Yakobo 1:1 - Xitsonga (Bibele)

¹ Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

BIBELE Mahungu Lamanene

¹ Mina Yakobo, nandza wa Xikwembu ni wa Hosi Yesu Kriste, ndzi tsalela tinyimba ta 12, va nga vakriste lava hangalakeke hinkwako ematikweni, ndzi ri: Xewani!

Testamente Leyimpsha Xichangana

¹ Mina Yakobe, nandza wa Xikwembu ni wa Hosi Yesu Kriste, nitsalela khume ra tinxaka ni timbirhi, vanga vakriste lavahangalakeke matikweni hinkwawu, nili: Xeweni!

Yakobo 1:1 Iomraidhean Croise

1 TIHOSI 18:31

Kutani Eliya a teka maribye ya khume na mambirhi hi ntsengo wa tinyimba ta vana va Yakobo loyi Yehovha a n'wi byeleke, a ku: “Vito ra wena ri ta va Israele.”

Ezra 6:17

eku khanguleni ka yindlu leyi ya Xikwembu, va tlhava tinkunzi ta dzana rin'we, ni makhuna ya madzana mambirhi, ni swinyimpfana swa madzana ya mune, ni swiphongo swa khume na swimbirhi swa mhamba ya swidyoho swa Vaisraele hinkwavo, hi ntsengo wa tinyimba ta va Israele.

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Eksoda 24:4

Muxe a tala marito hinkwawo ya Yehovha, kutani a pfuka nimpundzu, a aka alitari ehansi ka ntshava, a yimisa maribye ya khume na mambirhi, ku ringanisa tinyimba ta Israele ta khume na timbirhi.

Eksoda 28:21

“Maribye ma ta vekiwa hi ku tlhandlamana ka mavito ya vana va Israele va khume na mambirhi; ma ta va khume na mambirhi hi ku hlaya ka mavito ya vona, rin'wana ni rin'wana ri ta va ni vito ra rixaka rin'we ra Israele, mavito ma ta tsariwa hi mukhuva wa mfungho.

Eksoda 39:14

Maribye lawa ya khume na mambirhi ma vekiwile hi ku tlhandlamana ka mavito ya vana va Israele; rin'wana ni rin'wana ri tsariwile vito ra rixaka rin'we ra vona hi mukhuva wa ku tsariwa ka mfungho.

Ezekiele 12:15

Loko ndzi va hangalasile exikarhi ka matiko, va ta tiva leswaku hi mina Yehovha.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Matewu 10:3

Filipi na Bartolomi, Tomasi na Matewu muluvisi; Yakobo n'wana Alfiya na Lebiya;

Matewu 13:55

Yeloyi a hi n'wana wa muvatli-ke? A hi ku mana wa yena hi loyi va nge i Mariya; ni vamakwavo, xana a hi Yakobo, na Yosefa, na Simoni, na Yuda-ke?

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Marka 3:18

na Andriya na Filipi, na Bartolomi, na Matewu, na Tomasi, na Yakobo n'wana Alfiya, na Tadiya, na Simoni wa Kanana;

Luka 22:30

Mi ta va lava dyaka, ni lava nwaka etafuleni ra mina, eku fumeni ka mina; kutani mi ta tshama eswiluvelweni, mi avanyisa tinxaka ta khume na timbirhi ta Israele.”

Luka 6:15

na Matewu, na Tomasi, na Yakobo, n'wana Alfiya, na Simoni la nga thyiwa Muhiseki;

Yohane 12:26

Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Yohane 7:35

Hilaha Vayuda va vutisanaka, va ku: “U ta ya kwihi loyi, laha hi nga ta tsandzeka ku n'wi kuma; xana u ta ya eka lava hangalakeke exikarhi ka Vagriki, a dyondzisa Vagriki xana?

Timhaka 1:13

Kuteloko va nghenile va khandziya endlwini leyi nga ehenhla, laha ku tshameke Petro na Yohane, na Yakobo, na Andriya na Filipi, na Tomasi, na Bartolomi, na Matewu, na Yakobo, n'wana Alfiya, na Simoni Muhiseki, na Yuda, makwavo wa Yakobo.

Timhaka 12:17

Kambe yena a va kwehleta hi voko leswaku va miyela; kutani a va byela hilaha Hosi yi n'wi humeseke ekhotsweni hakona; kambe a ku: “Tivisani Yakobo ni vamakwerhu timhaka teto.” Kutani a huma, a tifambela kun'wana.

Timhaka 15:13

Kuteloko va miyerile, Yakobo a vulavula a ku: “Vavanuna varikwerhu, ndzi yingiseni;

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”

Timhaka 15:23

Va tsala teto ha vona, va ku: “Vaapostola, ni vakulukumba, ni vamakwavo, eka vamakwerhu vamatiko, lava nga eAntiyoka, na Siriya, na Kilikiya, xewani!

Timhaka 2:5

Kambe a ku ri ni Vayuda lava akeke eYerusalema, lava chavaka Xikwembu, va huma ematikweni hinkwawo lama nga ehansi ka tilo.

Timhaka 21:18

Loko byi xile, Pawulo a ya na hina eka Yakobo, kutani vakulukumba hinkwavo va hlengeletana kona.

Timhaka 23:26

“Klawudiyo Lisiya, eka Felikisi, hosi ya mafundza, xewani!

Timhaka 26:7

koloko tinxaka ta hina leta khume na timbirhi ti tshembaka leswaku ti ta fikela kona, ti ri karhi ti tiyisela ku gandzela Xikwembu vusiku ni nhlekanhi; hikwalaho ka ku tshemba loku, wena Hosi Agripa, ndzi hehliwaka hi Vayuda.

Timhaka 8:1

Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

Varhoma 1:1

Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

Vagalatiya 1:19

A ndzi vonanga wumbe wa vaapostola van'wana, loko a nga ri Yakobo, makwavo wa Hosi.

Vagalatiya 2:12

Hikuva kakuloko van'wana va hume eka Yakobo, loko va nga si fika, a ya dya ni vamatiko; kambe kuteloko va fikile, a tshinela endzhaku, a tihlawula, hi ku chava lava yimbeke.

Vagalatiya 2:9

ndzi ri: Loko va vonisisile nyiko leyi ndzi yi nyikiweke, Yakobo na Kefasi na Yohane, lava ringanisiwaka leswaku i misinya, va nyike mina na Barnaba mavoko ya vunakulobye, leswaku hina hi ya eka vamatiko, kutani vona va ya eka lava yimbeke,

Duteronoma 28:64

Yehovha u ta ku hangalasa ematikweni hinkwawo, ku suka emakun'wini ya misava, ku yisa emakun'weni man'wana ya misava, kutani u ta tirhela kona swikwembu swin'wanyana leswi wena ni vatata wa wena mi nga swi tivangiki, wu ri ntsandze ni ribye.

Duteronoma 30:3

Yehovha, Xikwembu xa wena, xi ta tlherisa vakhomiwa va wena, xi ku tsetselela, xi engeta xi ku hlengeleta ematikweni hinkwawo lawa Yehovha, Xikwembu xa wena, ingi xi ku hangalasele kona.

Duteronoma 32:26

Ingi ndzi ta ku: “Ndzi ta va kukula; Ndzi ta hlangula xitsundzuxo xa vona exikarhi ka vanhu,”

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

2 Timotiya 4:21

Hatlisa ku ta, vuxika byi nga si fika. Yubulo wa ku rungula, na Pude, na Lino, na Klawudiya, ni vamakwerhu hinkwavo.

Tito 1:1

Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri,

1 Petro 1:1

Petro, muapostola wa Yesu Kriste; Eka lava hlawuriweke, lava hangalakeke, va nga lava luveleke ematikweni ya Ponto, na Galatiya, na Kapadokiya, na Asiya, na Bitiniya,

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste:

Nhlavutelo 7:4

Kutani ndzi twa vunyingi bya lava funghiweke va ri 144 000 lava funghiweke eka tinxaka hinkwato ta vana va Israele: