Yakobo 3:5 - Xitsonga (Bibele)

⁵ Hi mukhuva wolowo, na rona ririmi, i xirho lexitsongo, kambe ri tidzunisa ngopfu. Vonani ndzilo lowutsongo, wu nga hisa tihunyi leto tala swonghasi!

BIBELE Mahungu Lamanene

⁵ Hi mukhuva wolowo, ririmi i xirho lexitsongo, kambe ri tidzunisa ngopfu hi leswikulu. Vonani hilaha xihlahla lexikulu xi nga hisiwaka hakona hi ndzilonyana lowutsongo!

Testamente Leyimpsha Xichangana

⁵ Hi mukhuva wolowo, ririmi i xirho lexitsongo, kambe ritidzunisa ngopfu hi lesvikulu. Vonani hilaha xihlahla lexikulu xingahisiwaka hakona hi ndzilo lowutsongo!

Yakobo 3:5 Iomraidhean Croise

Ntirho 22:17

A va ku eka Xikwembu: ‘Tshinela kule! Xana Lowa matimba hinkwawo a nga hi endlela yini xana?’

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Pisalema 17:10

Va tipfalela timbilu ta vona leti noneke, Hi milomu ya vona va vulavula hi ku tikurisa.

Pisalema 39:1

A ndzi ku: “Ndzi ta hitekela tindlela ta mina, Leswaku ndzi nga ti tshuka ndzi dyoha hi ririmi ra nga; Ndzi ta veka tomu enon'wini wa mina, Enkarhini lowu lowo biha a nga ta va kona emahlweni ka mina.”

Eksoda 15:9

Nala u te: ‘Ndzi ta hlongorisa ndzi khoma, ndzi phanga. Moya wa mina wu ta titsakela ha vona; Ndzi ta hlomula tlhari, ndzi va dlaya.’

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Swivuriso 15:2

Nomu wa lavo tlhariha wu nandzihisa ku tiva, Kambe nomu wa swihunguki wa humesa vuhunguki.

Swivuriso 18:21

Ku fa ni ku hanya swi kota hi ririmi, Lava ri rhandzaka va ta dya mihandzu ya rona.

Swivuriso 26:20

Ndzilo wu timeka hi ku pfumala tihunyi; Swi tano ni timholovo, ti hela loko muhlevi ku ri hava.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

Ezekiele 29:3

Vulavula, u ku: Hosi Yehovha u ri: Vona, Faro, ndzi le ka wena, hosi ya Egipta, ngwenya leyikulu leyi etlelaka emilambyeni ya yona, leyi vuleke leswaku: ‘Nambu wa mina i wa mina, hi mina ndzi tiendleleke wona!’

Daniele 3:15

Sweswi, loko mi tilunghisile, hi nkarhi lowu mi yingisaka mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa leswi yimbiwaka hinkwaswo, mi khinsama, mi gandzela xifaniso lexi ndzi xi endleke: Loko swi nga ri tano loko mi nga gandzeli, mi ta hoxiwa hi nomu lowu, ekheleni ra ndzilo lowo leva. Kutani xikwembu hi xihi lexi nga ta mi ponisa emavokweni ya mina xana?”

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Yakobo 3:4

Vonani tingalava na tona, hambi ti ri letikulu swonghasi, hambi na swona ti susumetiwa hi mimoya ya matimba, ti fambisiwa hi xihendzulo lexitsongo, hinkwako laha muhendzuri a rhandzaka kona.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.