Yakobo 1:19 - Xitsonga (Bibele)

¹⁹ Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

BIBELE Mahungu Lamanene

¹⁹ Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.

Testamente Leyimpsha Xichangana

¹⁹ Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha.

Yakobo 1:19 Iomraidhean Croise

Nehemiya 8:18

Ku hlayiwa buku ya milawu ya Xikwembu, siku rin'wana ni rin'wana, ku sungula hi siku ro rhanga, ku fika ro hetelela; va endla nkhuvo hi masiku ya ntlhanu na mambirhi; hi ra ntlhanu na manharhu ku endliwa nhlengeletano leyikulu ngopfu, hilaha ku lerisiweke hakona.

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Nehemiya 9:3

Va yimile ematshan'weni ya vona, kutani ku hlayiwa buku ya milawu ya Yehovha, Xikwembu xa vona, hi ku avanyisa ka vumune ka siku rin'wana ni rin'wana; hi ku avanyisa kun'wana ka vumune va humesa ku tivula ka vona kutani va khinsama emahlweni ka Yehovha, Xikwembu xa vona.

Ntirho 32:16

Ndzi langutele ku miyela ka vona, Loko va yimile va nga ha hlamuli.

Swivuriso 10:19

Eku vulavuleni loko tala, ku dyoha a ku pfumaleki, Hikwalaho, la tikhomaka nomu u tlharihile.

Swivuriso 13:3

La tikhomaka nomu u hlayisa moya wa yena, Kambe la tshamaka a ahlamisa nomu wa yena, u ta wela eku loveni.

Swivuriso 14:17

Munhu la angwetlaka ku kariha u endla swo hunguka, Wa timhaka ta lunya wa vengiwa.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

Swivuriso 15:18

Munhu la karihaka u pfuxa ku hambana; Kambe la hlwelaka ku hlundzuka u tima timholovo.

Swivuriso 15:2

Nomu wa lavo tlhariha wu nandzihisa ku tiva, Kambe nomu wa swihunguki wa humesa vuhunguki.

Swivuriso 16:32

La hlwelaka ku kariha u tlula nhenha, Ni la hlulaka mbilu ya yena u tlula la tekaka miti.

Swivuriso 17:14

Ku sungula ku hambana, i ku boxa ka ndhambi; Hikwalaho, loko mholovo yi nga si sungula, suka.

Swivuriso 17:27

La tikhomaka emaritweni u tiva ku tlhariha, La tisivaka nomu u ni ku twisisa.

Swivuriso 18:13

La hlamulaka a nga si twa, U kombisa vuphukuphuku bya yena u tivangela tingana.

Swivuriso 18:21

Ku fa ni ku hanya swi kota hi ririmi, Lava ri rhandzaka va ta dya mihandzu ya rona.

Swivuriso 19:11

Munhu wa vutlhari u hlwela ku kariha, Ku twala ka yena i ku yingisela ku dyoheriwa.

Swivuriso 19:19

Munhu wo kariha u ta rhwala ku biwa ka kona, Loko u n'wi kutsula u ta fanela ku engetela.

Swivuriso 21:23

La tihlayisaka nomu ni ririmi U chavisa moya wa yena mahlomulo.

Swivuriso 25:28

Munhu la hlulekaka ku fuma mbilu ya yena, I muti lowu ngheniweke hi valala, wu nga ri na rirhangu.

Swivuriso 29:20

U tsundzukile xihatli xana? Xihunguki xi nga tshembeka ku tlula xona.

Tinhlayo 22:27

Mbhongolo yi vona ntsumi, kutani yi tiwisa ehansi, kutani Balaama a kariha, a ba mbhongolo hi nhonga.

Matewu 5:22

Kambe mina ndzi ri eka n'wina: Munhu hambi a ri mani na mani, la karihelaka makwavo ntsena u ta fanela ku avanyisiwa; la vulaka makwavo xihunguki, u fanele ku avanyisiwa hi nhlengeletano; la nge eka yena: ‘U ni rihuhu,’ u fanele hi ndzilo wa tihele.

Marka 12:37

Xana loko yena Davhida a n'wi vula hosi, a nga va n'wana wa yena hi mukhuva wihi xana?” Kutani ntshungu lowunyingi a wu n'wi yingisa hi ku tsaka.

Marka 2:2

Vanhu lavo tala va hatlisa va hlengeletana kona; ku pfumaleka ni vutshamo emahlweni ka nyangwa, kambe Yesu a a va dyondzisa rito.

Luka 15:1

Kutani valuvisi ni vadyohi va tshinelela eka yena ku n'wi yingisa.

Luka 19:48

Kambe va tsandzeka ku endla nchumu, hikuva vunyingi hinkwabyo a byi n'wi yingisa.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Timhaka 10:33

Hikwalaho ndzi hatliseke ku rhuma vanhu eka wena; kambe u endlile swona loko u tile; sweswi, hinkwerhu hi tshamile la, kun'we emahlweni ka Xikwembu, ku yingisa hinkwaswo leswi Xikwembu xi ku leriseke swona.”

Timhaka 13:48

Kutani vamatiko, loko va twa sweswo, va tsaka, va dzunisa rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

Timhaka 2:42

Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Vaefesa 4:26

Kungakuloko mi kariha, mi nga tshuki mi dyoha; dyambu ri nga peleli vukari bya n'wina;

Vaefesa 4:31

Ku vilela hinkwako, ni ku hlundzuka hinkwako, ni ku kariha hinkwako, ni pongo hinkwaro, ni ku hlevana hinkwako, ni mona hinkwawo, a swi susiwe exikarhi ka n'wina,

Vakolosa 3:15

Kutani ku rhula ka Kriste loku mi vitaneriweke kona ku endla miri wun'we, a ku fume etimbilwini ta n'wina; kambe mi va ni ku khensa.

Vakolosa 3:8

Kambe sweswi, na n'wina, cukumetani swilo leswo hinkwaswo, ku nga ku kariha, ni ku kanetana, ni mona; ku lumbeta, ni marito ya tingana swi nga tshuki swi huma emilon'wini ya n'wina.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Yakobo 1:16

Mi nga tshuki mi tixisa, vamakwerhu lava rhandziwaka;

Yakobo 1:2

Vamakwerhu, ringanisani leswaku i ku tsaka ntsena loko mi humelela hi miringo leyo tala;

Yakobo 1:26

Loko un'wana exikarhi ka n'wina a ringanisa leswaku u ni vukhongeri, kutani a nga bohi ririmi ra yena, kambe a tixisa embilwini, vukhongeri bya munhu loyi, i bya hava.

Yakobo 2:1

Vamakwerhu, ku pfumela loku mi nga na kona eka Hosi ya hina Yesu Kriste, Hosi ya ku kwetsima, ku nga tshuki ku va ni ku hlawula vanhu hi nghohe ya vona;

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Yakobo 3:10

Enon'wini wu ri wun'we, ku huma ku khensa ni ku rhukana. A swi faneli, vamakwerhu, leswaku timhaka ti va tano.

Yakobo 4:11

Mi nga tshuki mi hlevana, vamakwerhu; la hlevaka makwavo, kumbe la avanyisaka makwavo, u hleva nawu, kambe u avanyisa nawu; kutani loko u avanyisa nawu, a ku muhlayisi wa nawu, kambe u muavanyisi wa wona.

Yakobo 5:12

Kambe, vamakwerhu, emahlweni ka hinkwaswo, mi nga hlambanyi, hambi ku ri hi tilo, hambi ku ri hi misava, ni loko ku ri ku hlambanya kwihi ni kwihi; kambe ina ya n'wina yi fanele ku va ina, ni e-e ya n'wina a yi ve e-e, leswaku mi nga tshuki mi wela eku avanyisiweni.

Yakobo 5:19

Vamakwerhu, kungakuloko un'wana wa n'wina a hambukile eka leswinene, kutani un'wana a n'wi tlherisa,

1 Yohane 2:21

Ndzi mi tsalele swi nga ri hi leswi mi nga tiviki ntiyiso kambe hi leswi mi wu tivaka, kutani a ku na vunwa lebyi humaka entiyisweni.