Vaheveru 2:3 - Xitsonga (Bibele)

³ hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

BIBELE Mahungu Lamanene

³ xana hina hi nga pona hi ndlela yihi, loko hi nyenya ku ponisiwa lokukulu ko tano xana? Hosi yi vurile ta ku ponisiwa loku, ka ha ri eku sunguleni, kutani ku tlhela ku tiyisiwa eka hina hi lava va tweke timhaka ta kona.

Testamente Leyimpsha Xichangana

³ xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

Vaheveru 2:3 Iomraidhean Croise

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 20:6

kutani lava akeke exihlaleni xolexo va ta ku hi siku rolero: ‘Vonani ku lova ka loyi ngi hi n'wi tshembile, loyi hi nga tsutsumela eka yena ku ya pfuniwa ni ku lamuleriwa emavokweni ya hosi ya Asiriya! Kutani, na hina, hi nga balekisa ku yini?’ ”

Esaya 51:5

Ku lulama ka mina ku kusuhi, ku ponisa ka mina ku ta humelela, kutani voko ra mina ri ta avanyisa matiko; swihlale swi ta ndzi tshemba, swi ta tshemba voko ra mina.

Esaya 51:8

hikuva nsumba yi ta va dya tanihi nguvu, hele ri ta va luma tanihi voya; kambe ku lulama ka mina ku ta sala hi masiku, ni ku hlayiseka ka mina hilaha ku nga heriki!”

Esaya 62:11

Maswivo, Yehovha u tivisile ku ya fika emakun'wini ya misava, a ku: “Byelani n'wana wa Siyoni: ‘Waswivo muponisi wa wena wa ta; waswivo, ku khensa ka yena ku na yena, ni hakelo ya yena yi le mahlweni ka yena.’ ”

Ezekiele 17:15

Kambe u yi hundzukele, u rhumile tintsumi Egipta, leswaku va n'wi nyika tihanci ni vanhu lavo tala: Loyi a endleke swilo leswo tano, u ta swi kota xana, u ta pona xana? U onhile xinakulobye, xana u ta pona-ke?

Ezekiele 17:18

U onhile xinakulobye, u sorile ku hlambanya ka yena loku a nga ku tiyisa hi ku tshambuluta voko, a nga ka a nga poni.

Matewu 23:33

N'wina tinyoka, vana va timhiri; mi ta ponisa ku yini eku avanyiseni ka tihele?

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

Marka 1:14

Kuteloko Yohane a bohiwile, Yesu a fika eGaleliya, a vula Evhangeli ya ku fuma ka Xikwembu, a ku:

Luka 1:2

hilaha hi ti nyikiweke hi lava ingi ti ri timbhoni ta tona ni malandza ya rito, ka ha ri eku sunguleni ka tona;

Luka 1:69

xi hi pfuxele ku ponisa lokukulu endlwini ya Davhida, nandza wa xona,

Luka 24:19

A ku eka vona: “Hi tihi xana?” Va ku eka yena: “Ta Yesu wa Nazareta, loyi ngi a ri muprofeta wa matimba, emitirhweni ni le ku vulavuleni, emahlweni ka Xikwembu ni tiko hinkwaro;

Yohane 15:27

na n'wina mi ta va timbhoni, hikuva a mi ri na mina ka ha ri eku sunguleni.

Timhaka 1:22

ku sungula eku khuvuleni ka Yohane ku ya fika siku leri a tekeriweke etilweni a ri exikarhi ka hina, un'wana wa vona u fanele ku va swin'we na hina mbhoni ya ku pfuka ka yena.”

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Timhaka 4:12

Kutani a ku na ku hlayiseka ka un'wana, hikuva a ku na vito rimbe ehansi ka matilo, leri nyikiweke exikarhi ka vanhu, leri hi fanelaka ku hanyisiwa ha rona.”

Varhoma 11:14

leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.

Varhoma 2:3

Kutani wena munhu la avanyisaka lava endlaka leswo tano kasi wa swi endla na wena, xana u anakanya leswaku u ta pona eku avanyiseni ka Xikwembu xana?

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

1 Timotiya 1:15

Rito leri ri tiyile, ri fanele ku amukeriwa hi ku kholwa hinkwako, leswaku Yesu Kriste u tile emisaveni ku ponisa vadyohi, lava ndzi nga lowo rhanga exikarhi ka vona.

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Vaheveru 4:1

A hi chaveni kwalaho leswaku hambi ku tshembisa ka ku nghena eku wiseni ka xona ku vekeriwe hina, un'wana wa n'wina a nga ti kumiwa a sele endzhaku.

Vaheveru 4:11

Hikwalaho, a hi chivirikeni ku ya nghena eku wiseni kuloko, leswaku ku nga ti va na un'we la khunguvanyekaka hi ku tiarisa loko tano.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

1 Yohane 1:1

Lexi ngi xi ri kona eku sunguleni lexi hi xi tweke, lexi hi xi voneke hi mahlo ya hina, lexi hi xi languteke, lexi mavoko ya hina ma xi khumbeke, ri nga Rito ra vutomi;

Yuda 1:17

Kambe n'wina varhandziwa, anakanyani timhaka leti vuriweke eku sunguleni hi vaapostola va Hosi ya hina, Yesu Kriste;

Nhlavutelo 7:10

Kutani va huwelela hi marito lama tlakukeke va ku: “Ku hlayiseka i ka Xikwembu xa hina lexi tshameke exiluvelweni, ni ka Xinyimpfana.”