Vafilipiya 4:9 - Xitsonga (Bibele)

⁹ Hikuva mi dyondzile swona, mi swi amukerile, mi swi yingisile, mi swi vonile eka mina; na n'wina swi endleni, kutani Xikwembu xa ku rhula xi ta va na n'wina.

BIBELE Mahungu Lamanene

⁹ Leswi mi swi dyondzeke ni ku swi kuma, leswi mi swi tweke ni ku swi vona eka mina, swi endleni, kutani Xikwembu xa ku rhula xi ta va na n'wina.

Testamente Leyimpsha Xichangana

⁹ Lesvi misvijondzeke ni kusvikuma, lesvi misvitweke ni kusvivona ka mina, sviyendleni, kutani Xikwembu xa kurhula xitava na n'wina.

Vafilipiya 4:9 Iomraidhean Croise

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Matewu 7:21

“A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

Luka 6:46

“Xana mi ndzi vulela yini: ‘Hosi, Hosi,’ kasi a mi endli leswi ndzi mi byelaka swona?

Luka 8:21

Kambe a hlamula, a ku eka vona: “Manana, ni vamakwerhu hi lava yingisaka rito ra Xikwembu, va va va endla hakona.”

Yohane 13:17

Loko mi tiva timhaka teto, mi katekile loko mi ti endla.

Yohane 15:14

Mi ta va vanakulorhi loko mi endla hinkwaswo leswi ndzi mi byelaka swona.

Yohane 2:5

Mana wa yena a ku eka malandza: “Endlani hinkwaswo leswi a nga ta mi byela swona.”

Timhaka 9:6

Kutani hi ku rhurhumela ni ku tshuka, a ku: “Hosi, u ri ndzi endla yini xana?” Hosi yi ku eka yena: “Pfuka, u nghena emutini, kutani u ta byeriwa kona leswi u fanelaka ku swi endla.”

Varhoma 15:33

Xikwembu xa ku rhula a xi ve na n'wina hinkwenu! Amen!

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

1 Vakorinto 14:33

hikuva Xikwembu a hi Xikwembu xa dzolonga, kambe i xa ku rhula.

1 Vakorinto 4:16

Ndza mi khongotela hakona, ndzi ri: Mi va vaetisi va mina.

2 Vakorinto 13:11

Eku heteleleni, vamakwerhu, ndzi ri: Titsakeleni, tilaveleni ku hetiseka, mi chavelelana; mi va ni ku anakanya kun'we; mi tshama hi ku rhula; kutani Xikwembu xa rirhandzu ni xa ku rhula xi ta va na n'wina.

Duteronoma 5:1

Kutani Muxe a vitana vana va Israele hinkwavo, a ku eka vona: “Yingisani, Vaisraele, milawu ni ku lerisa leswi ndzi swi vulaka namuntlha etindleveni ta n'wina; mi ta swi dyondza, mi va mi tivonela ku swi hlayisa.

Vafilipiya 3:17

Vamakwerhu, mi va vaetisi va mina, mi xiya lava fambaka hi mitila leyi mi yi vonaka eka hina.

Vafilipiya 4:7

kutani ku rhula ka Xikwembu loku tlurisaka ku twisisa hinkwako, ku ta hlayisa timbilu ta n'wina, ni miehleketo ya n'wina eka Yesu Kriste.

1 Vatesalonika 1:6

Kutani, na n'wina mi hundzukile vaetisi va hina ni va Hosi, hi ku amukela Rito hi ku tsaka ka Moya lowo Kwetsima mi ri emaxangwini lamakulu,

1 Vatesalonika 2:14

Hikuva, vamakwerhu, mi hundzukile vaetisi va tikereke ta Xikwembu ta Yudiya leti nga eka Yesu Kriste, hikuva na n'wina, mi twisiwile hi va tiko ra rikwenu ku vaviseka ku ri kun'we ni loku va ku twisiweke hi Vayuda,

1 Vatesalonika 5:23

Xikwembu xa ku rhula a xi mi basise swinene, xi mi endla lava hetisekeke hinkwenu, leswaku hinkwaswo leswi nga eka n'wina, moya, ni mbilu, ni miri, swi hlayiseriwa ku vuya ka Hosi ya hina, Yesu Kriste, swi basile.

2 Vatesalonika 3:4

Kutani loko mi ri n'wina, hi ni ku tshemba ka Hosi leswaku mi endla swilo leswi hi mi lerisaka swona, ni leswaku ma ha ta swi endla.

2 Timotiya 4:22

Hosi Yesu Kriste a yi ve ni moya wa wena! Tintswalo a ti ve na n'wina!

Yakobo 1:22

Mi va vaendli va rito, mi nga vi vatwi ntsena, lava tixisaka eku ringaniseni ka vona.

2 Petro 1:10

Hikwalaho, vamakwerhu, chivirikani ngopfungopfu ku tiyisa ku vitiwa ni ku hlawuriwa ka n'wina; hikuva loko mi endlisa sweswo, mi nga ka mi nga khunguvanyeki ni siku ni rin'we.

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.