Yakobo 1:10 - Xitsonga (Bibele)

¹⁰ kambe la fuweke a a tidzunise evusiwaneni bya yena; hikuva u ta hundza kukota xiluva xa byanyi.

BIBELE Mahungu Lamanene

¹⁰ na yena mufuwi, ú fanele ku tsaka loko a tsongahatiwa, hikuva ku fana ni xiluva xa nhova, ú ta hundza.

Testamente Leyimpsha Xichangana

¹⁰ na yena mufuwi, afanela kutsaka loko atsongahatiwa, hikuva kufana ni xiluva xa nhova, xitahundza.

Yakobo 1:10 Iomraidhean Croise

Ntirho 14:2

Wa mila, kutani a tsemiwa kukota xiluva; Wa hundza kukotisa ndzhuti, a nga tshami a va kona.

Pisalema 102:11

Masiku ya mina ma fana ni ndzhuti wa madyambu, Ndzi omile kukota byanyi.

Pisalema 103:15

Loko a ri munhu, masiku ya yena ma kotisa byanyi, Wa baleka tani hi xiluva xa nhova.

Pisalema 37:2

Hikuva va ta tsemiwa sweswi kukotisa byanyi, Va ta vuna kukotisa rihlaza.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Esaya 40:6

Rito ri te: “Huwelela!” Kutani ku hlamuriwa, va ku: “Ndzi ta huwelela yini?” Nyama yin'wana ni yin'wana yi fana ni byanyi, ni ku saseka ka byona ku fana ni xiluva xa nhova.

Esaya 40:7

Byanyi bya oma, xiluva xa vuna loko moya wa Yehovha wu hundzile ehenhla ka xona, kunene vanhu va fana ni byanyi.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Matewu 5:3

“Ku katekile swisiwana emoyeni, hikuva ku fuma ka matilo i ka swona.

Matewu 6:30

Loko Xikwembu xi funengeta sweswo byanyi bya nhova lebyi nga kona sweswi, kasi nimixo byi ta cukumetiwa exitikweni, xana xi nga ka xi nga mi funengeti ngopfu n'wina vanhu va ku pfumela lokutsongo?

1 Vakorinto 7:31

ni lava tipfunaka hi swa misava leyi, va va kukota loko va nga pfuniwi ha swona, hikuva maendlelo ya misava leyi, ma hela.

Vafilipiya 3:8

Kunene ndzi ringanisa leswaku hinkwaswo i swahava, loko swi nga fanisiwa ni vukulukumba bya ku tiva Yesu Kriste, Hosi ya mina, yeloyi ndzi cukumeteke hinkwaswo hikwalaho ka yena, ndzi swi ringanisa ni ntshuri leswaku ndzi fuwa Kriste,

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Yakobo 4:14

n'wina vanhu lava nga ti tiviki swa mundzuku; hikuva vutomi bya n'wina i yini-ke? I hunguva leyi vonakaka hi nkarhi wu nga ri wungani, kutani yi hangalaka.

1 Petro 1:24

Hikuva “nyama hinkwayo yi kotisa byanyi, kutani ku kwetsima hinkwako ka yona kukotisa xiluva xa byanyi; byanyi byi omile, kutani xiluva xa byona xi wile;

1 Yohane 2:17

Kambe misava ya hundza, ni ku navela ka yona; kambe la endlaka ku rhandza ka Xikwembu, u tshama hilaha ku nga heriki.