Yakobo 1:25 - Xitsonga (Bibele)

²⁵ Kambe la xiyisaka nawu wa ku hetiseka, wu nga wa ku tshunxeka, a tiyisela kona, a nga ri mutwi la rivalaka, kambe a ri muendli la tirhaka, yeloyi u ta va munhu wo kateka eku endleni ka yena.

BIBELE Mahungu Lamanene

²⁵ Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Testamente Leyimpsha Xichangana

²⁵ Kambe lweyi akambisisaka Nawu lowuhetisekeke wa kutshunxeka, atiyisela ka wona na angali mutwi lweyi arivalaka, kambe ali muyendli lweyi atirhaka, atakateka ka lesvi asviyendlaka.

Yakobo 1:25 Iomraidhean Croise

Pisalema 106:3

Ku katekile lava hlayisaka milawu, Lava endlaka swinene hi mikarhi hinkwayo!

Pisalema 119:32

Ndzi ta tsutsuma endleleni ya ku lerisa ka wena, Loko u anamisile mbilu ya mina.

Pisalema 119:45

Ndzi ta famba endleleni leyi anameke, Hikuva ndzi lava swiletelo swa wena.

Swivuriso 14:15

Murivali u pfumelela marito hinkwawo, Kambe la nga ni ku anakanya u xiya laha a kandziyaka kona.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Luka 11:28

Yesu a ku: “Kambe ngopfu ku katekile lava yingisaka rito ra Xikwembu, kutani va ri hlayisa!”

Yohane 13:17

Loko mi tiva timhaka teto, mi katekile loko mi ti endla.

Yohane 8:36

Hikwalaho loko N'wana a mi kutsula, mi ta va mi kutsuriwile hakunene.

Timhaka 13:43

Kuteloko nhlengeletano yi hangalakile, Vayuda lavo tala, ni vaproselita lava tirhelaka Xikwembu, va landzela Pawulo na Barnaba; valavo loko va vulavula na vona, va va khongotela ku tiyisela etintswalweni ta Xikwembu.

Timhaka 2:42

Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Timhaka 26:22

Kambe, hikuva ndzi vonile ku pfuniwa hi Xikwembu, ndzi tiyisile ku fikela siku ra namuntlha ku vula vumbhoni eka lavatsongo ni lavakulu; kutani a ndzi vulanga timhaka tin'wana, loko ti nga ri leti Muxe ni vaprofeta va nga te ti ta humelela;

Varhoma 11:22

Hikwalaho, tsundzuka tintswalo ta Xikwembu, ni tihanyi ta xona; tihanyi ehenhla ka lava weke, ni tintswalo ehenhla ka wena, loko u tiyisela etintswalweni teto; hikuva loko u nga tiyiseri kona, u ta tsemiwa, na wena.

Varhoma 2:13

Kunene a hi vatwi va nawu lava lulameke emahlweni ka Xikwembu, kambe i vaendli va nawu, hi vona lava nga ta khanisiwa.

Varhoma 7:12

Loko wu ri nawu, wa kwetsima; ni ku lerisa ka kwetsima, ku lulamile, ku sasekile.

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

1 Vakorinto 15:58

Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

2 Vakorinto 13:5

Tianakanyeni mi ri n'wina, mi ta vona loko mi ri eku pfumeleni; tikambeleni mi ri n'wina, a mi swi anakanyi leswaku Yesu Kriste u le ka n'wina xana? Loko swi nga ri leswaku kumbexana mi ri lava nga tiki amukeriwaka.

Vagalatiya 2:4

ku ri hikwalaho ka vamakwerhu va mavunwa, lava nkhunkhuseleke exikarhi ka hina va nga tsundzukiwi, lava kaseleke exihundleni, va ta wonga ku tshunxeka loku hi nga na kona eka Yesu Kriste, va ta hi nghenisa evukhumbini;

Vagalatiya 5:1

Yimani hakona, mi tiya eku tshunxekeni loku Kriste a nga hi tshunxa hakona, kutani mi nga tlheli mi tiveka ehansi ka mpingu wa vukhumbi.

Vagalatiya 6:2

Rhwalelanani mirhwalo, mi ta hetisa sweswo nawu wa Kriste.

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

1 Timotiya 2:15

Hambiswiritano, u ta ponisiwa hi ku veleka vana, loko a tshama eku pfumeleni, ni le rirhandzwini, ni le ku kwetsimeni, a ri ni ku chava.

1 Timotiya 4:16

U tilangutela, wena, ni ku dyondzisa ka wena, kutani u tiya kona, hikuva loko u endlisa sweswo, u ta tihanyisa; u ta hanyisa ni lava ku yingisaka.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Yakobo 2:12

Vulavulani, mi endla hi mukhuva lowu fanelaka lava nga ta avanyisiwa hi nawu wa ku tshunxeka.

1 Petro 2:16

mi nga lava tshunxiweke, kambe ku tshunxeka ka n'wina ku nga tshuki ku va xisirhelelo xa ku endla swo biha, kambe mi va makhumbi ya Xikwembu.

1 Yohane 2:24

Loko mi ri n'wina, lexi mi xi tweke ka ha ri eku sunguleni, a xi tshame eka n'wina, na n'wina mi ta tshama eka N'wana ni le ka Tatana.

Nhlavutelo 14:13

Kutani ndzi twa rito leri humaka etilweni, ri ku: “Tsala: Ku katekile vafi lava felaka eHosini, ku sungula sweswi!” Moya wu ri: “Ina, leswaku va phyuphya emitirhweni ya vona, hikuva mitirho ya vona ya va landzela.”

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!

1 SAMIELE 12:14

Kungakuloko mi chava Yehovha, ni loko mi n'wi tirhela, ni loko mi yingisa rito ra yena, mi nga ali ku lerisa ka Yehovha, n'wina ni hosi ya n'wina leyi mi fumaka, mi ta landza Yehovha, Xikwembu xa n'wina.