra ku xisa.

Esaya 30:27

Vonani, vito ra Yehovha ra ta hi le kule; ri ta hi ndzilo lowo kariha ni ku hisa loku chavisaka; milomu ya yena yi tele ku kariha, ririmi ra yena ri kotisa langavi leri hisaka.

Esaya 50:11

Vonani, n'wina hinkwenu lava tshivelaka ndzilo, mi ri karhi mi tirhendzele hi swisa leswi pfurhaka, yanani emalangavini ya ndzilo wa n'wina, mi lwa hi swisa leswi mi swi lumekeke! Swilo leswo swi ta mi humelela swi huma evokweni ra mina; mi ta etlela eku vavisekeni!

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Yeremiya 28:16

“Hikwalaho, Yehovha u vula, a ku: ‘Vona, ndza ku hlangula emisaveni; u ta fa nan'waka, hikuva u vurile marito ya ku pfukela Yehovha.’ ”

Levhitika 24:11

Kavaloko n'wana wa wansati wa Israele a sandza ni ku rhuketela vito ra Xikwembu; kutani va n'wi tisa eka Muxe. Vito ra mana wa yena a a ri Xelomiti, n'wana Dibri, wa nyimba ya Dani.

Tinhlayo 25:2

Va vitana tiko emagandzelweni ya swikwembu swa vona, kutani tiko ri dya, ri khinsama emahlweni ka swikwembu swa vona.

Tinhlayo 31:16

Kasi hi vona loko va byeriwe i Balaama, lava susumeteke vana va Israele ku dyohela Yehovha emhakeni ya Peyori kutani ku humelele ntungu enhlengeletanweni ya Yehovha.

Matewu 12:24

Kambe Vafarisi loko va twa mhaka yoleyo, va ku: “Loyi a nga hlongoli mademona loko ku nga ri ha Belzebule ntsena, hosi ya mademona.”

Matewu 5:22

Kambe mina ndzi ri eka n'wina: Munhu hambi a ri mani na mani, la karihelaka makwavo ntsena u ta fanela ku avanyisiwa; la vulaka makwavo xihunguki, u fanele ku avanyisiwa hi nhlengeletano; la nge eka yena: ‘U ni rihuhu,’ u fanele hi ndzilo wa tihele.

Marka 7:15

A ku na nchumu ehandle ka munhu lowu kotaka ku n'wi nyamisa loko wu nghene eka yena, kambe leswi humaka eka munhu, hi swona leswi n'wi nyamisaka.

Luka 16:24

Kutani a huwelela, a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a ndzi tsakamisa ririmi, hikuva malangavi lawa ma ndzi vavisa ku tlurisa.’

Timhaka 20:30

ni leswaku ku ta pfuka exikarhi ka n'wina vanhu lava nga ta vula timhaka leto homboloka, ku tikokela vadyondzisiwa.

Timhaka 5:3

Kambe Petro a ku eka yena: “Ananiya, Satana u tatise ku yini mbilu ya wena, leswaku u hembela Moya lowo Kwetsima, ni ku tipambulela mali ya nsimu hitlhelo?

Timhaka 6:13

kambe va humesa timbhoni leto hemba leti nga ku: “Munhu loyi, a nga tshiki ku vulavula timhaka leti sandzaka xivandla lexi xa ku kwetsima ni nawu;

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

Tito 1:11

lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

Yakobo 2:7

Xana a hi vona lava sandzaka vito lero saseka, leri mi nyikiweke rona!

Yakobo 3:7

Kasi tinxaka hinkwato ta swivandzana ni tinyanyana hambi swi ri swikokovi, ni tinhlampfi, swi nga hluriwa, swi va swi hluriwile hi rixaka ra vanhu;

2 Petro 3:3

mi va mi rhanga hi ku tiva mhaka leyi, leswaku hi mikarhi ya makumu, vasori va ta ta hi ku vungunya, va famba hi ku navela ka vona,

3 Yohane 1:10

Hikwalaho, kungakuloko ndzi ta, ndzi ta n'wi tsundzuxa mitirho leyi a yi endlaka loko a hi hleva hi timhaka to biha; kutani a nga kolwi ha swona, kambe na swona a nga amukeri vamakwerhu, a engeta a sivela ni lava rhandzaka ku va amukela, a va hlongola ni le kerekeni.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.