Yakobo 3:1 - Xitsonga (Bibele)

¹ Vamakwerhu, mi nga tshuki mi va vadyondzisi lavanyingi, mi ri karhi mi tiva leswaku hi ta kuma ku avanyisiwa loku tlurisaka;

BIBELE Mahungu Lamanene

¹ Vamakwerhu, a swi fanelanga leswaku lavo tala exikarhi ka n'wina va hundzuka vadyondzisi, hikuva ma swi tiva leswaku ku avanyisiwa ka hina vadyondzisi, ku ta tika ku tlula ku avanyisiwa ka vanhu lavan'wana.

Testamente Leyimpsha Xichangana

¹ Vamakwerhu, asvifanelanga lesvaku lavotala xikarhi ka n'wina vahundzuka vajondzisi, hikuva masvitiva lesvaku kuyavanyisiwa ka hina vajondzisi, kutatika kutlula kuyavanyisiwa ka vanhu lavan'wana.

Yakobo 3:1 Iomraidhean Croise

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Malakiya 2:12

Munhu la endlaka sweswo, Yehovha u ta n'wi hunguta ematendeni ya Yakobo la hitekaka, ni la pfumelaka, ni la tisaka nhlengo eka Yehovha wa mavandla.

Matewu 10:24

“Mudyondzisiwa a hi nkulukumba eka mufundhisi wa yena, ni nandza a hi nkulukumba eka hosi ya yena.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Matewu 23:14

“Mi ni khombo n'wina, vatsari ni Vafarisi vamanyunyu, hikuva mi phanga tindlu ta vavasati va tinoni, mi ri karhi mi lehisa mikhongelo ya n'wina leswaku mi voniwa; hikwalaho mi ta avanyisiwa hi ku nonon'hwa loku tlurisaka.

Matewu 9:11

Kutani Vafarisi loko va swi vona, va byela vadyondzisiwa, va ku: “Mufundhisi wa n'wina u dyela yini ni valuvisi ni vadyohi xana?”

Luka 16:2

Kutani a n'wi vita, a ku eka yena: ‘Timhaka ta wena leti ndzi ti twaka hi tihi? Humesa swa vulanguteri bya wena, hikuva u nga ka u nga ha vi mulanguteri wa swilo swa mina.’

Luka 6:37

“Kambe mi nga avanyisi leswaku mi nga ti avanyisiwa; mi nga vekeli van'wana milandzu, leswaku na n'wina mi nga ti vekeriwa milandzu; tsetselelanani, kutani mi ta tsetseleriwa.

Yohane 3:10

Yesu a n'wi hlamula, a ku: “U mufundhisi wa Israele, kasi a ku tivi timhaka leti xana?

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

1 Vakorinto 12:28

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

1 Timotiya 1:7

va rhandza ku va vafundhisi va nawu, kambe a va tivisisi leswi va swi vulaka ni leswi va swi tiyisaka.

1 Timotiya 2:7

lebyi ndzi vekiweke muvulavuri ni muapostola hikwalaho ka byona (ndzi vulavula hi ku tiyisa, a ndzi hembi), ndzi mufundhisi wa vamatiko eku pfumeleni ni le ntiyisweni.

2 Timotiya 1:11

yoleyi ndzi vekiweke muvuri, ni muapostola, ni mufundhisi wa yona eka vamatiko.

Vaheveru 13:17

Yingisani varisi va n'wina, mi tiveka ehansi ka vona; hikuva va hitekela mimoya ya n'wina, hikuva va ta vutisiwa hi yona; va yingiseni leswaku va swi endla hi ku tsaka, ku nga ri hi ku vilela; hikuva sweswo, swi nga ka swi nga mi humeseli vunene.

Yakobo 1:16

Mi nga tshuki mi tixisa, vamakwerhu lava rhandziwaka;

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Yakobo 3:10

Enon'wini wu ri wun'we, ku huma ku khensa ni ku rhukana. A swi faneli, vamakwerhu, leswaku timhaka ti va tano.

1 Petro 5:3

mi nga ri lava fumaka ndzhaka ya Hosi, kambe mi va swikombiso swa ntlhambi.